Fidibai 2:7 - Ñwed Abasi Ke Ikọ Ibibio Ayo Mfịn

⁷ ado anye anam idem amọ ado ñkaña ñkpọ, atịmme adat emana ayịnufọk, sia emaekenam anye ke mbied awo.

Fidibai 2:7 ပူးပေါင်းရင်းမြစ်များ

Matiu 12:18

“Ami ado ayịnufọk mmi a-ami mmekke, anye a-ami mmaaha, a-nnyʌñọ nnem esịd mbaña; Ñyaasịn anye Sịbidịd mmi ke idem, ndin anye ayaatañ unen añwa-añwa anọ afịd idịd.

Matiu 20:28

kpa naña nte Ayịn Awo akedieeghe adinam ñkpọ nnọ awo, idooho nọ enam ñkpọ enọ anye, adinyʌñ mben uwem amọ mfak uwak awo.”

Maak 9:12

Yisọs amaabọọrọ ate, “ke aditʌm ntañ, Edaiya adidi, anyʌñ adineeñe afịd ñkpọ abon. Ntak eewette ndin ebo ke Ayịn Awo anaabọ akpọsọñ ufen, enyʌñ ekañ anye?

Eti Etob Naña Duk Awet 22:27

Anie awo ikpon ikan, anditie ke akpokoro ndidia me andiben ndidia ndinọ? Ke ido ederimbod, eteufọk atie ke akpokoro, nditọufọk ebeben ndidia edi. Ado idooho ntodo ke atu ñnyịn sia ami mba nte adise ñkpọ inọ ndufo.

Yọọn 1:14

Ikọ amaakappa ado awo anyʌñ adʌñ mi ke ederimbod ke atu ñnyịn. Ñnyịn inyʌñ ikịt ubọọñ amọ a-anye anieeghe ato Ete nte ukwueeñe Ayịn Abasi Ete a-ayọhọke ye mfọn ye akpanikọ.

Ñwed Mbon Rum 1:3

ke abaña Ayịn amọ, ke uduod amọ nte awo aketooho ufọk Defid,

Ñwed Mbon Rum 15:3

Sia Krais ke idem amọ ikinamma ñkpọ isin ke se inem anye esịd ado nte emaekewet: “Mme usọñanyen ake mbon i-isọññọ ndufo anyen ekappa enduọñọ miin ke idem.”

Ñwed Mbon Rum 15:8

Sia ami ntañ inọ ndufo ke Krais akappa ado ayịnufọk mme Yuu ke ntak akpanikọ Abasi, nọ esọọñọ mme enwọñọ e-ekenamma enọ mme nsọbom mme Yuu,

Ñwed Mbon Rum 8:3

Sia se ibed mmiikinieeghe adudu adinam sia idiọọk ido abod ñnyịn amaabọ anye adudu, Abasi amaanam ke adinọ ukweeñe Ayịn amọ ke mbiod idiọọk ido abʌkidem adido uwa ñkpọ idiọọkñkpọ. Ndin anye amaabiom idiọọkñkpọ ikpe ke uduod abʌkidem,

2 Kọrint 13:4

Sia akpesʌk ado ekekọññọ anye ke krọs ke mmemidem, anye asʌk adodu uwem ke adudu Abasi. Kpa ntodo ñnyịn imimem idem ke anye, ado ke adudu Abasi, ñnyịn iyaidu uwem ye anye ke adinam ñkpọ inọọ ndufo.

2 Kọrint 8:9

Sia ndufo emediọọñọ mfọn Abọọñ ñnyịn Yisọs Krais, ke akpesʌk ado anye akedooho imọ, ado ato ke ntak ndufo anye amaakappa ado uwueene nọ ato ke uwueene amọ ndufo ekappa edo mme imọ.

Kadesia 4:4

Ado ke ini amaakedikem ayọhọ-ayọhọ, Abasi amaadọñ Ayịn amọ a-akemanake ato awonwaan, amana ke idak ibed,

Fidibai 2:6

a-Adooho ke ata emana amọ, anye ado Abasi, ado ikikereke ke adido ukem mme Abasi, ado ñkpọ se ana ñnyịn idiọọñọ;

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

Ibru 13:3

Itoiyo mbon e-ebaaha ke ufọk ñkpakọb nte akpedo ndufo ekeene ammọ edo mbon ñkpakọb, ye mbon e-ebọọhọ ndutʌkkọ nte a-ndufo ke idem ndufo ekpebaaha ke ukuud.

Ibru 4:15

Sia ñnyịn inieeghe utọ akwa aku a-mmiikanna adinie esịd mbọm mbaña mme mmemidem ñnyịn, ado inie anye a-adooho emaedomo anye ke afịd-afịd usʌñ naña enyʌñ idoomo ñnyịn, ado anye ikinamma idiọọkñkpọ.