Fidibai 1:15 - Ñwed Abasi Ke Ikọ Ibibio Ayo Mfịn

¹⁵ Ado akpanikọ ke usʌk awo ekwọrọ Krais ke ufịp mme utọk, ado usʌk awo enyʌñ ekwọrọ ke etiesịd.

Fidibai 1:15 ပူးပေါင်းရင်းမြစ်များ

Matiu 23:5

“Afịd ñkpọ se ammọ enam ado nọ ato do mme awo ekịt; nte adiwañ ikpọ fidakteri ye nnyọọn afọñ akam;

Utom 10:36

Ndufo emediọọñọ etob a-Abasi akenọọhọ esọk nditọ Isred, a-akedooho eti etob emem ke Yisọs Krais a-adooho Abọọñ afịd awo.

Utom 11:20

Ado usʌk ammọ, mme ideen e-eketooho Saiprọs ye Sirin emaeka Antiọk enyʌñ ekekwọrọ ikọ enọ mbon Krik ñko, ekwọrọ eti etob ebaña Abọọñ Yisọs enọ ammọ.

Utom 5:42

Ke usen ke usen, ke mme afe tembịd ye ke ufọk ke ufọk, ammọ ikitreke adikpeeb ye adikwọrọ eti mbʌk mbo ke Yisọs ado Krais.

Utom 8:35

Ndin Fidib amaatọọñọ ke itie ñwed Abasi ado anyʌñ akwọrọ eti etob Yisọs anọ anye.

Utom 8:5

Ndin Fidib amaaka abio Sameria keed akekwọrọ eti etob Krais ke udo.

Utom 9:20

Anye ikibiadda ini aditọọñọ ñkwọrọ ikọ ke mme Sinakọk, ate ke Yisọs ado Ayịn Abasi.

Ñwed Mbon Rum 2:8

Ado amaado mbon e-eyemme ubọọñ idem ammọ, enyʌñ esịn akpanikọ ndin ekene idiọọk, ifiopesịd mme iyadesịd ayaaba.

1 Kọrint 1:23

ado ñnyịn ikwọrọ Krais e-ekekọññọ ke eto krọs; adooho ñkpọ ubiọọñọ anọ mme Yuu, ndisịme ñkpọ anọ mme Krik,

1 Kọrint 13:3

Adieke ami mbenne afịd inie mmi nnọ mme uwueene mmaana nsaana idem mmi nte yak efọp, ado nnieeghe ima, udod indoroke ba keed.

2 Kọrint 1:19

Sia Ayịn Abasi, Yisọs Krais, a-ami ye Saidas ye Timoti ikikwọrọke ke atu ndufo, ikidooho “Ih” ye “Iyoo,” ado ke anye asʌk ado afịd-afịd ini “Ih.”

2 Kọrint 11:13

Sia utọ ibon ado edoñño mme abọsịd nsu, mme anam utom abiaaña, e-ebenne ñkpọ efʌghọ enam nte idoñño mme abọsịd Krais.

2 Kọrint 12:20

Sia mmenie ndịk nte ke ini ndiidi, ndiidikịtte ndufo naña ñkpeyem ndufo eba, ndufo ñko idiiñkịtte miin naña ekpeyem ami mba. Mmenie ndịk mbaña utọk, ye ufịb ye ifiopesịd, ye ubakka, ye ubiaad anyịñ ye idiọọk ibaaña, ye ñkokkoidem ye mfịna, ke ufọọd ndufo.

2 Kọrint 4:5

Sia idooho idem ñnyịn ke ñnyịn ikwọrọ, ado Yisọs Krais, ite, anye ado Abọọñ, ite ido nditọufọk ndufo ke ntak Yisọs.

Kadesia 2:4

Ikọ ami ake adakka ato mme nsu-nsu mbon e-emminịmme ke akpanikọ edʌk atu ñnyịn adiyeb untadñyaak a-ñnyịn inieeghe ke Krais Yisọs nọ atodo isịn ñnyịn ke ifʌn.

Fidibai 2:3

Ikiinam ñkpọ ndomokeed ke akpọsọñ ndomoidem mme ñkaña ñkokidem, ado ke nsuukidem ikere ibaña mbon mfen nte ke e-efọn ikan ndufo.

1 Timoti 3:16

Eniin akuuba ke atu ndufo abaña ido ukpono Abasi ñnyịn sia ado ekamba utịbe ñkpọ: Ado anye akeyaara idem amọ ke ikpọkidem, anye ado Andinen ke Sịbidịd mme enyere emaekịt anye. Emaekwọrọ anye ke atu mme idịd, emaenịm anye ke akpanikọ ke ederimbod, ndin eben anye edọọk ke ubọọñ.