Fidibai 2:13 - Ñwed Abasi Ke Ikọ Ibibio Ayo Mfịn

¹³ Sia ado Abasi a-anamma utom ke atu ndufo mbaak ekan enyʌñ enam asaña akekem ke uduak amọ ye se inem anye esịd.

Fidibai 2:13 ပူးပေါင်းရင်းမြစ်များ

Eti Etob Naña Duk Awet 12:32

“Ikiikop ndịk, etək atu edọñ, sia Ete ndufo akop inemesịd adinọ ndufo abio ubọọñ Abasi.

Eti Etob Naña Duk Awet 2:14

“Itooro anie Abasi ke ata anyọñ, emem anyʌñ aba ke isọñ ye mbon a-anye anọọhọ mfọn.”

Yọọn 3:27

Yọọn amaabọọrọ ammọ, “Awo akeme adibọ sʌk se enọ anye eto abio ubọọñ Abasi kpọd.

Yọọn 6:45

Nte ewette ke ñwed mme Brọfed: ‘Abasi adikpeeb afịd ammọ.’ Afịd awo se ibọ ukpeebñkpọ ito Ete, eyaedi embịne miin.

Yọọn 6:65

Anye amaaka iso atañ, “Ntak ado ke ñkibo ndufo ke awo ndomokeed ikemeke adidi imbịne ibọhọke Ete anọ anye ukeme.”

Utom 11:21

Adudu Abasi amaaba ye ammọ, ado anam uwak mme awo emaenịm ke akpanikọ enyʌñ ekappa esịd ekeene Abọọñ Abasi.

Ñwed Mbon Rum 12:3

Sia ato ke mfọn e-nnọọhọ miin, ami mbo ndufo keed-e-keed: kuukịt idem mfo akpon akan naña akpena akịd, ado kap nie eti iwuod mme mfara ke idem mfo nọ asaña akekem ke udomo mbuọdidem a-Abasi inọọhọ ndufo keed-e-keed.

Ñwed Mbon Rum 9:11

Ado, mbemiso mme amanamba ado ekemana me edinyʌñ enam eti ñkpọ me idiọọk nọ uduak Abasi a-saññake akedʌk ke se Abasi akeamek asọñ ada.

Ñwed Mbon Rum 9:16

Ke ntodo, idooho ke udọñ awo me ke edinwana adinam ñkpọ, ado ado ke mbọm Abasi.

1 Kọrint 12:6

Nsio-nsio adinam ebañña ado kpa Abasi keed anam afịd utom ke idem afịd awo.

1 Kọrint 15:10

Ado ato ke mfọn Abasi, ami ndo se ami ndo, ndin mfọn amọ ikidooho ke utak-utak. Iyo-o, mmaanam utom ñkan afịd mme abọsịd mbon ñko, idooho ke ukeme mmi, ado ato ke mfọn Abasi a-akebaaha ye ami.

2 Kọrint 3:5

Ami iwuọọñọke ite ke ñnyịn imikeme ke idem ñnyịn adibiooro ñkpọ ake adodo ke adudu idem ñnyịn: Ado ukeme ñnyịn ato Abasi.

Efisọs 1:11

Ke anye, emaenyʌñ imeemek ñnyịn i-imaikibaba tọọñọ ke aditọọñọ nte asañake akekem ke ubonoñkpọ anye a-anamma afịd ñkpọ asio nọ asaña ye ewʌhọ uduak amọ,

Efisọs 1:5

anye amaimek ñnyịn ke adiben ñnyịn mbon nte nditọ ato ke Yisọs Krais, nte asañake akekem ye inemesịd ye uduak amọ,

Efisọs 1:9

anye amaanam ñnyịn idiọọñọ ndedịbe uduak amọ nte asañake akekem ke inem amọ a-anye amaakedaduak ke Krais,

Efisọs 2:8

Sia ke mfọn ke inyaaña ndufo, ato mbuọdidem, ndin ami idooho ke idem ndufo, ado enọ a-atooho Abasi,

2 Tesadonia 1:11

Sia iminie ami ke esịd, afịd ini ñnyịn ibọñ akam inọ ndufo, ite Abasi ñnyịn akpebat ndufo nte emedot ke ikood amọ, ndin ato ke adudu amọ anye anam afịd nti uduak ndufo ye afịd adinam ke mbuọdidem ndufo asu.

2 Timoti 1:9

anye i-inyaañake ñnyịn anyʌñ ikood ñnyịn ate idu adisana uwem, itooho ke se ñnyịn inam ado ato ke uduak ye mfọn amọ a-anye akinọọhọ ñnyịn ke Krais Yisọs, mbemiso ntọọñọ ederimbod.

Ibru 13:21

ibana ndufo idem ye afịd nti ñkpọ nọ ndufo enam uduak amọ, ñko yak anye anam ke idem ñnyịn ñkpọ a-anemme anye esịd, ato ke Yisọs Krais, a-anieeghe ubọọñ ke nsi-nsi, nsi-nsi. Amen.

1 Bita 1:3

Itooro anie Abasi ye Ete Abọọñ ñnyịn Yisọs Krais! Ke akamba mbọm ammọ, annọ ñnyịn ufa emana asịn ke uwem idodanyen ato ke adised Yisọs Krais ke ñkpa;