Adiyaara 3:18 - Ñwed Abasi Ke Ikọ Ibibio Ayo Mfịn

¹⁸ Ami unọ fiin item mbo yak ambọ miin kood e-emaekenam ke ufiop ikañ adep nọ afo akappa ado anie ñkpọ; mbọ ñko afia ọfọñ idem dep sịne nọ ọfʌk ifed mme esuenne mfo. Dep ibọk sịn ke anyen mfo man oto do afo ọmọnọ ñkpọ.

Adiyaara 3:18 ပူးပေါင်းရင်းမြစ်များ

Matiu 13:44

“Abio ubọọñ Abasi atie nte ñkpọuto e-edịppe-dịp ke isọñ. Ke ini awo akịtte ñkpọuto ami, anye amaana adịp anye, ndin ke inemesịd anye akenyam afịd ñkpọ a-anye akenieeghe akedep isọñ ado.

Matiu 25:9

“Ado ammọ ebọọrọ, ‘Iyoo, adan ikañ idiikemme ñnyịn ye ndufo. Akpaafọn ndufo eka ebịne mme andinyam ekedep.’

Eti Etob Naña Duk Awet 12:21

“Kpa ntom ke adiiwuọọñọ inọ awo a-abonno mme inie anọ idem amọ ado inieehe inie ake ukañ Abasi.”

2 Kọrint 5:3

sia imaisịne afọñ, awo idikịtte ñnyịn ifed.

2 Kọrint 8:9

Sia ndufo emediọọñọ mfọn Abọọñ ñnyịn Yisọs Krais, ke akpesʌk ado anye akedooho imọ, ado ato ke ntak ndufo anye amaakappa ado uwueene nọ ato ke uwueene amọ ndufo ekappa edo mme imọ.

1 Timoti 6:18

Bo ammọ enam nti utom uwak-uwak, enyʌñ efọn ido, enyʌñ ebeeñe idem ediwuana se ammọ enie ye mbon mfen.

Yemsi 2:5

Ikpañ utọñ, mme ndima nditọete: Nte Abasi imekke mbon edoññoke uweene ke anyen ederimbod nọ edido imọ ke mbuọdidem enyʌñ edinie abio ubọọñ a-anye akenwọñọke anọ mbon e-emaaha anye?

1 Bita 1:7

Mme ñkpọ ami adi ma mbuọdidem ndufo, asọññọ udua akan kood, a-abiarake akpesʌk ado edommo ke ikañ, akpewuọ ado ñkpọ itooro, ye ubọọñ ye ukpono inọ ndufo ke ini Yisọs Krais adiyaara idem.

Adiyaara 16:15

“Sese mmedi nte inọ! Afọfọn anọ anye a-atabake idab anyʌñ asịne afọñ amọ ke idem, mbaak anye adisaña ifed adia abuud.”

Adiyaara 19:8

Emaenọ anye uyaiya nsem-nsem ye nsana dinen asịne” (Uyaiya dinen ada anọ ndinen utom mme ndisana awo Abasi.)

Adiyaara 2:9

Ami mmediọọñọ mme ukuud mfo ye uweene mfo–ado afo ado imọ! Mmediọọñọ mme ndubiam mbon e-ebooho ke idoñño mme Yuu ke ini ammọ mmiidoññoke, ado edoñño itie ubọñ akam Setan.

Adiyaara 3:17

Afo obo, ‘Ami mmenie inie; ami mmekọ uwak inie, ibaaha se nyem.’ Ado afo udiọọñọke ke amenie mbọm, ado uwueene ye nnan, atie ifed.

Adiyaara 4:4

Mme ebekpo edịp mme inaañ emaekanna ebekpo ami ekʌk ndin ñyobioawo edịp mme inaañ emaetie ke mme ebekpo ado. Ammọ ekesịne mfia afọñidem enyʌñ eyaara ntinya kood ke iwuod ammọ.

Adiyaara 7:13

Ndin keed ke atu mme ñyobioawo amaambịp miin ate, “Mbon e-esiineke mme mfia afọñidem, ami ammọ edoñño mme anie, ammọ eketo uke edi?”