Adiyaara 15:2 - Ñwed Abasi Ke Ikọ Ibibio Ayo Mfịn

² Ndin mmaakịt se ikitie nte akpa mmọọñ kraasi a-abuaahake mme ikañ, mbon e-ekedaaha ediana akpa mmọọñ ado ekedo mbon e-emaekekan idiọọk unam mme mbiod amọ ye nọmba anyịñ amọ. Ammọ emaekaama ndido a-Abasi akenọọhọ ammọ

Adiyaara 15:2 ပူးပေါင်းရင်းမြစ်များ

Matiu 3:11

“Ami ñkama mmọọñ nnịm ndufo uduọkmmọọñ nte yak ekappa esịd. Ado anye a-adiidi ke ini iso akpon ankan, ndotto adisiooño anye ikpaukod ke ukod. Anye adikama Adisana Sịbidịd ye ikañ iduọk ndufo mmọọñ.

1 Bita 1:7

Mme ñkpọ ami adi ma mbuọdidem ndufo, asọññọ udua akan kood, a-abiarake akpesʌk ado edommo ke ikañ, akpewuọ ado ñkpọ itooro, ye ubọọñ ye ukpono inọ ndufo ke ini Yisọs Krais adiyaara idem.

1 Bita 4:12

Ndima mme ufan, ekiiyak idem ikpa ndufo ke ikañ-ikañ ufen a-asịmme ndufo, nte ebo ke asen ñkpọ atịppe inọọ ndufo.

Adiyaara 12:11

Ammọ emaekan anye ke iyiib Ayịn Edọñ mme ke ikọ ntiense ammọ; ammọ ikimaaha uwem ammọ ikisịm itie adisịk idem nsio mbaak ñkpa.

Adiyaara 13:1

Ndin drakọn ado amaada ke mben akpa inyañ. Ndin ami mmaakịt naña idiọọk unam awuọ ke akpa inyañ. Anye akenie nnʌk duop mme iwuod itiaba, ntinya duop enyʌñ edudot ke mme nnʌk duop ado, ndin ke iwud keed-e-keed emaewet anyịñ isuuñọ.

Adiyaara 13:14

Ato ke ntak mme idiọọñọ ami a-anye akenaññake ke iwuod akpa idiọọk unam, anye amaabiaaña mme andidʌñ ke ederimbod. Anye amaanyịk ammọ ate ebot ubobod ñkpọ ke mbiod mme ke ukpono akpa idiọọk unam emaekenọ unan ke akañkañ ado anye asʌk adodu uwem.

Adiyaara 13:17

mbaak awo ndomokeed adikan adep me anyam ñkpọ ibọọhọke anye anie idiọọñọ a-adooho anyịñ idiọọk unam mme ibad anyịñ amọ.

Adiyaara 21:18

Ekenam ndibene ke yaspa, abio ke idem amọ ekebọp ke ata kood a-akeyamake nte kras.

Adiyaara 4:6

Ñko ke iso ebekpo ado ñkpọ nte inyañ kraasi, ayamma nte kristad. Ndin ke ufọọd ebekpo mme ñkanñkʌk amọ akedo mme aduuwem ñkpọ inaañ, e-ekeyọhọke mme anyen ke iso mme edem.

Adiyaara 5:8

Ke anye amaakebọ ikpañwed ado, mme aduuwem ñkpọ inaañ ye mme ñyobioawo edịp mme inaañ emaeduọññọ ke iso Ayịn Edọñ. Afịd ammọ keed-e-keed emaekaama ndido mme usan nte kood e-eyọhọke mme insensi e-edoññoke akam inua mme ndisana ikot Abasi.