Adiyaara 13:3 - Ñwed Abasi Ke Ikọ Ibibio Ayo Mfịn

³ Keed ke atu mme iwuod idiọọk unam ado aketie nte akenie ata ekamba unan a-akpekekemeke iwot anye, ado unan ado amaakpa. Idem amaakpa afịd ederimbod ndin ammọ enyʌñ ekeene idiọọk unam ami.

Adiyaara 13:3 ပူးပေါင်းရင်းမြစ်များ

Eti Etob Naña Duk Awet 2:1

Akekem ke idaha ukara Sisa Akọstus, anye amaanịm ewʌghọ yak enam ubadawo ke afịd ekondo ñkañ Rum.

Yọọn 12:19

Anam mme Farisi ebo idem ammọ ete, “Sese, ñkpọ ami idatta ñnyịn ika itie ndomokeed. Se naña afịd ederimbod ewọññọ ebịne anye.”

Utom 8:13

Saimọn ke idem amọ amaanịm ke akpanikọ anyʌñ abọ uduọkmmọọñ. Anye amaakeene Fidib aka afịd itie, idem amaanyʌñ ikpa anye ke adikịt mme ikpọ utom idiọọñọ ye utịbe ñkpọ e-ekedatta itie.

Adiyaara 13:12

Anye akekama ukara anọ akpa idiọọk unam akenamma ederimbod ye mme andidʌñ ke esịd ekpono akpa idiọọk unam ami, e-ekamba unan iwuod amọ amaakekpa.

Adiyaara 13:14

Ato ke ntak mme idiọọñọ ami a-anye akenaññake ke iwuod akpa idiọọk unam, anye amaabiaaña mme andidʌñ ke ederimbod. Anye amaanyịk ammọ ate ebot ubobod ñkpọ ke mbiod mme ke ukpono akpa idiọọk unam emaekenọ unan ke akañkañ ado anye asʌk adodu uwem.

Adiyaara 17:10

Ammọ enyʌñ edoñño mme ndidem itiaba. Ition eduọññọ, keed mmọdo, anye ako idieeghe diin; ado anye amaadi, ana adiba ke etək-etək ini.

Adiyaara 17:11

Idiọọk unam ado a-akebaaha ini keed koo, a-mmiibaaha idahami aba, ado ayọhọ edidem itiaita. Anye asịne ke atu itiaba ado ndin ayaaka nsobo amọ.

Adiyaara 17:13

Ammọ enie uduak keed ndin eyaeyaak adudu mme ukara ammọ enọ idiọọk unam.

Adiyaara 17:17

Sia Abasi asịn ke esịd ammọ ate ammọ enam uduak amọ ema ke edinyịmme edinọ idiọọk unam ami adudu adikara, tutu ikọ Abasi adisu.

Adiyaara 17:6

Ami mmaakịt ke iyiib mme ndisana ikot Abasi amaanaam awonwaan ami, iyiib mbon e-eketieeghe ikọ ntiense enọ Yisọs. Ke mmaakekịt anye, idem amaañkpa tutu.

Adiyaara 17:8

Idiọọk unam a-afo akekịtte, a-amaakebaba ini keed ko, ibaaha aba idahami, ndin ayaawuọ ato Abis adinọ anye adʌk nsobo amọ. Mbon e-edʌñọke ke ederimbod e-emiikiwette anyịñ ammọ ke ñwed uwem tọọñọ ke aditọọñọ ederimbod eyaeba ke ata ñkpaidem ke ini ammọ ediikịt idiọọk unam ado, sia ini keed anye ama aba, idahami anye ibaaha, ado ayaamaana adi.