Adiyaara 2:16 - Ñwed Abasi Ke Ikọ Ibibio Ayo Mfịn

¹⁶ Kappa esịd! Mmiidooho ntodo, ñyaadi ubịne fien usọp-usọp, ndin ñyaañwana ye ammọ mme eduad a-ansịneke miin ke inua.

Adiyaara 2:16 ပူးပေါင်းရင်းမြစ်များ

Efisọs 6:17

Ibenne itam adinyaaña iyara, ye akañkañ sịbidịd, a-adooho ikọ Abasi.

2 Tesadonia 2:8

Ndin eyaeyaara anye abiad ibed, a-Abọọñ Yisọs adidoro iduọọk itọ ke inweek a-awuọọhọ anye ke inua ndin anyʌñ abiad anye ato ke uyamma adidi amọ.

Adiyaara 1:16

Ke ubọk nnasia amọ anye amaakama ntantaafiọñ itiaba, ndin ke inua amọ anye amaafịbe iso edem iba eduad a-asọppọ tutu. Iso amọ akeyamma nte utịn a-ayamake ata akpọsọñ-akpọsọñ.

Adiyaara 16:9

Idem ammọ amaayaaña ato ke akpọsọñ ufiop, ndin ammọ emaesueeñ anyịñ Abasi, Andikara mme unọmọ ado, ado ammọ emaesịn adikappa esịd ñnyʌñ nnọ anye ubọọñ.

Adiyaara 19:15

Akañkañ a-asọppọ afịbe anye ke inua ma anye adat akpi mme idịd. “Anye ayaakara ammọ ye esañ ukwak.” Anye ado andidioho unuak ukọd iyadesịd ye ifiopesịd Abasi Andikpon Ñkan.

Adiyaara 19:21

Mbon se ikisʌhọ emaewood ye akañkañ a-akewuọọhọ ke inua andikiwat enañ mbakara, ndin afịd mme inuen emaeta eyʌkkọ ke abʌk ammọ.

Adiyaara 2:12

“Wet ndin nọ enyere ake ufọkabasi Bekamọm: Ami ado mme ikọ anye a-akamake asọp iso iba eduad.

Adiyaara 2:5

Toiyo ndin ñkoñkoñ idaha a-afo aduọọhọ akpọñ! Kappa esịd nyʌñ tịmme kenam mme akpa utom a-afo akesinamma. Mmuukappake esịd, ñyaadubịne ndidooro eto kandịd mfo nsio ke itie amọ.

Adiyaara 22:20

Anye a-atañña mme ikọ ntiense ami abo, “Ih, Ami nsʌk nsọp ndi.” Amen. Di, Abọọñ Yisọs.

Adiyaara 22:7

“Sese, Ami nsʌk nsọp ndi! Afọfọn anọ awo a-anịmme mme ikọ brọfesi adọñọke ke ñwed ami.”

Adiyaara 3:19

Mbon a-ami mmaaha ke ami nsua ñkpọ nnọ nnyʌñ nntʌnọ. Ke ntodo, fọn ma nyʌñ kappa esịd.