Adiyaara 5:8 - Ñwed Abasi Ke Ikọ Ibibio Ayo Mfịn

⁸ Ke anye amaakebọ ikpañwed ado, mme aduuwem ñkpọ inaañ ye mme ñyobioawo edịp mme inaañ emaeduọññọ ke iso Ayịn Edọñ. Afịd ammọ keed-e-keed emaekaama ndido mme usan nte kood e-eyọhọke mme insensi e-edoññoke akam inua mme ndisana ikot Abasi.

Adiyaara 5:8 ပူးပေါင်းရင်းမြစ်များ

Yọọn 1:29

Usen mfen, Yọọn amaakịt Yisọs nte asaña abịne anye, anye anyʌñ abo ate, “Sese Ayịn Edọñ Abasi a-abenne mme idiọọkñkpọ ederimbod afep!

Yọọn 5:23

ma afịd awo ekpono Ayịn naña ammọ ekpono Ete. Awo ake adodo a-asịnne adikpono Ayịn asịn ñko adikpono Ete a-akendọññọ anye adi.

Ibru 1:6

Ndin ñko, ke ini Abasi abenne akpa ayịn amọ adi ederimbod, anye ate, “Yak afịd mme enyere Abasi ekpono anye.”

Adiyaara 13:8

Afịd mme andidʌñ ederimbod eyaekpono idiọọk unam ado, afịd awo se ediiwette anyịñ ammọ isịn ke ñwed uwem a-anieeghe Ayịn Edọñ e-ekewotto tọọñọ ke ini ekebotto ederimbod.

Adiyaara 15:2

Ndin mmaakịt se ikitie nte akpa mmọọñ kraasi a-abuaahake mme ikañ, mbon e-ekedaaha ediana akpa mmọọñ ado ekedo mbon e-emaekekan idiọọk unam mme mbiod amọ ye nọmba anyịñ amọ. Ammọ emaekaama ndido a-Abasi akenọọhọ ammọ

Adiyaara 15:7

Ndin keed ke atu mme aduuwem unam inaañ ado amaanọ mme enyere itiaba mme bọwịd nte kood e-emaekeyọhọ mme ifiopesịd Abasi, a-aduuho uwem ke nsi-nsi ye nsi-nsi.

Adiyaara 19:4

Mme mbioawo edịp mme inaañ ado, ye mme aduuwem unam ado emaeduọọñọ ke isọñ ekpono Abasi, a-aketieeghe ke ebekpo. Ndin enyʌñ ebọọñ ete: “Amen, Haadeduya!”

Adiyaara 4:10

mme ñyobioawo edịp mme inaañ eduọọñọ ke isọñ ke iso anditie ke ebekpo enyʌñ ekpono anye ami aduuho uwem ke nsi-nsi. Ammọ emaebon mme ntinya ammọ ke ebekpo ebo:

Adiyaara 4:4

Mme ebekpo edịp mme inaañ emaekanna ebekpo ami ekʌk ndin ñyobioawo edịp mme inaañ emaetie ke mme ebekpo ado. Ammọ ekesịne mfia afọñidem enyʌñ eyaara ntinya kood ke iwuod ammọ.

Adiyaara 4:6

Ñko ke iso ebekpo ado ñkpọ nte inyañ kraasi, ayamma nte kristad. Ndin ke ufọọd ebekpo mme ñkanñkʌk amọ akedo mme aduuwem ñkpọ inaañ, e-ekeyọhọke mme anyen ke iso mme edem.

Adiyaara 4:8

Ndin afịd mme aduuwem ñkpọ inaañ ami ekenieeñe mba itiokeed enyʌñ enieeñe mme anyen eyọhọ idem, kpa ye ke idak mba amọ. Uweemeyo mme okoneyo ammọ iduọkkọ adudu ke edibo, “ ‘Adisana, adisana, adisana, ado Abọọñ Abasi Andikpon Ñkan,’ amaakeba, a-abaaha aba, ami adooho asʌk atịmme adi.”

Adiyaara 5:11

Ndin mmaase ñnyʌñ ñkop uyo uwak-uwak mme enyere, ke tọsịn ke tọsịn mme tọsịn duop ke itie tọsịn duop. Ammọ emaekanna ebekpo ye mme aduuwem ñkpọ ye mme ñyobioawo.

Adiyaara 5:12

Ke akpọsọñ uyo ammọ emaekwọ: “Ayịn Edọñ e-emaekewot adot adibọ adudu ye inie, ye ikike ye udịd, ye ukpono, ye ubọọñ ye itooro.”

Adiyaara 5:14

Mme aduuwem ñkpọ inaañ emaebọọrọ, “Amen,” ndin me ñyobioawo emaeduọññọ ke isọñ enọ ukpono.

Adiyaara 5:6

Ndin mmaakịt Ayịn Edọñ a-akebaaha nte emaewoowot, naña ada ke ufọọd ebekpo, mme aduuwem ñkpọ inaañ ye ñyobioawo nte eda ekanna anye ekʌk. Anye akenie nnʌk itiaba ye anyen itiaba, e-edoññoke mme Sịbidịd Abasi itiaba e-ekedọññọ ewuọọñọ eka ke ederimbod.

Adiyaara 6:1

Ami mmaase naña Ayịn Edọñ akʌppọ akpa ufiikñkpọ ke atu mme ufiikñkpọ itiaba ado. Ndin mmaakop naña keed ke atu mme aduuwem ñkpọ inaañ ado ataña ke uyo a-akebiotto aduma ate, “Di!”