Adiyaara 14:3 - Ñwed Abasi Ke Ikọ Ibibio Ayo Mfịn

³ Ndin ammọ emaekwọ ufa ikwọ ke iso ebekpo ye ke iso mme aduuwem ñkpọ unam inaañ ye mme ñyobioawo ado. Awo ndomokeed ikikanna ikpeeb ufa ikwọ ado ibọhọke mme awo 144,000 ado e-emaekefak esio ke ederimbod.

Adiyaara 14:3 ပူးပေါင်းရင်းမြစ်များ

1 Kọrint 1:18

Sia etob krọs ado ndisịme anọ mbon nsobo, ado ñnyịn e-enyaañake anye ado adudu Abasi.

1 Kọrint 2:14

Awo mmiinieeghe Sịbidịd ibọọhọ ñkpọ a-atooho Sịbidịd Abasi sia atie anye ndisịme-ndisịme, ñko ikanna inwaña anye sia ediọọñọ mme ñkpọ ami eto Sịbidịd.

Adiyaara 14:1

Ndin mmaase ñnyʌñ ñkịt Ayịn Edọñ naña ada ke iso mmi ke Abod Sayọn ye mme awo 144,000 e-emaekewet anyịñ Ayịn Edọñ mme anyịñ Ete amọ ke mme akpọiso ammọ.

Adiyaara 15:3

enyʌñ ekwọ ikwọ Moses, isʌñutom Abasi, mme ikwọ Ayịn Edọñ, “Mme adinam mfo akpoon anyʌñ adoñño utịbe ñkpọ, Abọọñ Abasi Andikpon Ñkan. Mme usʌñ mfo enen enyʌñ edoñño akpanikọ, Adidem mme idịd.

Adiyaara 2:17

Anye a-anieeghe utọñ yak anye akop se Sịbidịd adọkkọ mme ufọkabasi. Anye a-akanna ñyaanọ anye usʌk ndedịbe mana. Ñyaanyʌñ nnọ anye afia itiad ye ufa anyịñ a-adiiwere ke itiad ado, adooho awo andibọ ikpọọñ adidiọọñọ.

Adiyaara 5:9

Ndin ammọ emaekwọ ufa ikwọ ete: “Afo amedot adibọ ikpañwed, ñkʌppọ ñwed nyʌñ mbom mme ufiikñkpọ amọ, sia emaekuwowot Fiin ndin Afo amaadat iyiib mfo adep uduod awo asio ke mme aduuk, ubon awo, ye usem, ye idịd ayaak anọ Abasi.

Adiyaara 7:4

Ndin ami mmaakop ibad mbon emaekenịm ammọ idiọọñọ: ekedo 144,000 e-eketooho afịd ubon nditọ Isred.