Adiyaara 4:10 - Ñwed Abasi Ke Ikọ Ibibio Ayo Mfịn

¹⁰ mme ñyobioawo edịp mme inaañ eduọọñọ ke isọñ ke iso anditie ke ebekpo enyʌñ ekpono anye ami aduuho uwem ke nsi-nsi. Ammọ emaebon mme ntinya ammọ ke ebekpo ebo:

Adiyaara 4:10 ပူးပေါင်းရင်းမြစ်များ

Matiu 2:11

Emaekesịm ufọk a-ayịn akebaaha, ammọ emaekịt ayịn ye Mmeri eka amọ, etuak iwuod enọ, enyʌñ ekpono anye. Ndin ammọ etat ekpad ammọ enyʌñ enọ anye mme nsọñudua ñkpọ: nsọñudua itiad kood, insensi ye anemutebe adan.

Eti Etob Naña Duk Awet 24:52

Ammọ emaekpono anye, enyʌñ etịmme enyọñ Yerusedem ye akwa idaara.

1 Kọrint 15:10

Ado ato ke mfọn Abasi, ami ndo se ami ndo, ndin mfọn amọ ikidooho ke utak-utak. Iyo-o, mmaanam utom ñkan afịd mme abọsịd mbon ñko, idooho ke ukeme mmi, ado ato ke mfọn Abasi a-akebaaha ye ami.

Adiyaara 10:6

Ndin anye amaanwọñọ ke anyịñ andidu uwem ke nsi-nsi nsi-nsi, andikibot mme anyọñ mme afịd se idọñọ ke esịd amọ, ederimbod ye afịd se idọñọ ke esịd amọ, mme inyañ ye afịd se idọñọ ke esịd amọ, anyʌñ abo, “Ubiad ini idiibaaha aba.

Adiyaara 11:16

Ndin mme ñyobioawo edịp mme inaañ e-eketieeghe ke mme ebekpo ubọọñ ammọ ke iso Abasi emaeduọññọ ekuub iso ammọ ke isọñ enyʌñ ekpono Abasi,

Adiyaara 15:4

Mme anie mmiiduufegheke fiin, O, Abọọñ! Inyʌñ inọ anyịñ mfo ubọọñ? Sia Afo ikpọọñ ado adisana. Afịd mme idịd eyaedukpono fiin, sia eyaara mme nti utom mfo.”

Adiyaara 15:7

Ndin keed ke atu mme aduuwem unam inaañ ado amaanọ mme enyere itiaba mme bọwịd nte kood e-emaekeyọhọ mme ifiopesịd Abasi, a-aduuho uwem ke nsi-nsi ye nsi-nsi.

Adiyaara 19:4

Mme mbioawo edịp mme inaañ ado, ye mme aduuwem unam ado emaeduọọñọ ke isọñ ekpono Abasi, a-aketieeghe ke ebekpo. Ndin enyʌñ ebọọñ ete: “Amen, Haadeduya!”

Adiyaara 4:2

Ini keed Sịbidịd amamben miin, ndin sese mmaakịt ebekpo ke abio Abasi, awo anyʌñ atie ke ebekpo ado.

Adiyaara 4:4

Mme ebekpo edịp mme inaañ emaekanna ebekpo ami ekʌk ndin ñyobioawo edịp mme inaañ emaetie ke mme ebekpo ado. Ammọ ekesịne mfia afọñidem enyʌñ eyaara ntinya kood ke iwuod ammọ.

Adiyaara 4:9

Ini ake adodo a-mme aduuwem ñkpọ ami enọọhọ anditie ke ebekpo a-aduuho uwem ke nsi-nsi ubọọñ mme ukpono,

Adiyaara 5:14

Mme aduuwem ñkpọ inaañ emaebọọrọ, “Amen,” ndin me ñyobioawo emaeduọññọ ke isọñ enọ ukpono.

Adiyaara 5:8

Ke anye amaakebọ ikpañwed ado, mme aduuwem ñkpọ inaañ ye mme ñyobioawo edịp mme inaañ emaeduọññọ ke iso Ayịn Edọñ. Afịd ammọ keed-e-keed emaekaama ndido mme usan nte kood e-eyọhọke mme insensi e-edoññoke akam inua mme ndisana ikot Abasi.

Adiyaara 7:11

Afịd mme enyere emaeda ekanna ebekpo, mme ñyobioawo ye mme aduuwem ñkpọ ekʌk. Emaeduọññọ ekʌp iso ke isọñ ke iso ebekpo ekpono Abasi,