Fidibai 2:9 - Ñwed Abasi Ke Ikọ Ibibio Ayo Mfịn

⁹ Ke ntodo Abasi amaadịppe anye akesịm ñkoñ ñkan itie anyʌñ anọ anye anyịñ a-akoñño akan afịd anyịñ.

Fidibai 2:9 ပူးပေါင်းရင်းမြစ်များ

Matiu 11:27

“Ete mmi ayaak afịd ñkpọ ansịn ke ubọk ndin baaba awo ndomokeed idiọọñọke Ayịn ke mmiibọhọke Ete, kpa naña nte awo ndomokeed mmiidiọọñọke Ete ke mmiibọhọke Ayịn, mme mbon Ayịn amekke adiyaara anye nnọ.

Matiu 28:18

Yisọs adi aditañ ikọ ye ammọ. Anye ate, “Eyaak afịd adudu ke anyọñ ye ke isọñ ennọ miin.

Eti Etob Naña Duk Awet 10:22

“Ete mmi amaayaak afịd ñkpọ ansịn ke ubọk. Awo ndomokeed idiọọñọke ake awo Ayịn ado, ibọhọke Ete ikpọọñ, awo ñko idiọọñọke se Ete ado, ibọhọke Ayịn ye mbon a-Ayịn amekke adiyaara anye nnọ.”

Yọọn 13:3

Yisọs amaadiọọñọ ke Ete amaayaak ukeed ñkpọ asịn ke adudu imọ, ñko ke imọ ikito Abasi idi, idiinyʌñ inyọñ ibịne Abasi;

Yọọn 17:11

Ami mbooho mba aba ke ederimbod, ado ammọ esʌk ebaba ke ederimbod, sia ami ñyaanyọñ ubịne fiin. Adisana Ete, dat adudu anyịñ mfo kpeme ammọ, anyịñ afo akennọọhọ miin nọ ammọ edo keed kpa naña ñnyịn ido keed.

Yọọn 17:12

Idahami ami ñkebaaha mme ammọ mmaakpeme ammọ ñnyʌñ ndat anyịñ a-afo akennọọhọ nnịm ammọ ke ifure. Ammọ bene keed isoppo ke mmiibọhọke ada akenaaha nte asop ma ikọ Abasi asu.

Yọọn 17:5

Ndin, idahami, Ete nnọ miin ubọọñ ke iso mfo ke ubọọñ ami ñkenieeghe ye afo mbemiso ntọọñọ ederimbod.

Utom 5:31

Abasi amaabenne anye anịm ke ubọk udom amọ nte Ayịn Abọọñ ye Andinyaaña ma anye anam Isred ekappa esịd, anye ñko anyʌñ afeen mme idiọọkñkpọ ammọ.

Efisọs 1:10

a-adiinam awuọ ada ke ini amaadikem ayọhọ-ayọhọ, nọ aben afịd ñkpọ ke abio Abasi ye ke isọñ adian keed ke idak ukara Krais.

Kodosi 1:18

Ndin anye ado iwuod ke idem, a-adooho ke ufọkabasi, anye ado ntọọñọ ndin anye ado akpa andimana ato ke atu mme akpañkpa, ndin ke afịd ñkpọ anye ado andikpon ñkan.

2 Tesadonia 1:12

Ñnyịn ibọñ akam ami ite akpedo ntodo nọ anyịñ Abọọñ ñnyịn Yisọs akpebọ ubọọñ ke idem ndufo, ndin ndufo ñko ke anye, nọ asaña akekem ke mfọn Abasi ñnyịn ye Abọọñ Yisọs Krais.

Ibru 1:4

Ndin anye amaakappa akoñ akan mme enyere sia anyịñ a-anye abọọhọ akoñ akan ake ammọ.

Ibru 1:9

Afo amema adisana ido akenyʌñ asua ukwañ ido; ke ntodo Abasi, Abasi mfo audịppe fiin abọhọ mme nsaña mfo ke aduyet fiin adan inemesịd.”

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

Ibru 2:9

Ado ñnyịn imikịt Yisọs, e-ekenamma asuuhọ etək-etək akan mme enyere, idahami, eyat anye anyanya ubọọñ ye ukpono sia anye amaabọ ndutʌkkọ ñkpa nọ ato do, ke mfọn Abasi anye anweem ñkpa anọ afịd awo.

1 Bita 3:22

a-akenyọññọ abio ubọọñ Abasi atie ke ubọk udom Abasi, ye mme enyere, mme ukara ye mme adudu esuuk iwuod enọ anye.

2 Bita 1:17

Sia anye akebọ ukpono ye ubọọñ ke ubọk Abasi Ete, ke ini uyo atooho ke akaakan ubọọñ ado asịm anye ntom, ate, “Ami ado Ayịn mmi, Ayịn ima Mmi, e-esịd anem Miin ye anye.”

3 Yọọn 1:7

Sia ammọ edoñño nsaña utom enọ Abasi, ammọ ikinyʌññọ ibọ ndomo unwam keed ito mme akpono ndem.

Adiyaara 1:5

anyʌñ ato Yisọs Krais andinọ ntiense akpanikọ, akpa ke atu mme andised ke ñkpa ye Andikara mme ndidem ederimbod. Ubọọñ mme adudu enie anye i-imaaha ñnyịn, a-anyʌññọ adat iyiib amọ ayet ñnyịn asio ke ndiọiñkpọ,

Adiyaara 11:15

Ayọhọ enyere itiaba amaafịt adukpəñ amọ ndin ekamba uyo amaawuọ ato abio ubọọñ Abasi a-akebooho: “Abio ubọọñ ederimbod akappa abio ubọọñ Abọọñ ñnyịn ye ake Krais amọ, ndin anye ayaakara ke nsi-nsi, nsi-nsi.”

Adiyaara 19:16

Ewet anyịñ amọ ke afọñidem amọ ye ke ifʌkkọ amọ: adidem mme ndidem ye abọọñ mme mbọọñ.

Adiyaara 3:21

Anye a-akanna ke ndiinọ unen aditie ye ami ke ebekpo mmi; kpa nte a-ami ñkekanna nnyʌñ nsuuk ntie mme Ete mmi ke ebekpo amọ.

Adiyaara 5:12

Ke akpọsọñ uyo ammọ emaekwọ: “Ayịn Edọñ e-emaekewot adot adibọ adudu ye inie, ye ikike ye udịd, ye ukpono, ye ubọọñ ye itooro.”