Adiyaara 8:5 - Ñwed Abasi Ke Ikọ Ibibio Ayo Mfịn

⁵ Ndin enyere ado amaaben ñkpọ ufọb insensi adọñ ikañ a-aketooho itie ufọp uwa, atop asuan ke iso isọñ; ndin emaekop uyom mme ndukuunọ aduma, enyʌñ ekịt unwana ikañ akepkep ye unyekisọñ.

Adiyaara 8:5 ပူးပေါင်းရင်းမြစ်များ

Matiu 24:7

Sia idịd eyaenwana anwan ye keed aken, abio ubọọñ eyaenyʌñ enwana ye abio ubọọñ mfen. Akañ ye unyekisọñ eyaebañña ke umiañ itie.

Eti Etob Naña Duk Awet 12:49

“Ami ñkedi adiben ikañ ndisịn ke ederimbod; ubaha nte adooho ikañ ado amaasaasak!

Utom 16:26

Ke unana idodanyen unyekisọñ amaatịppe, anyeeọe afịd itiad idakisọñ ufọk ñkpakọb. Afit mme usʌñ ufọk ñkpakọb amaakuuñọ ini keed, ñkpọnọ afịd mbio ñkpakọb enyʌñ ekpọhọ.

Utom 4:31

Ke ammọ emaekebọñ akam, itie ammọ eketieeghe amaanyeeñe, ndin afịd ammọ emaeyọhọ ye Adisana Sịbidịd, enyʌñ ekwọrọ ikọ Abasi uko-uko.

Adiyaara 11:13

Kpa ke awa ado akpọsọñ unyekisọñ amaatịppe ndin keed ke ubaak duop abio ado amaaduọ. Awo tọsịn itiaba emaekpañña ke unyekisọñ ado, ndin mme andikisʌhọ ke uwem emaekop ata ndịk enyʌñ enọ Abasi ke abio ubọọñ.

Adiyaara 11:19

Ndin emaebeere tembịd Abasi ke abio ubọọñ Abasi, ndin ke esịd tembịd ado emaekịt akebe edioomo Abasi. Ndin unwana akepkep amaasakka, emaenyʌñ ekop ndukuunọ mme uyom aduma, mme unyekisọñ ye akwa edịm itiad.

Adiyaara 4:5

Mmreñ-mmreñ akep-kep ye ñdukuun uyo aduma emaeto iso mme ebekpo ami ewuọñọ. Ke iso ebekpo ami, utuenikañ itiaba asʌk asak akpọsọñ-akpọsọñ. Afịd ami edo Sịbidịd Abasi itiaba.

Adiyaara 6:12

Mmaase naña anye akʌppọ ufiikñkpọ ayọhọ itiokeed. Ekamba unyekisọñ amaatịppe. Utịn amaakappa abre nte afọñ ikpo e-edatta ided ebod enam, afiọñ afịd-afịd amaakappa adat nte iyiib,

Adiyaara 8:3

Enyere mfen a-akekamake ñkpọ ufọb insensi e-enamma ke nte kood, amaadida ke itie uwa. Emaenọ anye uwak insensi adifọp, ye mme akam mme ndisana ikot Abasi ke itie ufọb uwa ake nte kood, ke iso ebekpo.