Adiyaara 2:3 - Ñwed Abasi Ke Ikọ Ibibio Ayo Mfịn

³ Afo amenie ime anyʌñ abọ ukuud ke ntak anyịñ Mmi, ado ukpaaha mba.

Adiyaara 2:3 ပူးပေါင်းရင်းမြစ်များ

Maak 15:21

Saimọn, ete Adeksanda ye Rufọs, a-akedooho awo abio Sirin, akeato esịd abio ayem adisaña mboiyo, ammọ emʌm anye eyịk ete abiom krọs ado.

Eti Etob Naña Duk Awet 14:27

Ndin awo ake adodo a-mmiibenne krọs amọ iñkeene miin, ikemeke adido mbed mmi.

Eti Etob Naña Duk Awet 18:1

Ndin Yisọs atop ñke ami anọ mbed amọ adiwọt ammọ ufọn awo adibọñ akam afịd ini, iduọọhọ idodanyen tutu abọ se anye ayem.

Eti Etob Naña Duk Awet 21:19

Imaisọọñọ ida eyaenie uwem.

Eti Etob Naña Duk Awet 5:5

Saimọn abọọrọ anye ate, “Eteufọk, ñnyịn imaikpa utom afịd akoneyo ami, ado ikimʌmmọ ndomo ñkpọ keed. Ado sia adooho afo atañ, ñyaaduọk iyịre.”

Eti Etob Naña Duk Awet 8:15

Ado ñkpasi e-eduọññọke ke eti isọñ edoñño mbon e-enieeghe eti esịd, enie ime ye nsọọñọnda, ekop ikọ emʌm esịn ke esịd, enyʌñ enwịm nti mfịd.

Yọọn 15:21

Ammọ ediinam ntom mme ndufo ke ntak anyịñ mmi sia ammọ idiọọñọke andikindọñ miin.

Ñwed Mbon Rum 12:12

Ndufo idara ke idodanyen, inie ime ke ini afanikọñ, inyʌñ ibọñ akam afịd ini.

Ñwed Mbon Rum 16:12

Ekọọm Trifana mme Trifosa, mme ibaan ado e-enamma akpọsọñ utom ke Abọọñ. Ekọọm adima ufan mmi Besis, awonwaan mfen a-anamma akpọsọñ utom ke Abọọñ.

Ñwed Mbon Rum 2:7

Amaado mbon e-esịnne ifịk ke adinam nti ñkpọ, eyem ubọọñ, ukpono mme unana ñkpa ke nsi-nsi, anye ayaanọ nsi-nsi uwem.

Ñwed Mbon Rum 8:25

Ado akpedo ñnyịn idotto anyen ke se ñnyịn miinieeghe diin, ñnyịn inie ime ibet ñkpọ ado.

1 Kọrint 13:7

Afịd ini ima akpekpeme, anịm ke akpanikọ, anie idodanyen, anie nsọọñọnda.

1 Kọrint 16:16

yak esuuk iwuod enọ utọ mbon ami ye afịd awo se idian ubọk inam utom inyʌñ iwa idem.

2 Kọrint 10:15

Ñnyịn iboiyoke adaña ke ñnyịn adinam inua mbaña utom mbio mfen. Idodanyen ñnyịn ado, nte mbuọdidem ndufo akaaha iso akọt, mme adaña utom ñnyịn ke atu ndufo ayaakaiso atara;

2 Kọrint 11:23

Me ammọ edoñño mme asañautom Krais? (Ntañ nte awo iwuod aboiyoke.) Ami mmekan ammọ. Mmenam akpọsọñ utom ñkan ammọ, mba ke ufọk ñkpakọb uwak-uwak ini ñkan ammọ, emmia ata akpọsọñ-akpọsọñ ekan ammọ, ensio enọ ñkpa ndin-ndin.

2 Kọrint 4:1

Sia adooho ke mbọm Abasi, ñnyịn iminie utom ami adinam, esịd iduọọhọ ñnyịn.

2 Kọrint 4:16

Ke ntak ntom esịd iduọọhọ ñnyịn; ado akpesʌk ado naña ikpọkidem ñnyịn a-akpaaha, ke esịd-esịd, asʌk akappa ado ufa ke usen ke usen.

2 Kọrint 5:9

Ami anyʌñ asịn ñnyịn inwana, me iba ke ufọk ke ikpọkidem, me imikpọñ anye, adinem anye esịd.

2 Kọrint 6:5

ke ntiim, ke ñkpakọb, ke itie afai, ke akpọsọñ utom, ke utaba idap, ke ukpa abiọñ,

Kadesia 6:2

Ebiom mbiomo keed aken, ndin ke utọ usʌñ ami eyaenam ibed Krais ayọhọ-ayọhọ.

Kadesia 6:9

Yak ñnyịn ikuukpa mba ke adinam etiñkpọ, sia ke akem ini iyaidọk idọk, adieke ñnyịn mmisịñeke idem ikpọñ.

Fidibai 2:16

nte ndufo emʌmmọ ikọ uwem ami nọ ato do ami ñkan nnam asian ke usen Krais nte ke ñkefegheke, ñkenyʌññọ ñkpa utom ñkaña.

