Fidibai 1:11 - Ñwed Abasi Ke Ikọ Ibibio Ayo Mfịn

¹¹ a-keyọihọke me mfịd nti ido a-atooho ke Yisọs Krais ke ubọọñ ye itooro Abasi.

Fidibai 1:11 ပူးပေါင်းရင်းမြစ်များ

Matiu 5:16

Ke ukem usʌñ ami ana unwana ndufo ayamma ke iso mme awo, nọ ammọ ekịt nti utom ndufo enyʌñ etooro Ete ndufo ke anyọñ.

Yọọn 15:16

Ndufo ikimmekke miin, ado ami ñkimek ndufo nte eka enyʌñ enwịm mfịd, mfịd a-adiikpeene, ndin Ete ayainọ se ebeeñe ke anyịñ mmi.

Yọọn 15:2

Anye akpịkke afịd ñkọk ke idem mmi ammiinwịmme mfịd, ado afịd ñkọk se inwịm mfịd anye atʌm adiọñ nọ anenekke anwịm uwak mfịd.

Yọọn 15:8

Ubọọñ Ete mmi ado ami, ete ndufo enwịm uwak mfịd, ke adiwọt idem ndufo nte mme mbed mmi.

Ñwed Mbon Rum 15:28

Ndin ami mmaakweeñe iso utom ami, ñnyʌñ ñkịt ke akpanikọ ke ammọ ebọ enọ ami, ami nyaadiise ndufo ke usʌñ a-ami nsaañake ñka Speen.

Ñwed Mbon Rum 6:22

Ado idahami emaesio ndufo ke idiọọkñkpọ, ndufo enyʌñ eforo ifʌn ake Abasi, mme ntiñkpọ a-andufo ebọọhọ adat ndufo aka adisana ido, ndin utịb ado nsi-nsi uwem.

1 Kọrint 10:31

Adieke afo adiaaha me ataaha, se afo ananam, nam afịd dịppe ubọọñ Abasi.

2 Kọrint 9:10

Idahami, anye a-anọọhọ atọ inwañ ñkpasi atọ, a-anyʌññọ anọ uyo ata ayainọ ndufo ñkpasi etọ, ayaanyʌñ anam atọt, anyʌñ anam mfịd edinenido ndufo awak akan.

Efisọs 1:12

nọ ato do, ñnyịn i-ikidooho akpa adidot anyen ke Krais ikan adikwọ itooro mfọn amọ.

Efisọs 1:14

a-adooho ubiọñ adimʌm inie ñnyịn tutu ini adinyaaña mbon e-edoññoke inie Abasi, ke itooro mfọn amọ.

Efisọs 2:10

Sia ñnyịn ido mme andinam utom Abasi e-ekebotto ke Krais Yisọs ete inam nti utom, a-Abasi amaakebebem iso abeeñe anọ ñnyịn adinam.

Efisọs 5:9

(sia mfịd unwana asịne ke afịd mfọnido ye akpanikọ)

Fidibai 4:17

Idooho nte ñyeyeem enọ, ado ntañ mbaña se ediidat iwet nte inie isịn ke ñwed unam ibad ndufo.

Kodosi 1:10

Ndin ñnyịn ibọñ akam ami nọ ato do ndufo edu uwem a-adotto ke Abọọñ anyʌñ anem anye esịd ke afịd usʌñ: enwịm mfịd ke afịd nti utom, ekọọd ke ifiọk Abasi,

Kodosi 1:6

a-amaakedi ibịne ndufo. Ke afịd ederimbod eti etob ami anwịm mfịd ndin aka iso akọd, kpa naña anye asʌk anam ke atu ndufo tọọñọ ke usen a-ndufo ekekoppo ndin mfọn Abasi inwaaña ndufo ke afịd akpanikọ.

2 Tesadonia 1:12

Ñnyịn ibọñ akam ami ite akpedo ntodo nọ anyịñ Abọọñ ñnyịn Yisọs akpebọ ubọọñ ke idem ndufo, ndin ndufo ñko ke anye, nọ asaña akekem ke mfọn Abasi ñnyịn ye Abọọñ Yisọs Krais.

Taitọs 3:14

Mbon ñnyịn ana ekpeeb adisịn idem ammọ ke adinam se ifọn, nọ atoodo ammọ ekeme adinie ñkpọ se ammọ eyem ke usen ke usen mbaak ammọ adidu uwem a-ammiibaaha ufọn inọ ammọ.

Ibru 12:11

Ntʌnọ ndomokeed inieeghe inem ke ini afo abọọhọ anye, ado akama ubiak. Ado akem ko-o, anye adat idọk eti uwem ye emem asọk mbon e-emaekebọ ukpeeb ke anye.

1 Bita 2:12

Edu eti uwem ke atu mbon a-amidiọọñọke Abasi, akpesʌk ado ammọ etañña ikọ ibiaad ndufo, ammọ eyaekịt nti ido ndufo enyʌñ enọ Abasi ubọọñ.

1 Bita 2:5

eyaidat ndufo ñko nte mme aduuwem itiad, ebọppọ esịn ke ufọk ake Sịbidịd, enyʌñ enam ndufo edo mme ndisana aku, ediwa uwa Sịbidịd, a-Abasi adaarake abọ ato ke Yisọs Krais.

1 Bita 2:9

Ado ndufo edoñño mbon e-mekkemek, edoñño mme aku edidem, edoñño adisana abio, edoñño mbon a-Abasi anịmme anọ idem amọ nọ ndufo eka eketañ mme ase amọ, anye a-akikoodo ndufo asio ke akịm asịn ke utịbe unwana amọ.

1 Bita 4:14

Ekpesọñ ndufo anyen ke ntak anyịñ Krais, afọfọn inọ ndufo, sia Sịbidịd ubọọñ ye Sịbidịd Abasi idoro ndufo ke idem.