Fidibai 2:3 - Ñwed Abasi Ke Ikọ Ibibio Ayo Mfịn

³ Ikiinam ñkpọ ndomokeed ke akpọsọñ ndomoidem mme ñkaña ñkokidem, ado ke nsuukidem ikere ibaña mbon mfen nte ke e-efọn ikan ndufo.

Fidibai 2:3 ပူးပေါင်းရင်းမြစ်များ

Eti Etob Naña Duk Awet 18:14

“Ami ntañ inọ ndufo, abọ taksi ami amaanyọñ ufọk amọ, anie utoppo ikpe ke iso Abasi. Sia awo ake adodo a-adịppeke idem, eyaesuuhọ anye, ado eyaebenne awo a-asuuhọke idem.”

Ñwed Mbon Rum 12:10

Inam ñkpọ inọ keed aken ke ima nditọete. Ikpono keed aken ikan idem ndufo.

Ñwed Mbon Rum 13:13

Yak ñnyịn inam ido afọññọ asaña akekem mme ini uweeme, idooho ke una mfadidem ye ido ukpa mmịn, idooho ke abʌd-abʌd ido me use me ndubiam eduuwem, idooho ke utọk me ke ufịb.

Ñwed Mbon Rum 2:8

Ado amaado mbon e-eyemme ubọọñ idem ammọ, enyʌñ esịn akpanikọ ndin ekene idiọọk, ifiopesịd mme iyadesịd ayaaba.

1 Kọrint 15:9

Sia ami ndo andisịp ñkan ke atu mme abọsịd, ndotto se ekpekood abọsịd sia mmaakọbọ ufọk Abasi.

1 Kọrint 3:3

Esʌk eba ke abʌkidem. Sia ufịb ye utọk e-ebaaha ke ufọọd ndufo, nte ndufo ibaaha ke abʌkidem? Nte ndufo inamma ñkpọ nte mbon ñkaña abʌkidem?

2 Kọrint 12:20

Sia mmenie ndịk nte ke ini ndiidi, ndiidikịtte ndufo naña ñkpeyem ndufo eba, ndufo ñko idiiñkịtte miin naña ekpeyem ami mba. Mmenie ndịk mbaña utọk, ye ufịb ye ifiopesịd, ye ubakka, ye ubiaad anyịñ ye idiọọk ibaaña, ye ñkokkoidem ye mfịna, ke ufọọd ndufo.

Kadesia 5:15

Adieke ekaaha iso ke adidom ñnyʌñ mbiaad emọ-emọ, ikpeme, mmiidooho ntodo eyaeduwotto idem ndufo.

Kadesia 5:26

Yak ñnyịn ikuukappa ikịt idem, inam esịd ayat emọ-emọ ñnyʌñ nnie ufịb ye emọ-emọ awo.

Efisọs 4:2

Isuuho idem afịd-afịd, inyʌñ iba emem-emem; inie ime, iyọ keed aken ke ima.

Efisọs 5:21

Isuuho idem inọ keed aken ke ukpono Krais.

Fidibai 2:14

Inam afịd ñkpọ ikiisịn emiom mme mfaaña,

Kodosi 3:12

Ke ntodo, nte mbon a-Abasi amekke anọ idem amọ, ndisana mme ata ndima, isịne afọñidem mbọm, mfọnido, nsuukidem, ifuure-ifuure ido mme ime.

Kodosi 3:8

Ado idahami, ana ndufo esịññe ke idem ndufo afịd-afịd ekpọñ me utọ ñkpọ ami: iyadesịd, ifiobesịd, udu, ubiad awo anyịñ ke ikọ me ndubiam ndiọi ikọ.

1 Timoti 6:4

anye ado awo ñkokkoidem a-ammiidiọọñọke ñkpọ ndomokeed. Esịd amọ asịne ke eniin ye anwan-anwan ikọ a-adatta ufịp, utọk, utañ, udu, mme ndiọi akikere idiọọk,

1 Bita 3:8

Ke akpatre, afịd ndufo inie esịd keed inọ keed aken; enie mbọm, ema nte nditọete, etua awo mbọm, enyʌñ esuuk idem ndufo.

1 Bita 5:5

Kpasʌk ke ukem ado, ñkparawa, isuuk idem enọ mme mbiowo. Afịd ndufo inyʌñ esesịne nsuukidem ke idem inọ keed aken, sia, “Abasi abiọọñọ mme mbon ntañidem, ado anọ mbon e-esuuho idem mfọn.”