Adiyaara 20:2 - Ñwed Abasi Ke Ikọ Ibibio Ayo Mfịn

² Anye amaamʌm drakọn, akaan udʌkikọd ado, a-adooho andidiọọk, me Setan, anyʌñ akọp anye ke isua tọsịn keed.

Adiyaara 20:2 ပူးပေါင်းရင်းမြစ်များ

Matiu 19:29

Ndin afịd awo e-emaekekpọñ mme ufọk, ye nditọeka ideen ye nditọeka ibaan, ye ete, ye eka ye nditọ ye ikọd inwañ ke ntak mmi eyaebọ utịb akañ ikie enyʌñ enie uwem nsi-nsi.

Matiu 8:29

Ke ata idahado ammọ emaesio ñkpo ete, “Nso-o ke afo ayem ito ñnyịn, Ayịn Abasi? Afo adi adinọ ñnyịn ufen mbemiso ini akem?”

Maak 4:15

Usʌk awo eba nte ñkpasi e-eduọññọke ke akpọusʌñ ke emaetọ ikọ Abasi. Ammọ emaesʌkikokop ikọ Abasi, Setan adi adiben ikọ e-eketọọhọ ke esịd ammọ afep.

Maak 5:7

Ndin anye abọọñ ñkpo ke afịd adudu amọ. “Nso-o ke afo ayem ye ami, Yisọs Ayịn Andikoñ Ñkan Abasi Ibom? Mmuukpeiye fiin ke anyịñ Abasi mbo kuuntʌkkọ miin!”

Yọọn 12:31

Ini ubiire ikpe nnọ ederimbod ami akem; idahami eyaebịn akpan abọọñ ederimbod ami esio.

Yọọn 16:11

ñko ke ntak ubiireikpe sia ayịn abọọñ isọñ ami aba ke ubiomikpe.

Ñwed Mbon Rum 16:20

Abasi emem ayaasọp inuak Setan ke idak ukod ndufo. Yak mfọn Abọọñ Yisọs aba mme ndufo.

Ibru 2:14

Sia nditọ enieehe abʌk ye iyiib, anye ñko awuana ke uduod awo, nọ ato ke ñkpa amọ anye abiad anye a-akamake adudu ñkpa, a-adooho, andidiọọk,

1 Bita 5:8

Inie mfadidem, inyʌñ ikpeme. Asua ndufo, setan ayoyo nte ekpe akuun ayem awo se anye ata.

2 Bita 2:4

Sia adieke Abasi miikiyakka mme enyere e-ekedueehe ebọkkọ, ado atop ammọ aduọk ke itie ufen, anyʌñ asịn ammọ ke ñkịm-ñkịm ukpe, ate enịm ammọ do tutu ubiire ikpe;

Ñwed Yud 1:6

Mme enyere ñko, emmiikimʌmmọ itie adudu ammọ ikama, ado ekpọñ itie idʌñ ammọ, ke anye akekọp ke nsi-nsi ñkpakọb anịm ke ekịm, abo etie ebet ubiire ikpe ekamba Usen ado.

Adiyaara 12:13

Ndin ke drakọn amaakekịt ibo ke itop imọ eduọọk ke iso isọñ, anye amaabịne awonwaan a-akemanna ayịn awodeen ado.

Adiyaara 12:15

Ndin udʌkikọd ado amaatop mmọọñ asio ke inua amọ nte inyañ, ayem adikpuud awonwaan ado mben ke udiọñ mmọọñ ado.

Adiyaara 12:17

Ndin drakọn amaanekke ayat esịd mme awonwaan ado anyʌñ adọñ idem aka adikinwana ekọñ mme ukeed mfịd idịb amọ se ikisʌhọ, mbon e-enịmme mme ibed Abasi, enyʌñ emʌm ikọ ntiense Yisọs ekama.

Adiyaara 12:3

Ndin idiọọñọ mfen amaawuọ ada ke abio ubọọñ Abasi: ata ekamba ndad-ndad drakọn a-akenieeghe iwuod itiaba mme nnʌk duop ye ntinya itiaba ke mme iwuod amọ.

Adiyaara 12:4

Isịm amọ amaakwọọk keed ke ubaak ita mme ntantaafiọñ e-ewuọọñọke ke ikpaanyọñ eduọọñọ ke isọñ. Drakọn ado amaada ke iso awonwaan ado a-akeyemme adiman ayịn, nọ ayịn ado amaasʌk amamana anye aben amen.

Adiyaara 12:9

Emaetop ekamba drakọn eduọọk ke isọñ, akaan udʌkikọd ado e-ekoodo anye andidiọọk me Setan, anye a-anamma afịd ederimbod ewuọ ekpọñ usʌñ. Emaetop anye eduọọk ke isọñ ye mme enyere amọ.

Adiyaara 13:2

Idiọọk unam ado a-ñkekịtte akebit ekpeikọd, ado anye akenie ñkpad nte anawịd ekpe, inua amọ anyʌñ abiod ake amon ekpeikọd. Drakọn amaayaak adudu amọ ye ebekpo amọ ye akwa adudu amọ anọ idiọọk unam ado.

Adiyaara 13:4

Mme awo emaekpono drakọn ado sia anye amaayaak ukara amọ anọ idiọọk unam ado. Ammọ emaenyʌñ ekpono idiọọk unan ami enyʌñ ebịp ebo, “Anie awo itie nte idiọọk unam! Anie awo ikeme edinwana ekọñ mme anye?”

Adiyaara 20:10

Ndin emaetop Setan a-akebiaañake ammọ esịn ke ibiok ikañ sọọfọ e-emaeketotop idiọọk unam ado mme nsu-nsu brọfed isịn. Eyaetʌkkọ ammọ uweemeayo mme akoneyo ke nsi-nsi nsi-nsi.

Adiyaara 20:7

Ke mme tọsịn isuakeed emaeboiyo, eyaesio Setan ke ñkpakọb amọ

Adiyaara 9:11

Adidem ammọ akedo enyere Abis, ami ke usem Ibru akekoodo Abadọn, ndin ke usem Krik ekekood Abọdiọn (awọọhọke adibiad ñkpọ).