Adiyaara 22:2 - Ñwed Abasi Ke Ikọ Ibibio Ayo Mfịn

² adiwuọ ke ufọọd ekamba usʌñ abio ado. Ke mbeñ iba inyañ ado eto uwem ada a-ayịreke ayọ mfịd duop mme iba anyʌñ asio mfịd afịd-afịd afiọñ. Ndin mme mfañ eto ado, ado se edat ekọk mme idịd udọñọ.

Adiyaara 22:2 ပူးပေါင်းရင်းမြစ်များ

Eti Etob Naña Duk Awet 4:18

“Sịbidịd Abọọñ andoro miin ke idem, sia anye amaañyet miin adan anịm, adikwọrọ eti mbʌk nnọ mme uwueene. Anye amaandọñ miin adikwọrọ uwuọufʌn nnọ mbon ñkpọkọb, ye aditịmme ñkịdusʌñ nnọ mme nnan ye ñkpọkñyak nnọ mbon a-mme awo efiighe,

1 Bita 2:24

Anye ke idem amọ amaabiom mme idiọọkñkpọ ñnyịn ke ikpọkidem amọ ke eto, nọ ñnyịn ikpa ikpọñ idiọọkñkpọ inyʌñ idu uwem inọ adinenido; ato ke unan amọ udọñọ akweeñe ndufo

Adiyaara 2:7

Anye a-anieeghe utọñ yak anye akop se Sịbidịd adọkkọ mme ufọkabasi. Anye a-akanna ñyaanọ anye unen adidia nto mfịd eto uwem, a-adooho baradais Abasi.

Adiyaara 21:21

Mme inuaatob duob ye iba ado ekedoñño nsọñudua mme duob ye iba. Ekedat nsọñudua mme ami enam mme inuaatob keed-e-keed. Ekekama ata nsasana kood a-akebaaha nte Kras e-ekemeke idat ñkịt iso enam ekamba akpọusʌñ abio ado.

Adiyaara 21:24

Mme idịd ediisaña ke unwana amọ, ndin mme ndidem ederimbod eyaeben ubọọñ ammọ edʌk ke esịd ammọ.

Adiyaara 22:1

Ndin enyere amañwọt miin inyañ uwem a-asanake nte Krista, a-afegheke ato ebekpo Abasi ye ake Ayịn Edọñ

Adiyaara 22:14

“Afọfọn anọ mbon e-eyette afọñ ammọ, nọ enie unen ke eto uwem enyʌñ eboiyo eto inuaatob adʌk ke esịd abio.

Adiyaara 22:19

Ndin adieke awo ndomokeed asiooho ikọ ndomokeed afep ke ñwed brọfesi ami, Abasi ayaasio udeme amọ afep ke eto uwem ye ke adisana abio, e-etañña ebaña ke ñwed ami.