Fidibai 4:3

Ih, ñko mmenyʌñ mbeeñe ndufo nte ekop item andikeene ñkọñọ akpọnọ, nyaaña mme ibaan e-ekedaaha mme ami ke adinam utom eti etob, ye Kremen ye afịd mbon ñko e-eñkeeneke enam utom, a-adooho anyịñ ammọ mmọdo ke ñwed uwem.

Kodosi 1:11

esọọñọ idem ye afịd adudu a-asañake akekem ke akpakịp adudu, nọ ato do ndufo enie ekamba ediyọ mme ime, ndin ke inemesịd,

1 Tesadonia 1:3

Afịd ini ñnyịn imisitoiyo ndufo ke iso Abasi Ete ke abaña utom ndufo a-atooho ke mbuọdidem, akpọsọñ utom ndufo e-enamma ato ke ima, ye adibọ ke ime ndufo a-ademmeke ato ke idodanyen ke Abọọñ ñnyịn Yisọs Krais.

1 Tesadonia 2:9

Ke akpanikọ ndufo emetoiyo, nditọete, mme utom ye akpọsọñ ufen; ñnyịn ikinam utom akoneyo ye uweeme mbaak ato do ñnyịn idido mbiomo inọ awo ake adodo ke idaha ikwọrọke ikọ Abasi inọ ndufo.

1 Tesadonia 5:12

Idahami ñnyịn imikpeiye ndufo nditọete, ite enọ mbon e-enamma utom akpọsọñ ke atu ndufo ukpono, i-ikarake ndufo ke Abọọñ e-enyʌññọ inọ ndufo item.

2 Tesadonia 3:13

Ndin ndufo, nditọete, ikiiyak ikak ndufo adinam se ifọn.

2 Tesadonia 3:5

Yak Abọọñ adat esịd ndufo usʌñ ke ima Abasi ye nsịnifịk ke Krais.

2 Tesadonia 3:8

ñnyịn ikinyʌññọ idia ndidia awo ndomokeed ke ini ñnyịn mmiikikpeeghe awo ado akʌk. Utu ke ado, ikinam utom akon ye uweeme, itịñ anyen inam akpọsọñ utom mbaak ato do ñnyịn idido mbiomo inọ awo ndomokeed.

1 Timoti 4:10

Ke ntak ami ke ñnyịn ikpa utom, inyʌñ inwanake adikọọñ idodanyen ñnyịn ke ndu-ndu Abasi, a-adooho Andinyaaña anọ afịd awo, akpan-akpan mme andinịm ke akpanikọ.

1 Timoti 5:17

Mme ikpọawo ufọkabasi e-ekamake utom ufọkabasi afọn edot eti ukpono, akpan-akpan mbon e-esịnne ifịk ke adikwọrọ ikọ ye edikpekpeep.

Ibru 10:36

Ana ndufo esọọñọ eda esịn idem nọ ato do ke ini emaenam uduak Abasi, ndufo ebọ se anye akenwọñọ.

Ibru 12:1

Ndin sia utọ akwa udịm mme ntiense ami ikannake ñnyịn akʌk, yak ñnyịn itoomo afịd mme ñkpọ e-esibiọñọke ñnyịn iduọọñọ, nduọhọ a-asiñyʌññọ imʌm ñnyịn ukad iduọọñọ, ñko yak ñnyịn isịn ifịk ifeghe itọk mbuba e-ekemekke inọ ñnyịn.

Ibru 13:13

Yak ñnyịn, ndin, ika ibịne anye ke esiin inuaatob abio; ibọ esuenne a-anye akebọọhọ.

Ibru 6:10

Abasi inieeghe ukwañ esịd; anye ikemeke adifre mme utom ndufo ye ima a-ndufo ewọttọ anye kpa nte ndufo emaekenyaaña nditọ amọ ndin enyʌñ esʌk eka iso enyanyaaña ammọ.

Ibru 6:12

Ñnyịn iyemme ndufo ekappa ifu, ado edubọiyọ mbon e-eduuho ke mbuọdidem ye ime, ammọ ebọ inie a-Abasi amaakenwọnwọñọ.

Ibru 6:15

Ndin ke emaekebet ke ime, Ebraham amaabọ se Abasi akenwọñọ anọ anye.

2 Bita 1:6

ke ifiọk, idian mfadidem, ke mfadidem, idian adibọ ke ime; ke adibọ ke ime, idian uteñe, Abasi;

Adiyaara 1:9

Ami Yọọn, ayịnete ye nsaña ndufo ke edibọ ukuud ke ntak abio ubọọñ mme ediyọ ke ime a-adooho ake ñnyịn ke Yisọs, ñkeba ke isuọ Badmus ke ntak ikọ Abasi mme ntiense abañake Yisọs.

Adiyaara 3:10

Sia afo amenịm ewʌhọ Mmi ke edibọ ke ime, Ami ñyaanyʌñ umʌm fiin ñkamake ini ñnyeeñe a-abooho idisịm afịd ederimbod nọ adidomo mbon se idʌñ ke isọñ.