Adiyaara 5:6 - Ñwed Abasi Ke Ikọ Ibibio Ayo Mfịn

⁶ Ndin mmaakịt Ayịn Edọñ a-akebaaha nte emaewoowot, naña ada ke ufọọd ebekpo, mme aduuwem ñkpọ inaañ ye ñyobioawo nte eda ekanna anye ekʌk. Anye akenie nnʌk itiaba ye anyen itiaba, e-edoññoke mme Sịbidịd Abasi itiaba e-ekedọññọ ewuọọñọ eka ke ederimbod.

Adiyaara 5:6 ပူးပေါင်းရင်းမြစ်များ

Eti Etob Naña Duk Awet 1:69

Anye awuuk adaha adinyaaña inọ ñnyịn ke ufọk Defid ayịnufọk amọ,

Yọọn 1:29

Usen mfen, Yọọn amaakịt Yisọs nte asaña abịne anye, anye anyʌñ abo ate, “Sese Ayịn Edọñ Abasi a-abenne mme idiọọkñkpọ ederimbod afep!

Yọọn 1:36

Yọọn akekịt naña Yisọs adisaña afrọ, anye ate, “Sese, Ayịn Edọñ Abasi.”

Utom 8:32

Itie ñwed Abasi a-anye akekoodo ado ami: “Ekedʌt anye nte edọñ eka itie uwot unam, nte ñnyịn edọñ a-ammiisiooho uyo ke iso mme andikwaad anye ided, anye ikikʌppọke inua.

Adiyaara 1:4

Yọọn, Anọ etob ami asọk mme ufọkabasi itiaba e-ebaaha ke Esia: Mfọn ye emem ato anye a-abaaha, a-amaakebaba, a-adiinyʌñ itịmme idi, ibọ ñko ito mme sịbidịd itiaba e-ebaaha ke iso ebekpo amọ,

Adiyaara 12:11

Ammọ emaekan anye ke iyiib Ayịn Edọñ mme ke ikọ ntiense ammọ; ammọ ikimaaha uwem ammọ ikisịm itie adisịk idem nsio mbaak ñkpa.

Adiyaara 13:8

Afịd mme andidʌñ ederimbod eyaekpono idiọọk unam ado, afịd awo se ediiwette anyịñ ammọ isịn ke ñwed uwem a-anieeghe Ayịn Edọñ e-ekewotto tọọñọ ke ini ekebotto ederimbod.

Adiyaara 14:1

Ndin mmaase ñnyʌñ ñkịt Ayịn Edọñ naña ada ke iso mmi ke Abod Sayọn ye mme awo 144,000 e-emaekewet anyịñ Ayịn Edọñ mme anyịñ Ete amọ ke mme akpọiso ammọ.

Adiyaara 17:14

Ammọ eyaenwana ekọñ mme Ayịn Edọñ, ado Ayịn Edọñ ayaakan ammọ sia anye ado Abọọñ mme mbọọñ ye Adidem mme ndidem, ndin mbon e-emaekekood, emek, enyʌñ edoñño mme ibed e-ebuọttọ idem mme anye eyaeba mme anye.”

Adiyaara 21:22

Ami ñkekịtte tembịd ke abio ado sia Abọọñ Abasi Andikan Ñkan ye Ayịn Edọñ edoñño tembịd amọ.

Adiyaara 21:23

Abio ado iyemme utịn mme afiọñ ediyama ke anye sia ubọọñ Abasi anọ anye unwana, ndin Ayịn Edọñ ado utuenikañ amọ.

Adiyaara 22:1

Ndin enyere amañwọt miin inyañ uwem a-asanake nte Krista, a-afegheke ato ebekpo Abasi ye ake Ayịn Edọñ

Adiyaara 22:3

Nsue idiibaaha aba. Ebekpo Abasi mme ake Ayịn Edọñ adiiba ke abio ado, ndin mme isʌñutom amọ eyaenam ñkpọ enọ anye.

Adiyaara 4:8

Ndin afịd mme aduuwem ñkpọ inaañ ami ekenieeñe mba itiokeed enyʌñ enieeñe mme anyen eyọhọ idem, kpa ye ke idak mba amọ. Uweemeyo mme okoneyo ammọ iduọkkọ adudu ke edibo, “ ‘Adisana, adisana, adisana, ado Abọọñ Abasi Andikpon Ñkan,’ amaakeba, a-abaaha aba, ami adooho asʌk atịmme adi.”

Adiyaara 5:11

Ndin mmaase ñnyʌñ ñkop uyo uwak-uwak mme enyere, ke tọsịn ke tọsịn mme tọsịn duop ke itie tọsịn duop. Ammọ emaekanna ebekpo ye mme aduuwem ñkpọ ye mme ñyobioawo.

Adiyaara 5:12

Ke akpọsọñ uyo ammọ emaekwọ: “Ayịn Edọñ e-emaekewot adot adibọ adudu ye inie, ye ikike ye udịd, ye ukpono, ye ubọọñ ye itooro.”

Adiyaara 5:13

Ndin ami mmaakop naña afịd-afịd ñkpọ se Abasi akebot ke ederimbod ke anyọñ me ke isọñ me ke idakisọñ me ke akpa mmọọñ ye afịd ñkpọ se isiine ke esịd ammọ ekwọ ete: “Yak itooro me ukpono me ubọọñ me odudu enie anye a-atieeghe ke ebekpo anyʌñ anie Ayịn Edọñ, ke nsi-nsi, nsi-nsi!”

Adiyaara 5:14

Mme aduuwem ñkpọ inaañ emaebọọrọ, “Amen,” ndin me ñyobioawo emaeduọññọ ke isọñ enọ ukpono.

Adiyaara 6:16

Ammọ emaenyʌñ ekood mme ikpọ abod mme itiad ebo, “Duọ ifʌk ñnyịn, nyʌñ idịp ñnyịn ke iso anditie ke ebekpo ye iyaresịd Ayịn Edọñ.