Fidibai 2:30 - Ñwed Abasi Ke Ikọ Ibibio Ayo Mfịn

³⁰ sia anye amaakpere adikpa ke ntak utom Krais, utuanyen adisaana uwem amọ ayaak anọ ke unwam a-ndufo mmiikikana innọ miin.

Fidibai 2:30 ပူးပေါင်းရင်းမြစ်များ

Utom 20:24

Ado mbatta uwem mmi ke baaba ñkpọ keed, ñkpekap ñkan mfeghe nduba mmi mma, ñnyʌñ nnam utom a-Abọọñ Yisọs a-nnọọhọ miin, utom aditie ntiense nnọ eti etop a-tooho ke mfọn Abasi.

Ñwed Mbon Rum 16:4

Ammọ emaenyịmme adiduọọk itọñ uwem ammọ ke ntak mmi. Idooho ami ikpọọñ ado afịd ufọkabasi eke mme Yentaid, ekọọm ammọ.

1 Kọrint 15:53

Sia mbiara ana akappa ado se miibiarake, ikpa-ikpa ñko anie uwem.

1 Kọrint 16:10

Timoti akpedi, ekịt ebo ke anye inieeghe ntak adikop ndịk adaña nte anye abaaha ye ndufo, sia anye anam utom Abasi, kpa naña ami nnam.

1 Kọrint 16:17

Mmaakop inemesịd ke ini Sitefanas, Fotunatus ye Akaikus ekedisịmme, sia ammọ emaeben se ikinana ñnyịn eto ndufo edi.

2 Kọrint 12:15

Ndin ñnyaabiad, ke inemesịd, afịd se nnie ye idem mmi ñko inọ ndufo. Adieke ima ami imaaha ndufo adiọññọdiọñ akpon nte ima a-ndufo emaaha miin adiidọdiọñ isịp?

2 Kọrint 4:12

Ntom ndin ke ñkpa asʌk anam utom ke idem ñnyịn, ado uwem asʌk anam utom ke idem ndufo.

Fidibai 2:17

Ado ñkọm ekpeñnwaanwaañña miin esio nte unwọ-ñwọñ enọ ke uwa mme unam utom a-atooho ke mbuọdidem ndufo, ami mmenem esịd ñnyʌñ ndaara mme afịd ndufo.

Fidibai 2:27

Anye amaadọñọ ke akpanikọ akpere ñkpa. Ado Abasi amaanie mbọm abaña anye, ikinieeghe inọ anye ikpọọñ, ado amaanie annọ miin mbaak ndiben mfʌhọ ndian ke mfʌhọ.

Fidibai 4:10

Ami mmenem esịd eti-eti ke Abọọñ sia ke akpatre udọñ ndufo edise ñkpọ imbaña miin amaana ademme.

Fidibai 4:18

Ami mmebọ afịd-afịd se akena eñkpe mme se ikakan ado, ennọ miin ñkpọ mfọn-mfọn, akpan-akpan idahami a-adooho mmaakebọi nto Epafrọditus mme enọ a-ndufo ekenọọhọ eñsọk. Ammọ edoñño mme enem ufịk enọ, uwa a-adotto, a-anemme Abasi esịd.

Fidimọn 1:13

Ñkpaakema anye aba mi ye ami ke ini nsʌkkọ ndọọñọ ñkpọnọ mi ke ukod ato ke ntak adikwọrọ Krais.

Adiyaara 12:11

Ammọ emaekan anye ke iyiib Ayịn Edọñ mme ke ikọ ntiense ammọ; ammọ ikimaaha uwem ammọ ikisịm itie adisịk idem nsio mbaak ñkpa.