Adiyaara 6:1 - Ñwed Abasi Ke Ikọ Ibibio Ayo Mfịn

¹ Ami mmaase naña Ayịn Edọñ akʌppọ akpa ufiikñkpọ ke atu mme ufiikñkpọ itiaba ado. Ndin mmaakop naña keed ke atu mme aduuwem ñkpọ inaañ ado ataña ke uyo a-akebiotto aduma ate, “Di!”

Adiyaara 6:1 ပူးပေါင်းရင်းမြစ်များ

Yọọn 1:29

Usen mfen, Yọọn amaakịt Yisọs nte asaña abịne anye, anye anyʌñ abo ate, “Sese Ayịn Edọñ Abasi a-abenne mme idiọọkñkpọ ederimbod afep!

Utom 4:20

Sia ñnyịn idiikanna itre aditañ mbaña se ñnyịn ikikịt inyʌñ ikop.”

Adiyaara 11:19

Ndin emaebeere tembịd Abasi ke abio ubọọñ Abasi, ndin ke esịd tembịd ado emaekịt akebe edioomo Abasi. Ndin unwana akepkep amaasakka, emaenyʌñ ekop ndukuunọ mme uyom aduma, mme unyekisọñ ye akwa edịm itiad.

Adiyaara 13:8

Afịd mme andidʌñ ederimbod eyaekpono idiọọk unam ado, afịd awo se ediiwette anyịñ ammọ isịn ke ñwed uwem a-anieeghe Ayịn Edọñ e-ekewotto tọọñọ ke ini ekebotto ederimbod.

Adiyaara 14:2

Ndin mmaakop uyom naña ato abio ubọọñ Abasi a-akeyomoke nte ndufuud mmọọñ mme nte aduma asakka. Uyom mfen añkekoppo akeba nte ikwọ ndido a-mme andibre ebreke.

Adiyaara 19:6

Ndin mmaakop se ikiba nte ekamba atu awo, nte uyom adufụụd mmọọñ mme nte nsakka uwak aduma, naña ebo: “Haadeduya! Sia Abọọñ Abasi Andikpon Ñkan ñnyịn akara.

Adiyaara 4:8

Ndin afịd mme aduuwem ñkpọ inaañ ami ekenieeñe mba itiokeed enyʌñ enieeñe mme anyen eyọhọ idem, kpa ye ke idak mba amọ. Uweemeyo mme okoneyo ammọ iduọkkọ adudu ke edibo, “ ‘Adisana, adisana, adisana, ado Abọọñ Abasi Andikpon Ñkan,’ amaakeba, a-abaaha aba, ami adooho asʌk atịmme adi.”

Adiyaara 5:1

Ndin ami mmañkịt ke ubọk udom anditie ke ebekpo, ikpañwed e-emaekewet ñkpọ ke naña edem iba, ekʌp enyʌñ efiik ke ufiikñkpọ itiaba.

Adiyaara 5:12

Ke akpọsọñ uyo ammọ emaekwọ: “Ayịn Edọñ e-emaekewot adot adibọ adudu ye inie, ye ikike ye udịd, ye ukpono, ye ubọọñ ye itooro.”

Adiyaara 5:8

Ke anye amaakebọ ikpañwed ado, mme aduuwem ñkpọ inaañ ye mme ñyobioawo edịp mme inaañ emaeduọññọ ke iso Ayịn Edọñ. Afịd ammọ keed-e-keed emaekaama ndido mme usan nte kood e-eyọhọke mme insensi e-edoññoke akam inua mme ndisana ikot Abasi.

Adiyaara 6:3

Ke Ayịn Edọñ amaakekʌppọ ufiikñkpọ ayọhọ iba mmaakop naña aduuwem ñkpọ ayọhọ iba abo “Di!”

Adiyaara 6:5

Ke Ayịn Edọñ amaakekʌppọ ayọhọ ufiikñkpọ ita, mmaakop naña aduuwem ñkpọ ayọhọ ita abo “Di!” Mmaase ñnyʌñ ñkịt naña abubịd enañ mbakara ada ke iso mmi! Andiwad anye akekama udomo ñkpọ iba ke ubọk amọ.

Adiyaara 6:7

Ke Ayịn Edọñ amaakekʌppọ ayọhọ ufiikñkpọ inaañ, mmaakop naña aduuwem ñkpọ ayọhọ inaañ abo “Di!”

Adiyaara 8:1

Ke anye amaakekʌppọ ayọhọ ufiikñkpọ itiaba, ndobo amaaba ke abio ubọọñ Abasi ke ñkpọ nte ubaak awa keed.