Adiyaara 13:5 - Ñwed Abasi Ke Ikọ Ibibio Ayo Mfịn

⁵ Emaenọ idiọọk unam ami inua aditañ mme ikọ asian-asian ye mme ikọ isuuñọ ye edidat ukara, ke afiọñ aba ye iba.

Adiyaara 13:5 ပူးပေါင်းရင်းမြစ်များ

2 Tesadonia 2:3

Ikiiyak awo ndomokeed ibiaaña ndufo ke usʌñ ndomokeed, sia usen ado idiidiighe tutu ndutịme aba ndin eyaara awo abiad ibed, awo a-anaaha nsobo asịm anye.

2 Tesadonia 2:4

Anye ayaabiọñọ ndin anyʌñ abenne idem amọ ke anyọñ akpon akan afịd ñkpọ e-ekoodo Abasi me se ekpono, ñko anye ayaaben idem amọ adod ke tembịd Abasi, anyʌñ atọt idem amọ nte Abasi anwa-anwa.

2 Tesadonia 2:8

Ndin eyaeyaara anye abiad ibed, a-Abọọñ Yisọs adidoro iduọọk itọ ke inweek a-awuọọhọ anye ke inua ndin anyʌñ abiad anye ato ke uyamma adidi amọ.

Adiyaara 11:7

Idahami ammọ emaeketañ ikọ ntiense ammọ ema, idiọọk unam a-asiwuọhọ ato Abis adi, ayaawuọ adinwana ekọñ mme ammọ akan ammọ anyʌñ awood ammọ.

Adiyaara 12:14

Emaenọ awonwaan ado mba ekamba nturukpuum iba nọ anye akan afuuro aka itie e-ekediọọññọ enịm enọ anye ke akpa ntatan, itie e-ediise anye anyen ke etək ini ye ubaak, mbaak idiọọk udʌkikọd ado adisịme anye.

Adiyaara 12:6

Awonwaan ado amaafeghe anyọñ akpautatan, itie a-Abasi akediọññọ anịm anọ anye, e-ediise anye anyen inyʌñ ikama anye ke mme usen tọsịn keed mme ikie iba mme ata (1,260).

Adiyaara 13:7

Emaenyʌñ enọ anye adudu adinwana ekọñ ye mme ndisana ikot Abasi ñnyʌñ ñkan ammọ. Ñko emaenọ anye adudu adikara afịd ubon awo, aduuk, usem mme idịd.