Adiyaara 3:10 - Ñwed Abasi Ke Ikọ Ibibio Ayo Mfịn

¹⁰ Sia afo amenịm ewʌhọ Mmi ke edibọ ke ime, Ami ñyaanyʌñ umʌm fiin ñkamake ini ñnyeeñe a-abooho idisịm afịd ederimbod nọ adidomo mbon se idʌñ ke isọñ.

Adiyaara 3:10 ပူးပေါင်းရင်းမြစ်များ

Matiu 24:14

Ndin eyaekwọrọ eti etob abio ubọọñ ami ke afịd ederimbod nte ntiense enọ afịd idịd. Do ndin ke utịd adidi.

Matiu 26:41

Akpena etap idab ebọñ akam mbaak ididuọ idʌk idomo. Sịbidịd anyịmme, ado ikpọkidem akop mmemidem.”

Matiu 6:13

Kuuyak ñnyịn idʌk ke idomo, ado fak ñnyịn sio ke ubọk andidiọọk.’

Maak 14:9

Ke akpanikọ ke ntañ inọ ndufo, itie ake adodo e-edikwọrọ eti mbʌk ami, ke afịd ederimbod eyaetañ se awonwaan ami akenam, edat ado etoiyo anye.”

Eti Etob Naña Duk Awet 2:1

Akekem ke idaha ukara Sisa Akọstus, anye amaanịm ewʌghọ yak enam ubadawo ke afịd ekondo ñkañ Rum.

Yọọn 17:6

“Ami mmuyaara fiin nnọ mbon a-afo akesiooho ke ederimbod annọ. Ammọ ekedo ake mfo; afo akeben ammọ annọ, ammọ ekpono ikọ mfo.

Ñwed Mbon Rum 1:8

Ke akpa ifed, ami mmekọọm Abasi mmi, ke Yisọs Krais, mbaña afịd ndufo naña mbuọdidem ndufo awuọ etop ke afịd ederimbod.

1 Kọrint 10:13

Ibaaha idomo i-isịmme ndufo a-adooho akenam isịmme awo mfen. Abasi ado anam akpanikọ; anye idiiyakka ndufo enie idomo se ikpon ikan se ekeme adiyọ. Ado ke ini edʌkkọ idomo, anye ayaasio usʌñ nọ ato do ekan eyọ idomo ado.

Efisọs 6:13

Ndin, iben afịd ñkpọekọñ Abasi isịne ke idem, mbaak idiọọk usen amaadi, maekan esọọñọ eda ke iwuuk ndufo, ndin emaenam afịd ñkpọ ema, esọọñọ eda.

2 Timoti 2:12

Adieke ñnyịn inieeghe ime, ñnyịn iyaida ubọọñ ye anye. Adieke ñnyịn ikañña anye, anye ayaikan ñnyịn.

Yemsi 3:12

Mme nditọete mmi, nte eto fik akeme inwịm ọdif, me eto sokoro akeme inwịm fik? Ntodo ñko, idịm mmọọñ inʌñ ikemeke adisio adisana mmọọñ.

1 Bita 4:12

Ndima mme ufan, ekiiyak idem ikpa ndufo ke ikañ-ikañ ufen a-asịmme ndufo, nte ebo ke asen ñkpọ atịppe inọọ ndufo.

2 Bita 2:9

akpedo ntodo, Abọọñ adiọọñọ naña adinyaaña mbon e-ekponoke anye, asio ammọ ke idomo, ado anịm mme idiọọk awo ke itie ufen tutu asịm usen ikpe;

Adiyaara 1:9

Ami Yọọn, ayịnete ye nsaña ndufo ke edibọ ukuud ke ntak abio ubọọñ mme ediyọ ke ime a-adooho ake ñnyịn ke Yisọs, ñkeba ke isuọ Badmus ke ntak ikọ Abasi mme ntiense abañake Yisọs.

Adiyaara 11:10

Mme andidʌñọ ederimbod eyaenọ ammọ ñnyọ enyʌñ enañña usọrọ idem ammọ ke adinọọñọ idem ammọ mme enọ, sia mme brọfed iba ami emaenọọñọ mme andidʌñ ke ederimbod akpọsọñ ufen.

