Fidibai 1:5 - Ñwed Abasi Ke Ikọ Ibibio Ayo Mfịn

⁵ ntak adiwana keed ke eti etob tọọñọ ke akpa usen tutu asịm idahami,

Fidibai 1:5 ပူးပေါင်းရင်းမြစ်များ

Utom 2:42

Ammọ emaenekke esịn idem ke ukpeebñkpọ mme abọsịd ekenọọhọ ye ke nsañaewana mme abọsịd, ke adibuuñ uyo ye ke adibọñ akam.

Ñwed Mbon Rum 11:17

Adieke usʌk mme ñkọk emaekebʌññọ ewuọ, ndin afo, ñkọm afo ado ọdif a-akọttọ ke akai ikọd, ekpukpịkke eben edian ke atu mme ñkọk mbon ñko afo awuana idahami ke udeme ndʌp uwem a-atooho eti adʌñ ọdif,

Ñwed Mbon Rum 12:13

Wana inie mfo ye mme ikọd Abasi e-ebaaha ke unana. Ka iso adinam etiido.

Ñwed Mbon Rum 15:26

Sia Masidonia ye Akaya emaenem esịd edikeene nsịn ubọk ñnwam mme uwueene ke atu mme ikot Abasi ke Yerusedem.

1 Kọrint 1:9

Abasi, anye a-akikoodo ndufo asịn ke ewana ye Ayịn amọ Yisọs Krais Abọọñ ñnyịn, ado anam akpanikọ.

2 Kọrint 8:1

Nditọete mmi, ñnyịn iyem ndufo ediọọñọ ebaña mfọn a-Abasi akenọọhọ ke mme ufọkabasi ke Masidonia.

Efisọs 3:6

Ndedịbe ñkpọ a-abaaha ado, ke ntak ikọ Abasi mme Yentaid edoñño mme adia akpa mme ubon Isred, e-ebatta edian keed ke ubon Abasi e-enyʌññọ ewuaana keed ke enwọñọ ke Krais Yisọs.

Fidibai 1:12

Idahami ñyem ndufo, nditọete, ediọọñọ ke se ikitịppe innọ miin atọtʌm anyaaña ke adinam eti etob akaaka iso.

Fidibai 1:16

Mbon e-ekwọrọke ke etiesịd enam ado ke ima, ediọọñọ ke insịn miin mmi ke ntak adifaaña nnọ eti etob.

Fidibai 1:27

Daña akpedodo, ikama idem ndufo ke usʌñ a-adotto ke eti etob Krais. Ndin mme ndedi ndikịt ndufo me ñkokop ibaña ndufo ke ini membaaha, ami ñyadiọọñọ ke ndufo emesọọñọ eda ke Sịbidịd keed, enyʌñ enwana nte awo keed ke abaña mbuọdidem eti etob.

Fidibai 1:7

Ado nnen-nnen ñkpọ ami adinie utọ udọñ ami ibaña afịd ndufo, sia ami ikamake ndufo ke esịd mmi, sia mme ñyịre ke ñkpọnọ me adifaaña nnọ, me nsọ-sọọñọ eti etob, afịd ndufo emekeene ewuaana ke mfọn Abasi ye ami.

Fidibai 2:12

Ke ntodo mme ndima ufan mmi, kpa nte ndufo esikoppo item afịd ini idooho ke idaha a-ami mbaaha ikpọọñ, ado akpan-akpan ke mmembaaha ika iso inam utom adibọ adinyaaña ukpọñ ke ndịk ye ñnyekidem,

Fidibai 2:22

Ado ndufo emediọọñọ ke Timoti ibaaha ntodo, sia kpa nte a-ayịn anamma utom mme ete ke anye anam utom eti etob mme ami.

Fidibai 4:3

Ih, ñko mmenyʌñ mbeeñe ndufo nte ekop item andikeene ñkọñọ akpọnọ, nyaaña mme ibaan e-ekedaaha mme ami ke adinam utom eti etob, ye Kremen ye afịd mbon ñko e-eñkeeneke enam utom, a-adooho anyịñ ammọ mmọdo ke ñwed uwem.

Fidimọn 1:17

Adieke afo ambatta miin nte awo nsaña utom mfo, nyịmme anye ukem-ukem naña añnyịmme miin.

Ibru 3:14

Ñnyịn imidi adiwuana ke Krais adieke ñnyịn idiikan isọñ ubọk imʌm mbuọdidem a-ñnyịn ikinieeghe ke akpa ikama tutu asịm utịd.

2 Bita 1:1

Saimọn Bita, isʌñutom ye abọsịd ake Yisọs Krais. Awet ñwed ami anọ esọk mbon e-ekebọọhọ utọ nsọñudua mbuọdidem a-abiotto ake ñnyịn, ke adinenido Abasi ñnyịn ye Andinyaaña Yisọs Krais.

1 Yọọn 1:3

Ñnyịn itañ inọ ndufo ibaña se ñnyịn ikịt ye se ikop, nọ atoodo ndufo enie ewana ye ñnyịn. Ndin inie ewana ye Ete ye Ayịn amọ, Krais Yisọs.

1 Yọọn 1:7

Ado ñnyịn ikpisaña ke unwana, naña anye aba ke unwana, ñnyịn inie ewana ye emọ-emọ awo, ndin iyiib Yisọs, Ayịn amọ, ayet ukeed ndiọiñkpọ ñnyịn afep.