Fidibai 2:11 - Ñwed Abasi Ke Ikọ Ibibio Ayo Mfịn

¹¹ ñko afịd edeme esio etañ ke Yisọs Krais ado Abọọñ, ke ubọọñ Abasi Ete.

Fidibai 2:11 ပူးပေါင်းရင်းမြစ်များ

Matiu 10:32

“Ke ntodo, awo a-anyịmmeke miin añwa-añwa ke iso mme awo, ami ñyaanyʌñ nnyịmme anye añwa-añwa ke iso Ete mmi ke abio ubọọñ.

Eti Etob Naña Duk Awet 2:11

Mfịn ami ke abio Defid, Andinyaaña amana inọ ndufo; anye ado Mesaya, a-adooho Abọọñ.

Yọọn 12:42

Ado kpa ye ado uwak awo ke atu mme adaiwuod emaenịm anye ke akpanikọ. Ado ke ntak mme Farisi ammọ ikikanna itañ mbuọdidem ammọ anwa-anwa mbaak edisio ammọ ke sinakọk,

Yọọn 13:13

Ndufo eñkood miin ‘Andikpeeb’ ye ‘Abọọñ,’ emenen ñko sia se ami ndo ado ado.

Yọọn 13:14

Idahado ami, ami Abọọñ ye Andikpeeb ndufo, mmaiyet ndufo ukod, ndufo ñko inyʌñ iduyette emọ-emọ ukod.

Yọọn 14:13

Se idodo a-ndufo ebeeñeke ke anyịñ mmi ñyaanam, ma Ete abọ itooro ato ke Ayịn.

Yọọn 14:23

Yisọs amaabọọrọ ate, “Awo a-amaaha miin ayaanam ukpeeb ñkpo mmi, ndin Ete mmi ayaama anye ndin ñnyịn iyaidi ibịne anye inyʌñ idʌñ mme anye.

Yọọn 17:1

Ke Yisọs amaaketañ ikọ ami ama, anye amaadịppe anyen ase abio ubọọñ Abasi anyʌñ abọñ akam abo ate: “Ete, ini akem afo adinọ Ayịn mfo ubọọñ nọ Ayịn mfo unọ fiin ubọọñ.

Yọọn 20:28

Tọmọs amaabo anye, “Abọọñ mmi ye Abasi mmi.”

Yọọn 5:23

ma afịd awo ekpono Ayịn naña ammọ ekpono Ete. Awo ake adodo a-asịnne adikpono Ayịn asịn ñko adikpono Ete a-akendọññọ anye adi.

Yọọn 9:22

Ete ye eka amọ eketañ ntom sia ammọ emaebaak ikpọawo mme Yuu, e-emaekebiire adibịn awo ndomokeed a-abooho ke Yisọs ado Mesaya nsio ke itie sinakọk.

Utom 10:36

Ndufo emediọọñọ etob a-Abasi akenọọhọ esọk nditọ Isred, a-akedooho eti etob emem ke Yisọs Krais a-adooho Abọọñ afịd awo.

Utom 2:36

“Ke ntodo, yak afịd ufọk Isred ediọọñọ ayọhọ-ayọhọ: ke Abasi amaanam Yisọs a-ndufo ekekọññọ ewot ke eto krọs, ado Abọọñ ye Mesaya.”

Ñwed Mbon Rum 14:11

E-wewet: “ ‘Ke naña nte ami nduuho uwem,’ Abọọñ abo, ‘afịd edọñ eyaetọọñọ ennọ miin, afịd edeme eyaetoro Abasi.’ ”

Ñwed Mbon Rum 14:9

Akedo ke ntak ami, ke Krais akekpa ndin atịmme aset adi uwem nọ atodo anye adido Abọọñ mme akpañkpa ye mme adu uwem.

Ñwed Mbon Rum 15:9

ñkọ, nọ anam mme Yentaid etooro Abasi ke mbọm amọ. Nte ewette: “Ke ntodo ñyaautooro fiin ke atu mme Yentaid; ami ñyaakwọ ikwọ itoro nnọ anyịñ mfo.”

1 Kọrint 12:3

Ke ntak ado, ami ibo ndufo nte ke ibaaha awo a-atañña ikọ ke ndadusʌñ Sịbidịd Abasi a-akemeke edibo ate, “Adọdiọọk anọ Yisọs,” awo ndomokeed inyʌññọ ikeme ibo, “Yisọs ado Abọọñ,” ke mmibọhọke ke Adisana Sịbidịd.

1 Kọrint 15:47

Akpa awo akedo ntọñ isọñ, ayọhọ awo iba ato anyọñ.

1 Kọrint 8:6

ado ñnyịn inie Abasi keed, Abasi Ete, a-afịd ñkpọ aketooho, anye ñko ke ñnyịn idu uwem inọọ; ñko Abọọñ keed aba, kpa Yisọs Krais; afịd ñkpọ aketo ke anye, uwem ñnyịn anyʌñ ato anye.

1 Bita 1:21

Ato ke anye, ndufo enịm Abasi ke akpanikọ, a-akenamma anye aset ke ñkpa anyʌñ anọ anye ubọọñ, ke ntodo mbuọdidem mme idodanyen ndufo aba ke Abasi.

1 Yọọn 4:15

Awo ake adodo a-anyịmmeke abo ke Yisọs ado Ayịn Abasi, Abasi adʌñ ke idem amọ; anye anyʌñ adʌñ ke Abasi.

1 Yọọn 4:2

Ndufo ediidat ami idiọọñọ Sịbidịd a-atooho Abasi: Afịd-afịd sịbidịd a-anyịmmeke abo ke Yisọs Krais adi ke abʌkidem nte awo ato Abasi,

2 Yọọn 1:7

Uwak mbon abiaaña, ammiinyịmmeke ibo ke Yisọs Krais amaadi ke ederimbod ke abʌkidem, ewuọọñọ edọñọ ke ederimbod. Utọ awo ami edo awo abiaaña ye andibiọọññọ Krais.

Adiyaara 3:5

Anye a-akanna ayaanyʌñ asịne afia ọfọñ nte ammọ. Ami ndiisọọhọ anyịñ amọ nsio ke ñwed uwem, ado ñyaabo ke mmediọọñọ anyịñ amọ ke iso Ete Mmi ye mme enyere amọ.