Adiyaara 13:10

Awo ake adodo a-akenaaha adʌk afʌn, ayaadʌk afʌn ado. Awo ake adodo a-akenaaha ewot ke afịd, eyaewot anye kpa ke afịd. Ñkpọ ami ayem ime, ediyọ mme nsọọñọnda eto mme ndisana nditọ Abasi.

Adiyaara 13:14

Ato ke ntak mme idiọọñọ ami a-anye akenaññake ke iwuod akpa idiọọk unam, anye amaabiaaña mme andidʌñ ke ederimbod. Anye amaanyịk ammọ ate ebot ubobod ñkpọ ke mbiod mme ke ukpono akpa idiọọk unam emaekenọ unan ke akañkañ ado anye asʌk adodu uwem.

Adiyaara 13:8

Afịd mme andidʌñ ederimbod eyaekpono idiọọk unam ado, afịd awo se ediiwette anyịñ ammọ isịn ke ñwed uwem a-anieeghe Ayịn Edọñ e-ekewotto tọọñọ ke ini ekebotto ederimbod.

Adiyaara 14:12

Ñkpọ ami ayem ime ye adiyọ nto mme ndisana awo e-enịmme mme ibed Abasi enyʌñ esọñọ eda ke Yisọs.

Adiyaara 14:6

Ndin mmaakịt enyere mfen naña afụụro ke ufọọd afịm, ndin anye amaanie nsi-nsi eti etob adikwọrọ nnọọ mme andidʌñ ke ederimbod: afịd mme idịd, aduuk, usem mme afịd ubon awo.

Adiyaara 16:14

Ammọ edoñño mme sịbidịd ndiọi sịbidịd e-enaññake mme ñyọ-ñyọ idiọọñọ, ndin ammọ ewuọọñọ ebịne mme ndidem afịd ederimbod edikoono ammọ nọ edinwana ekọñ ke ekamba usen Abasi Andikan Ñkan.

Adiyaara 17:2

Mme ndidem ederimbod emaesiin efịbe mme anye, ndin ukọd efịbe amọ amaanaam mme andidʌñ ke isọñ.”

Adiyaara 17:8

Idiọọk unam a-afo akekịtte, a-amaakebaba ini keed ko, ibaaha aba idahami, ndin ayaawuọ ato Abis adinọ anye adʌk nsobo amọ. Mbon e-edʌñọke ke ederimbod e-emiikiwette anyịñ ammọ ke ñwed uwem tọọñọ ke aditọọñọ ederimbod eyaeba ke ata ñkpaidem ke ini ammọ ediikịt idiọọk unam ado, sia ini keed anye ama aba, idahami anye ibaaha, ado ayaamaana adi.

Adiyaara 2:10

Kuudịkke ubaña ukuud se a-afo uduubọ. Ami ñtañ unọ, andidiọọk ayaadọñ usʌk ndufo ñkpakọb, ke edidomo ndufo nse, ndin eyaebọ ndutʌkkọ ke usen duop. Esọọñọ eda, akpekọm ado ke ñkpa, ndin Ami ñyainọ ndufo anyanya uwem.

Adiyaara 3:8

Mmediọọñọ mme utom mfo. Kase, mmenịm ana inwañ usʌñ ke iso mfo awo ndomokeed mmiidiikanna adikʌk. Mmedọdiọọñọ ke inweek mfo ikponno, ado afo amenịm ikọ mmi unyʌññọ ukañ anyịñ Mmi.

Adiyaara 6:10

Ammọ emaekood ke akpọsọñ uyo ete, “Adikpeene die, Abọọñ Andikara, Adisana mme Akpanikọ, ndin Afo akpe ikpe mme andidʌñ ke ederimbod anyʌñ asio usieene iyiib ñnyịn e-ekeduọkkọ?”

Adiyaara 8:13

Ami ñkesʌk nse, ndikop naña nturukpuum keed a-akesʌkkọ afụụro ke ufọọd anyọñ abọọñ ke akpọsọñ uyo abo: “Adọdiọọk anọ! Adọdiọọk anọ! Adọdiọọk anọ mme andidʌñ ke isọñ, ato ke ntak uyo adukpʌñ a-enyere ita e-esʌhọke do ebooho ifịt do!”