Adiyaara 21:3 - Ñwed Abasi Ke Ikọ Ibibio Ayo Mfịn

³ Ndin mmaakop ekamba uyo a-atooho ebekpo naña abo, “Se, idaha ami itie idʌñ Abasi aba ye mme awo, anye ayaadʌñ ye ammọ. Ammọ eyaedoñño mbon amọ, ndin Abasi ke Idem amọ ayaadʌñ ye ammọ, anyʌñ ado Abasi ammọ.

Adiyaara 21:3 ပူးပေါင်းရင်းမြစ်များ

Yọọn 1:14

Ikọ amaakappa ado awo anyʌñ adʌñ mi ke ederimbod ke atu ñnyịn. Ñnyịn inyʌñ ikịt ubọọñ amọ a-anye anieeghe ato Ete nte ukwueeñe Ayịn Abasi Ete a-ayọhọke ye mfọn ye akpanikọ.

Yọọn 14:23

Yisọs amaabọọrọ ate, “Awo a-amaaha miin ayaanam ukpeeb ñkpo mmi, ndin Ete mmi ayaama anye ndin ñnyịn iyaidi ibịne anye inyʌñ idʌñ mme anye.

2 Kọrint 6:16

Nso-o edioomo ke tembịd Abasi anie ye ndem? Sia ñnyịn ido tembịd Abasi uwem. Kpa naña Abasi abo ate: “Ñyaadʌñ ye ammọ ñyaanyʌñ nsaña ke atu ammọ, ndin ñyaado Abasi ammọ, ammọ eyaenyʌñ edo ikọd mmi.”

2 Kọrint 6:18

Ñko, “Ñyaado Ete ndufo ndin ndufo eyaedo nditọ ideen ye nditọ ibaan mmi, ntom ke Abọọñ Andikpon Ñkan abo.”

1 Tesadonia 3:11

Ke ami yak Abasi Ete ke idem amọ ye Abọọñ ñnyịn Yisọs anam usʌñ anwaña inọ ñnyịn adidi ibịne ndufo.

Ibru 11:16

Utu-utu ke ado, ammọ ekesʌk enie udọñ ebaña idịd anye a-afọnnọ akan, ake abio ubọọñ. Ke ntodo, abuud inamma Abasi adikere Abasi ammọ, sia anam itie idʌñ anịm anọ ammọ.

Ibru 8:10

Ami ado edioomo a-ami ndiinam ye ufọk Isred ini ado amaaboiyo, Abọọñ atañ. Ami ñyaasịn mme ibed mmi ke akikere ammọ nyʌñ ñweewet ke esịd ammọ. Ami ñyaado Abasi ammọ ndin ammọ eyaedo mbon mmi.

Ibru 8:2

Anye a-adooho anam utom ke adisana itie, tabanakịd akpanikọ a-Abọọñ ke idem amọ akenịmme, idooho awo.

Adiyaara 10:4

Ke mme aduma itiaba ado emaeketañ ikọ, mmaayem ediwet se ammọ eketañ, ado mmaakop uyo a-aketooho ke abio ubọọñ Abasi naña abo, “Kʌp, fik nịm, mme ikọ se mme aduma itiaba ado etañ, kuuwewet unịm.”

Adiyaara 10:8

Ndin uyo ammaakekokop naña ato abio ubọọñ Abasi atañ ikọ ini keed mfen mme ami ate: “Ka, ben ikpañwed ado a-akʌppọke ana ke ubọk enyere a-adaaha ke inyañ mme ke abod.”

Adiyaara 12:10

Ndin mmaakop naña ekamba uyo ke abio ubọọñ Abasi nte abo: “Idahami adinyaaña ye adudu mme abio ubọọñ Abasi ñnyịn adi ye ukara Krais amọ sia esio anye a-asidotto nditọeka ñnyịn ikọ eduọọk ke isọñ, anye a-asidotto ammọ uyo ke iso Abasi ñnyịn ke uweemeayo mme akonayo.

Adiyaara 21:7

Anye a-akanna adinie afịd ami ndin Ami ñyaado Abasi amọ, anye ayaado ayịn mmi.

Adiyaara 22:3

Nsue idiibaaha aba. Ebekpo Abasi mme ake Ayịn Edọñ adiiba ke abio ado, ndin mme isʌñutom amọ eyaenam ñkpọ enọ anye.

Adiyaara 7:15

Ado anam, “ammọ eba ke iso ebekpo Abasi enyʌñ enam utom enọ anye ke uweemeayo mme akoneyo ke tembịd amọ; ndin anye a-atieeghe ke ebekpo ayaatat atayad amọ afʌk ammọ.