Fidibai 1:20 - Ñwed Abasi Ke Ikọ Ibibio Ayo Mfịn

²⁰ Ami ke udọñ esịd nsʌk nse ñnyʌñ nsʌk ndodanyen mbo ke ndiikoppo abuud ke baaba usʌñ ndomokeed, ado ke ñyaasọọñọ nda nte ñkanna ma ato do, idahami ye ke afịd ini, eyaedịppe Krais ke idem mmi, adooho ke uwem mme anyʌñọ ado ke ñkpa.

Fidibai 1:20 ပူးပေါင်းရင်းမြစ်များ

Yọọn 21:19

Yisọs aketañ ami adiwọt utọ ñkpa a-Bita adidat inọ Abasi ubọọñ. Akema, Yisọs amaabo anye ate anye, “Ñkeene miin!”

Utom 20:24

Ado mbatta uwem mmi ke baaba ñkpọ keed, ñkpekap ñkan mfeghe nduba mmi mma, ñnyʌñ nnam utom a-Abọọñ Yisọs a-nnọọhọ miin, utom aditie ntiense nnọ eti etop a-tooho ke mfọn Abasi.

Utom 21:13

Do ke Bọọd akebọọrọ abo, “Nsinam yak ndufo etua enyʌñ enam nọ esịd anduọ? Ami mmebeeñe idem, idooho na embọọb idʌk kpọd, ado ke adikpa ñko ke Yerusedem kebaña anyịñ Abọọñ Yisọs.”

Utom 4:31

Ke ammọ emaekebọñ akam, itie ammọ eketieeghe amaanyeeñe, ndin afịd ammọ emaeyọhọ ye Adisana Sịbidịd, enyʌñ ekwọrọ ikọ Abasi uko-uko.

Ñwed Mbon Rum 12:1

Ke ntodo, ami mmikpeiye ndufo, nditọete, ke ntak mfọn Abasi, nte yak enịm idem ndufo nte aduuwem uwa, asanake anyʌñ anem Abasi esịd-ami ado akpan-akpan ye eti usʌñ adikpono Abasi.

Ñwed Mbon Rum 5:5

Ñko idodanyen ibenne abuud inọ ñnyịn, sia Abasi ato ke Adisana Sịbidịd a-anye inọọhọ ñnyịn aduọk ima amọ asịn ke esịd ñnyịn.

Ñwed Mbon Rum 6:13

Ikuuyaak itie ntekeed ke idem ndufo inọọ idiọọkñkpọ, nte ñkpọutom ibak; utu ke ndo iyaak idem ndufo inọ Abasi, nte mbon e-emaekesio ke ñkpa isịn ke uwem; ke ntodo iyaak afịd idem ndufo inọ anye nte ñkpọutom unenido.

Ñwed Mbon Rum 6:19

Ami ntañ ami nte uwọdñkpọ nto eduuwem usen ke usen nte awo sia ndufo emenie mmemidem abʌkidem nte awo. Kpa naña ndufo ekesịyaak idem ndufo nte ifʌn enọọ se mmiikisanake ye uwak-uwak ndiọiñkpọ, idahami ekappa edo ifʌn enọ adinenido a-adatta aka adisana uwem.

Ñwed Mbon Rum 8:19

Afịd abod asʌk abet ke akpọsọñ udọñ ediyaara nditọ Abasi.

Ñwed Mbon Rum 9:33

Nte ewette: “Se Ami nnịm ke Sayọn Itiad a-anamma nọ mme awo ye ekandịk ye itiad a-anamma mme awo eduọññọ ndin awo a-anịmme anye ke akpanikọ ikemeke ikịt asuenne.”

1 Kọrint 15:31

Kwa usen ami ñkịt ñkpa ke anyen, akpanikọ ke ntañ, nditọete, kpa naña nduaak inua ke ntak ndufo ke Krais Yisọs Abọọñ ñnyịn.

1 Kọrint 6:20

emaedep ndufo ke ekọmudua. Ke ntak ado idat idem ndufo inọ Abasi ukpono.

1 Kọrint 7:34

ndin akikere amọ ababakka. Awonwaan a-mmiidọọhọ ebe, a-mmiinyʌññọ idiọọñọ awodeen akpa, asịn akikere ke ñkpọ Abọọñ: se anye ayem ado adiwa idem nnọ Abọọñ ke ikpọkidem ye ke sịbidịd. Ado anwaan ndọ asịn akikere ke ñkpọ ederimbod, naña anye akpekan anem ebe amọ esịd.

2 Kọrint 10:8

Akpesʌk ado ñkenamma inua mbọhọ mbaña adudu a-ñnyịn inieeghe ado Abọọñ akenọ adudu ado adidat nnam ndufo ekọt, idooho edidat nsobo ndufo, buud idiinamma.

2 Kọrint 3:12

Sia ñnyịn inieeghe utọ idodanyen ami, itaatañ ikọ, ye ayọhọ uko,

2 Kọrint 4:10

Afịd ini isʌk ikama ñkpa Yisọs ke ikpọkidem ñnyịn isaña, ma uwem Yisọs awuọ awọd idem ke ikpọkidem ñnyịn.

2 Kọrint 5:15

Ndin anye akenyʌñ akpa anọ afịd awo mbaak mbon e-ebaaha ke uwem ekụụdu uwem aba enọ idem ammọ, ado edu uwem enọ anye akekpaaha anọ ammọ, anyʌññọ aset.

2 Kọrint 7:14

Sia adieke ñkebuuroke mbuuro nnọ anye ibaña ndufo ke usʌñ ake adodo, ndiaaha abuud, ado naña afịd se ikitañ ye ndufo adooho akpanikọ, kpa ntodo ñko, afịd mbuuro a-mbuuroke nnọ Taitọs mbaña ndufo awuọ ado akpanikọ.

2 Kọrint 7:4

Isọñesịd a-ami nnieeghe ke idem ndufo akpon, mbuuro a-mbuuroko ibaña ndufo anyʌñ akpon, nyọhọ ye idọñesịd nnyʌñ nnie ayọhọ idadesịd ke afịd ukuud mmi.

Fidibai 1:14

Ato ke mme ñkpọnọ mmi, uwak mme nditọete ke Abasi enie nsọọñọukod aditañ ikọ Abasi uko-uko inyʌññọ ifeghe ndịk.

Fidibai 2:17

Ado ñkọm ekpeñnwaanwaañña miin esio nte unwọ-ñwọñ enọ ke uwa mme unam utom a-atooho ke mbuọdidem ndufo, ami mmenem esịd ñnyʌñ ndaara mme afịd ndufo.

Kodosi 1:24

Idahami, ami ndat esịd ke ufen e-kebọọhọ inọọ ndufo, ndin ami ñyʌkkọ ke abʌkidem mmi se idibaaha ke abaña ukuud Krais, ke ntak ikpọkidem amọ, a-adooho ufọkabasi.

1 Tesadonia 5:23

Yak Abasi ke idem amọ, Abasi emem, anam ndufo esana mfọn-mfọn. Yak afịd Sịbidịd ndufo, ukpọñ ye abʌkidem ekụụnie ndo ndomokeed ke adidi Abọọñ ñnyịn Yisọs Krais.

1 Bita 4:16

Ado adieke afo akịtte ndutʌkkọ nte awo Krais, kuukop abuud, ado tooro Abasi ke afo amekere anyịn ado.

1 Yọọn 2:28

Idahami, ndima nditọ, ekaiso edʌñ ke anye, ma ke ini a-anye adiyaara idem amọ, ñnyịn ikan ida ke uko; idiinyʌññọ ikop abuud ke ini anye adidi.