Adiyaara 3:5 - Ñwed Abasi Ke Ikọ Ibibio Ayo Mfịn

⁵ Anye a-akanna ayaanyʌñ asịne afia ọfọñ nte ammọ. Ami ndiisọọhọ anyịñ amọ nsio ke ñwed uwem, ado ñyaabo ke mmediọọñọ anyịñ amọ ke iso Ete Mmi ye mme enyere amọ.

Adiyaara 3:5 ပူးပေါင်းရင်းမြစ်များ

Matiu 10:32

“Ke ntodo, awo a-anyịmmeke miin añwa-añwa ke iso mme awo, ami ñyaanyʌñ nnyịmme anye añwa-añwa ke iso Ete mmi ke abio ubọọñ.

Eti Etob Naña Duk Awet 10:20

Ado ikiidaara sia mme sịbidịd esuuk iwuod inọ ndufo, ikap idaara sia ewet anyịñ ndufo ke abio ubọọñ Abasi.”

Eti Etob Naña Duk Awet 12:8

“Mmaana idọkkọ ndufo nte, awo adiimben miin iwọt mme awo, Ayịn Awo ayaanyʌñ aben anye awọt mme enyere Abasi.

Fidibai 4:3

Ih, ñko mmenyʌñ mbeeñe ndufo nte ekop item andikeene ñkọñọ akpọnọ, nyaaña mme ibaan e-ekedaaha mme ami ke adinam utom eti etob, ye Kremen ye afịd mbon ñko e-eñkeeneke enam utom, a-adooho anyịñ ammọ mmọdo ke ñwed uwem.

Ñwed Yud 1:24

Amaado anye a-kanna ikpeme ndufo mbaak ididuọ, anyʌññọ anam ndufo eda ke iso ubọọñ amọ e-enana ndo ke akwa idaresịd,

Adiyaara 13:8

Afịd mme andidʌñ ederimbod eyaekpono idiọọk unam ado, afịd awo se ediiwette anyịñ ammọ isịn ke ñwed uwem a-anieeghe Ayịn Edọñ e-ekewotto tọọñọ ke ini ekebotto ederimbod.

Adiyaara 17:8

Idiọọk unam a-afo akekịtte, a-amaakebaba ini keed ko, ibaaha aba idahami, ndin ayaawuọ ato Abis adinọ anye adʌk nsobo amọ. Mbon e-edʌñọke ke ederimbod e-emiikiwette anyịñ ammọ ke ñwed uwem tọọñọ ke aditọọñọ ederimbod eyaeba ke ata ñkpaidem ke ini ammọ ediikịt idiọọk unam ado, sia ini keed anye ama aba, idahami anye ibaaha, ado ayaamaana adi.

Adiyaara 19:8

Emaenọ anye uyaiya nsem-nsem ye nsana dinen asịne” (Uyaiya dinen ada anọ ndinen utom mme ndisana awo Abasi.)

Adiyaara 2:11

Anye a-anieeghe utọñ, yak anye akop se Sịbidịd adọkkọ mme ufọkabasi. Anye a-akanna idiiktte ndutʌkkọ ñkpa ayọhọ iba.

Adiyaara 2:7

Anye a-anieeghe utọñ yak anye akop se Sịbidịd adọkkọ mme ufọkabasi. Anye a-akanna ñyaanọ anye unen adidia nto mfịd eto uwem, a-adooho baradais Abasi.

Adiyaara 20:12

Ndin mmaakịt mbon e-emaekekpañña, ñkpoon ye ntək-ntək, naña eda ke iso ebekpo, emaenyʌñ ekụụmọ mme ñwed. Emaekʌppọ ñwed mfen a-adooho ñwed uwem. Mbon e-emaekekpañña ekebọ ubiire ikpe ammọ ekeene se ammọ ekenañña naña ekewet ke ñwed.

Adiyaara 20:15

Awo keed ake adodo a-anyịñ amọ mmiikiwereke ke ñwed uwem, emaetop esịn ke ibiok ikañ ado.

Adiyaara 21:27

Ñkpọ ndomokeed a-mmiisanake idiidʌkkọ do, awo ndomokeed a-anamma ñkpọ abuud mme ñkara idiidʌkkọ do, ibọhọke mbon emaekeweewet anyịñ ammọ ke ñwed uwem Ayịn Edọñ.

Adiyaara 22:19

Ndin adieke awo ndomokeed asiooho ikọ ndomokeed afep ke ñwed brọfesi ami, Abasi ayaasio udeme amọ afep ke eto uwem ye ke adisana abio, e-etañña ebaña ke ñwed ami.

Adiyaara 3:12

Anye a-akanna, ñyaanam anye adaha ke tembịd Abasi Mmi. Anye idiikpọññọ ndo aba. Ñyaawet anye ke idem anyịñ Abasi Mmi mme anyịñ ufa abio Abasi Mmi, ufa Yerusedem a-awuọọhọ ato abio ubọọñ Abasi Mmi adi; ndin Ami ñyaanyʌñ ñwet ufa anyịñ Mmi ke idem amọ.

Adiyaara 3:4

Ado asʌk anenie mme awo ifañ ke Sadis emiibiadda afọñ ammọ. Mbon ado eyaesaña mme Ami, esịne mfia afọñ sia ammọ e-edot.

Adiyaara 6:11

Ndin emaenọ ammọ keed-e-keed afia afọñidem, enyʌñ ebo ammọ yak esʌk emaana ebet etək-etək tutu mme ibed ye mme nditọete ammọ ke Krais e-ekenaaha ewood, nte ammọ ñko, ekem ibad.