Adiyaara 12:9 - Ñwed Abasi Ke Ikọ Ibibio Ayo Mfịn

⁹ Emaetop ekamba drakọn eduọọk ke isọñ, akaan udʌkikọd ado e-ekoodo anye andidiọọk me Setan, anye a-anamma afịd ederimbod ewuọ ekpọñ usʌñ. Emaetop anye eduọọk ke isọñ ye mme enyere amọ.

Adiyaara 12:9 ပူးပေါင်းရင်းမြစ်များ

Matiu 13:39

ndin awo usua a-aketọọhọ mbiod ado Setan ke idem amọ. Ini idọk ado utịd ederimbod ami, ndin mme adọkidọk edoñño mme enyere.

Matiu 24:24

Uwak nsu-nsu Mesaya ye mme brọfed nsu eyaewọọñọ edi edinañña mme akwa idiọọñọ ye ñkpọntịbe mbaak ebiaaña kpa ye mbio emaekemeemek, akpedo ñkpọ ntodo akeme itịppe.

Matiu 25:41

“Ndin anye ayaabo mbon e-ebaaha ke ubọk ufien amọ ate, ‘Indaaña ke iso, mme isuuñọ ndufo ke idem, ika ke ikañ nsi-nsi e-ekebarake enịm enọ setan ye mme enyere amọ.

Matiu 4:1

Akem Sịbidịd adiben Yisọs aka ke akpautatan nọ setan adomo anye idomo.

Matiu 4:10

Yisọs abọọrọ anye ate, “Dakka ñkpọñ miin Setan! Sia ewet ete: ‘Kpono Abọọñ Abasi mfo nyʌñ nam ñkpọ nọ anye ikpọọñ-ikpọọñ.’ ”

Matiu 4:5

Ndin setan aben anye aka adisana abio anyʌñ anam anye ada ke itie se ikoñ ikan ke tembịd,

Matiu 4:8

Setan amaana aben anye aka ata ñkoñ-ñkoñ abod anyʌñ awọt anye afịd-afịd abio mme ndidem ke afịd ederimbod ye akwa uyai ammọ.

Eti Etob Naña Duk Awet 10:18

Anye ate ammọ, “Mmaakịt Setan naña ato ke ikpaanyọñ adiduọ nte akepkep.

Eti Etob Naña Duk Awet 13:16

Ado ikpinaaha ekpọk awonwaan ami eyak, ayịn awonwaan Ebraham, a-Setan asịne ke ukad ke afịd isua duob ye itiaita ami ke usen Sabad?”

Eti Etob Naña Duk Awet 22:3

Akedikem Setan amaadʌk esịd Yudas Iskariọd a-akedooho keed ke atu mme ibed Yisọs duob ye iba.

Eti Etob Naña Duk Awet 22:31

Yisọs ndin abo Saimọn, “Saimọn, Saimọn, Setan amaayem naña ukeñ fiin nte awo akeñ abakpa.

Eti Etob Naña Duk Awet 8:12

Mbon eduọññọke ke akpọusʌñ edoñño mbon e-ekoppo, ado andidiọọk adisio ikọ ado ke esịd ammọ, nọ ato do ammọ ikiinịm, inyʌñ ibọ adinyaaña.

Yọọn 12:31

Ini ubiire ikpe nnọ ederimbod ami akem; idahami eyaebịn akpan abọọñ ederimbod ami esio.

Yọọn 14:30

Ami ndiitañña uwak ikọ ye ndufo ñkan ado aba sia idiọọk adidem ederimbod ami asʌk adi. Anye inieeghe adudu ke idem mmi,

Yọọn 16:11

ñko ke ntak ubiireikpe sia ayịn abọọñ isọñ ami aba ke ubiomikpe.

Yọọn 8:44

Ndufo eto ete ndufo, a-adooho setan, ñko ndufo eyem adinam uduak ete ndufo. Anye akedo awodawo tọọñọ ke editọọñọ, akenam anye itañña akpanikọ, sia mbeñe akpanikọ keed ibaaha anye ke idem. Anye amaasʌhọ nsu, anye ado asaña akekem ke ata uduod amọ, sia anye ado asʌhọ nsu, ado ete akpaimọ nsu.

Utom 26:18

aketat ammọ anyen anyʌñ anam ammọ ekappa ekpọñ akịm ebịne unwana, ekpọñ adudu Setan, ebịne Abasi, nọ ammọ ebọ adifeen ke mme idiọọkñkpọ ye itie ke atu mbon e-emaenam esana ato ke mbuọdidem ke ami.’

Utom 5:3

Do ke Bita akeabo anye, “Ananayas, asaña die ayaak Setan anekke udʌk esịd tutu afo asʌghọ nsu anọ Adisana Sịbidịd, anyʌñ amʌm ubaak akʌk a-akenyamma isọñ anịm anọ idem mfo?

