Adiyaara 4:11 - Ñwed Abasi Ke Ikọ Ibibio Ayo Mfịn

¹¹ “Afo amodot, Abọọñ mme Abasi ñnyịn, edibọ ubọọñ mme ukpono mme adudu, sia afo akebotto afịd ñkpọ, ndin ke unyịmme mfo emaebot ammọ, ammọ enyʌñ enie uwem.”

Adiyaara 4:11 ပူးပေါင်းရင်းမြစ်များ

Utom 14:15

“Mme ufan ñnyịn, nsinam ndufo enam ñkpọ ami? Ñnyịn ke idem ñnyịn inyʌñ idoñño mme awo nte ndufo. Ñnyịn idat eti etob isọk ndufo, ite yak ekappa ekpọñ mme ñkpọ ami mmiiwuọọñọke ñkpọ ndomokeed ebịne ndu-ndu Abasi, a-akenamma anyọñ ye isọñ ye inyañ ye afịd-afịd ñkpọ se iyọhọ ammọ ke esịd.

Utom 17:24

“Abasi a-akenamma ederimbod ye afịd ñkpọ ke esịd amọ ado Abọọñ anyọñ ye isọñ, ndin anye idʌññọ ke mme tembịd e-ebọppọ ke ubọk.

Ñwed Mbon Rum 11:36

Sia ato ke anye, aboiyo ke anye, afịd ñkpọ abañña, ndin afịd ñkpọ anie anye. Enọ anye ubọọñ ke nsi-nsi! Amen.

Efisọs 3:9

ye adinyʌñ nnam ndedịbe enọ ami anwaña afịd awo, a-adooho ke mme ayo a-akeboiyoke ekedeedịp ke Abasi, anye a-akebotto afịd ñkpọ.

Ibru 1:10

Anye amaana abo, “Ke aditọọñọ, o Abọọñ, Afo akesịn itiad idakisọñ ederimbod, mme ikpaanyọñ ñko edoñño utom ubọk mfo.

Ibru 1:2

ado ke mme akpatre usen ami anye atañ ikọ inọ ñnyịn ato Ayịn amọ, a-anye amaakemek adia akpa ukeed ñkpọ, a-adooho ekenam ekondo eto ke anye.

Adiyaara 1:6

ndin anam ñnyịn ido mme abio ubọọñ ye mme aku adinam ñkpọ nnọọ Abasi mme Ete–itooro mme adudu anie anye ke nsi-nsi nsi-nsi! Amen.

Adiyaara 10:6

Ndin anye amaanwọñọ ke anyịñ andidu uwem ke nsi-nsi nsi-nsi, andikibot mme anyọñ mme afịd se idọñọ ke esịd amọ, ederimbod ye afịd se idọñọ ke esịd amọ, mme inyañ ye afịd se idọñọ ke esịd amọ, anyʌñ abo, “Ubiad ini idiibaaha aba.

Adiyaara 14:7

Anye amaabo ke akpọsọñ uyo, “Baak Abasi nyʌñ nọ anye ubọọñ sia awa ubioro ikpe amọ adikem. Kpono anye a-akenamma mme ikpaanyọñ, ederimbod akpa inyañ, ye mme idịm mmọọñ.”

Adiyaara 19:1

Ke ami amaakeboiyo, mmaakop se ikiba nte uyom ekemba atu awo ke abio ubọọñ Abasi naña ebọñọ ñkpo. “Haadeduya! Edinyaaña mme ubọọñ ye adudu enie Abasi ñnyịn sia ubiire ikpe,

Adiyaara 5:12

Ke akpọsọñ uyo ammọ emaekwọ: “Ayịn Edọñ e-emaekewot adot adibọ adudu ye inie, ye ikike ye udịd, ye ukpono, ye ubọọñ ye itooro.”

Adiyaara 5:2

Ndin ami mmakịt ata eka isua enyere keed asʌk abọọñ ke ekamba uyo abo, “Anie idot adibom ufiikñkpọ itiaba ñnyʌñ ñkʌppọ ikpañwed ami?”

Adiyaara 5:9

Ndin ammọ emaekwọ ufa ikwọ ete: “Afo amedot adibọ ikpañwed, ñkʌppọ ñwed nyʌñ mbom mme ufiikñkpọ amọ, sia emaekuwowot Fiin ndin Afo amaadat iyiib mfo adep uduod awo asio ke mme aduuk, ubon awo, ye usem, ye idịd ayaak anọ Abasi.