Fidibai 2:5 - Ñwed Abasi Ke Ikọ Ibibio Ayo Mfịn

⁵ Akpena edu unam ñkpọ ndufo aba ukem-ukem nte ake Krais Yisọs:

Fidibai 2:5 ပူးပေါင်းရင်းမြစ်များ

Matiu 11:29

Iben akpọnọ mmi inyʌñ ikpeeb ñkpọ into miin sia ami ndo sʌñ-sʌñ nnyʌñ nnie nsuukidem ke esịd, ndin eyaenie nduọkadudu enọ ukpọñ ndufo.

Eti Etob Naña Duk Awet 22:27

Anie awo ikpon ikan, anditie ke akpokoro ndidia me andiben ndidia ndinọ? Ke ido ederimbod, eteufọk atie ke akpokoro, nditọufọk ebeben ndidia edi. Ado idooho ntodo ke atu ñnyịn sia ami mba nte adise ñkpọ inọ ndufo.

Utom 10:38

naña Abasi akeyet Yisọs Ayịn Nasared adan ye Adisana Sịbidịd ye adudu, ye naña anye akesaña anañña nti ñkpọ anyʌñ akọk afịd mbon udọñọ mme awo e-ekebaaha ke ukad andidiọọk, sia Abasi amaaba ye anye.

Utom 20:35

Ke afịd ñkpọ a-ñkenamma, ñkiwọt ndufo mbo ke ato ke akpọsọñ utom ke ñnyịn inie adinwam mbio mmemidem ke aditoiyo ikọ Abọọñ Yisọs ke idem amọ a-akebooho ate: ‘afọnfọn adinọnọ akan adibọbọ.’  ”

Ñwed Mbon Rum 14:15

Adieke ayịnete mfo akoppo ubiak ke ntak ñkpọ se afo adia, afo unamma aba ke ima akpesʌk akaiso adia. Kuuyak ato ke ntak ndidia mfo, afo aben nsobo asọk ayịnete mfo a-Krais akekpaaha anọ.

Ñwed Mbon Rum 15:3

Sia Krais ke idem amọ ikinamma ñkpọ isin ke se inem anye esịd ado nte emaekewet: “Mme usọñanyen ake mbon i-isọññọ ndufo anyen ekappa enduọñọ miin ke idem.”

Ñwed Mbon Rum 15:5

Yak Abasi a-anọọhọ edu adiyọ ye adisọọñọ awo idem inọ ndufo ukem sịbidịd edibono keed ke atu ndufo naña nte Krais Yisọs akeaniehe,

1 Kọrint 10:33

kpa naña ami ñnwana inam afịd awo ekop inemesịd ke afịd-afịd usʌñ. Sia ami ñyemme ufọn nnọ idem mmi, ado ñyem ufọn uwak awo, nọ ato do ammọ ebọ adinyaaña.

Efisọs 5:2

inyʌñ idu uwem ima, kpa nte Krais akimaaha ñnyịn, a-akenyʌññọ ayak idem amọ inọ ñnyịn nte inem ufịk enọ ye uwa anọ Abasi.

Fidibai 1:1

Bọọd ye Timoti, mme isʌñutom Krais Yisọs. Ewed enọ afịd ndisana ikot Abasi ke Krais Yisọs ke Fidipai, ye mme etubom ye mme dikịn:

1 Bita 2:21

Ekikood ndufo ebo adinam ado; sia Krais ke Idem amọ amaakịt ufen ke ntak ndufo, anyʌñ akpọñ uwọt ñkpọ inọ ndufo, ate ndufo esañake nde ikpad Imọ.

1 Bita 4:1

Sia Krais akekịtte ukuud ke abʌkidem, ndufo ñko ekama ukem akikere ami esịne nte ñkpọekọñ, sia awo a-akịtte ukuud ke abʌkidem a-akweeñe mme idiọọkñkpọ.

1 Yọọn 2:6

Awo ake adodo adʌññọ ke anye ana adu uwem ukem-ukem nte Yisọs akedu.