Ñwed Mbon Rum 16:18

Sia utọ ibon ado inamma ñkpọ inọ Abọọñ Krais, ado enam enọ idọọk itọñ ammọ. Ke ñkara utañ ikọ ye nnem inua ammọ ebiaaña mbon enieghe mfefeere esịd e-mmidiọọñọke.

Ñwed Mbon Rum 16:20

Abasi emem ayaasọp inuak Setan ke idak ukod ndufo. Yak mfọn Abọọñ Yisọs aba mme ndufo.

2 Kọrint 11:14

Idooho ñkpọ ñkpaidem, sia Setan ke idem amọ afʌhọ ñkpọ ma anye atie nte enyere unwana.

2 Kọrint 11:3

Ado mmenie ndịk sia naña udʌkikọd akebiaaña Iif ke ñkara, kpa ntodo ke esịd ndufo akeme adiwuọ ñkpọñ akpanikọ ye eti ido ke Krais.

2 Kọrint 12:7

Sia se eyaara ennọ miin akpon eti-eti, ke ntodo, mbaak ndiwọt idem mbọhọ, emaensịn miin ñkukịm ke abʌkidem, enịm isʌñutom Setan adintuai.

2 Kọrint 2:11

mbaak Setan adikan ñnyịn ubọk ke baaba usʌñ ndomokeed; sia ñnyịn miinanake ifiọk ibaña ñkara amọ.

2 Kọrint 4:4

Abasi ayo ami amaanam ekike mbon e-emmiinịmme ke akpanikọ akịm, mbaak unwana eti etob ubọọñ Krais, a-adooho mbiod Abasi, adiyamma anọ ammọ.

Efisọs 4:14

Ke ntodo ñnyịn idiidooho nsek nditọ a-adooho afịm anək aka edem anək aka iso, anyʌññọ ado afuud adi mi afuud aka ko, ke afịd afịm ukpeeb ye afịd ñkara ye ndukanna mme awo ke nsu ammọ.

2 Tesadonia 2:3

Ikiiyak awo ndomokeed ibiaaña ndufo ke usʌñ ndomokeed, sia usen ado idiidiighe tutu ndutịme aba ndin eyaara awo abiad ibed, awo a-anaaha nsobo asịm anye.

1 Timoti 2:14

Idooho Adam ke ekebiaaña, ado awonwaan ke setan akebiañña, anyʌñ anam anye ado anam idiọọk ñkpọ.

2 Timoti 3:13

Ado ndiọi awo ye mme anam abiaaña, eyaekaka iso ediọi ekan, enyʌñ eka iso ebiaaña awo, mme awo enyʌñ ebiaaña ammọ.

Ibru 2:14

Sia nditọ enieehe abʌk ye iyiib, anye ñko awuana ke uduod awo, nọ ato ke ñkpa amọ anye abiad anye a-akamake adudu ñkpa, a-adooho, andidiọọk,

1 Bita 5:8

Inie mfadidem, inyʌñ ikpeme. Asua ndufo, setan ayoyo nte ekpe akuun ayem awo se anye ata.

1 Yọọn 5:19

Ñnyịn imidiọọñọ ke ñnyịn ido nditọ Abasi ñko ke ukeed-ukeed ñkpọ ke iso isọñ asịne ke ukara andidiọọk.

Ñwed Yud 1:9

Ado Maiked, ekamba enyere ado, ke akenwanake ye setan ke ini anye anieghe eniin abaña akpo Moses, ikideiyedei isueñ setan ke ikpe, ado akebo, “Abọọñ asua unọ fiin!”

Adiyaara 12:12

Ke ntodo edaara, mme ikpaanyọñ mme ndufo edʌññọ ke esịd! Ado adọdiọọk anọ isọñ mme inyañ, sia andidiọọk asọiyọ ibịne ndufo! Anye ayọhọ ye ifiobesịd sia adiọọñọ abo ke ini imọ adisʌhọ etək-etək.”

Adiyaara 12:3

Ndin idiọọñọ mfen amaawuọ ada ke abio ubọọñ Abasi: ata ekamba ndad-ndad drakọn a-akenieeghe iwuod itiaba mme nnʌk duop ye ntinya itiaba ke mme iwuod amọ.

Adiyaara 12:7

Ndin ekọñ amaasakka ke abio ubọọñ Abasi. Maiked ye mme enyere amọ emaenwana ye drakọn ado, ndin drakọn ado ye mme enyere amọ enyʌñ enwana ye ammọ.

Adiyaara 12:8

Ado anye drakọn ikisọññọ adudu ikem, ndin anye amaaduọọk itie ammọ ke abio ubọọñ Abasi.

Adiyaara 13:14

Ato ke ntak mme idiọọñọ ami a-anye akenaññake ke iwuod akpa idiọọk unam, anye amaabiaaña mme andidʌñ ke ederimbod. Anye amaanyịk ammọ ate ebot ubobod ñkpọ ke mbiod mme ke ukpono akpa idiọọk unam emaekenọ unan ke akañkañ ado anye asʌk adodu uwem.

Adiyaara 16:14

Ammọ edoñño mme sịbidịd ndiọi sịbidịd e-enaññake mme ñyọ-ñyọ idiọọñọ, ndin ammọ ewuọọñọ ebịne mme ndidem afịd ederimbod edikoono ammọ nọ edinwana ekọñ ke ekamba usen Abasi Andikan Ñkan.

Adiyaara 18:2

Anye amaabọñ ke akpọsọñ uyo ate: “ ‘Aduọ! Ekamba Babidọn aduọ!’ Anye adido itie idʌñ ndiọi sịbidịd mme nde mme ndiọi sịbidịd ekaiyake, itie mme afịd ndiọi ye mme ndubiam inuen ekaiyake, itie ndedek unam.

Adiyaara 18:23

Ñko awo idiinyʌññọ ikịt aba unwana ikañ a-atooho utuenikañ naña ayama uto fiin, awo idiikoppo uyo ebendọ ye eke anwaan ndọ aba. Mme anyam udua mfo akekpoon ekan afịd awo ke ederimbod. Ato ke ntak mme ifọd mfo afịd mme idịd emaewakka ekpọñ usʌñ.

Adiyaara 19:20

Ado emaemʌm idiọọk unam, ye nsu-nsu brọfed e-ekesinamma mme utịbe idiọọñọ ke iwuod amọ. Mme idiọọñọ ado ke anye akesikama ayaañ mbon e-ekebọọhọ idiọọñọ idiọọk unam enyʌñ ekpono mbiod amọ. Emaetop ammọ awo iba edọñ ke ibiok ikañ sọọfọ.

Adiyaara 2:13

Ami mmediọọñọ itie nte afo adʌñ–itie a-Setan anịmme ebekpo amọ. Ado afo amemʌm anyịñ mmi akama. Ukunyʌññọ ukañ ikọ mmi, kpa ke ini Antipas, ata akpan ntiense mmi, e-ekewotto ke abio ndufo, ke itie idʌñ Setan.

Adiyaara 2:24

Ado idọkkọ ndufo mbon sisʌghọ ke Tiatira e-esịnne edu ukpeeb amọ, mmiinyʌññọ ikpeeb ndubio ndutəño ifiọk Setan, ‘Ami ndiinọọhọ ndufo mbiomo mfen ñkan ami.

Adiyaara 2:9

Ami mmediọọñọ mme ukuud mfo ye uweene mfo–ado afo ado imọ! Mmediọọñọ mme ndubiam mbon e-ebooho ke idoñño mme Yuu ke ini ammọ mmiidoññoke, ado edoñño itie ubọñ akam Setan.

Adiyaara 20:10

Ndin emaetop Setan a-akebiaañake ammọ esịn ke ibiok ikañ sọọfọ e-emaeketotop idiọọk unam ado mme nsu-nsu brọfed isịn. Eyaetʌkkọ ammọ uweemeayo mme akoneyo ke nsi-nsi nsi-nsi.

Adiyaara 20:8

ndin anye ayaawuọ akebiaaña mme idịd ke mbeñ inaañ ederimbod, Kọk ye Makọk, adikoono ammọ mbon itie keed nọ enwana ekọñ. Ke ibad, ammọ ewak nte ntan ke mben inyañ.

Adiyaara 3:9

Ami ñyaanam mbon e-edoññoke ake itie ubọñ akam Setan, e-ebooho ke mmimọ idoñño mme Yuu ado idoññoke, mme asʌhọ nsu–yaanam ammọ ediduọọñọ ke ukod mfo ke ukpono enyʌñ enyịmme anwa-anwa ke Ami mmuma fiin.

Adiyaara 9:1

Enyere ayọhọ ition amaafịt adukpəñ amọ, ndin ami mmañkịt ntantaafiọñ a-amaaketo ikpaanyọñ ididuọ ke isọñ. Emaenọ ntantaafiọñ ado ukpọhọde Abis.

Adiyaara 9:20

Mbon awo se ikisʌhọ amme a-unọmọ ami mmiikiwotto ikisʌkkọ ikakappa esịd ibaña mme ubọkutom ammọ; ammọ ikitreke adikpono ndiọi sịbidịd, ye mme ubobod ñkpọ kood, sịrifa, brọnsi, itiad ye eto, mme ubobod ñkpọ e-emiikanna ikịt usʌñ, ikoppo ikọ, inyʌññọ isaña isañ.