Adiyaara 12:4 - Ñwed Abasi Ke Ikọ Ibibio Ayo Mfịn

⁴ Isịm amọ amaakwọọk keed ke ubaak ita mme ntantaafiọñ e-ewuọọñọke ke ikpaanyọñ eduọọñọ ke isọñ. Drakọn ado amaada ke iso awonwaan ado a-akeyemme adiman ayịn, nọ ayịn ado amaasʌk amamana anye aben amen.

Adiyaara 12:4 ပူးပေါင်းရင်းမြစ်များ

Yọọn 8:44

Ndufo eto ete ndufo, a-adooho setan, ñko ndufo eyem adinam uduak ete ndufo. Anye akedo awodawo tọọñọ ke editọọñọ, akenam anye itañña akpanikọ, sia mbeñe akpanikọ keed ibaaha anye ke idem. Anye amaasʌhọ nsu, anye ado asaña akekem ke ata uduod amọ, sia anye ado asʌhọ nsu, ado ete akpaimọ nsu.

1 Bita 5:8

Inie mfadidem, inyʌñ ikpeme. Asua ndufo, setan ayoyo nte ekpe akuun ayem awo se anye ata.

Adiyaara 12:7

Ndin ekọñ amaasakka ke abio ubọọñ Abasi. Maiked ye mme enyere amọ emaenwana ye drakọn ado, ndin drakọn ado ye mme enyere amọ enyʌñ enwana ye ammọ.

Adiyaara 12:9

Emaetop ekamba drakọn eduọọk ke isọñ, akaan udʌkikọd ado e-ekoodo anye andidiọọk me Setan, anye a-anamma afịd ederimbod ewuọ ekpọñ usʌñ. Emaetop anye eduọọk ke isọñ ye mme enyere amọ.

Adiyaara 13:2

Idiọọk unam ado a-ñkekịtte akebit ekpeikọd, ado anye akenie ñkpad nte anawịd ekpe, inua amọ anyʌñ abiod ake amon ekpeikọd. Drakọn amaayaak adudu amọ ye ebekpo amọ ye akwa adudu amọ anọ idiọọk unam ado.

Adiyaara 13:4

Mme awo emaekpono drakọn ado sia anye amaayaak ukara amọ anọ idiọọk unam ado. Ammọ emaenyʌñ ekpono idiọọk unan ami enyʌñ ebịp ebo, “Anie awo itie nte idiọọk unam! Anie awo ikeme edinwana ekọñ mme anye?”

Adiyaara 16:13

Ndin mmaakịt mme ndiọi sịbidịd ita e-ekebitte mme mfuọd; ammọ ekewuọọñọ ke inua drakọn, ewuọọñọ eto inua idiọọk unam ye mme asʌhọ nsu brọfed.

Adiyaara 17:18

Awonwaan a-afo akekịtte do ado ekamba abio a-akarake mme ndidem ederimbod.”

Adiyaara 20:2

Anye amaamʌm drakọn, akaan udʌkikọd ado, a-adooho andidiọọk, me Setan, anyʌñ akọp anye ke isua tọsịn keed.

Adiyaara 8:10

Ayọhọ enyere ita amaafịt adukpəñ amọ, ndin ata ekamba ntantaafiọñ a-akeyammake nte tọọsidaid amaato ikpaanyọñ adiduọ ke akpa mmọọñ ayọhọ ubaak ita.

Adiyaara 8:11

Anyịñ ntantaafiọñ ado akedo Wọọmwụụd. Ayọhọ ubaak keed ke itie ita mme mmọọñ emaekappa edodoro ndin uwak awo se ikiñwọñ emaekpañña eto naña mmọọñ ado akedoro.

Adiyaara 8:12

Ayọhọ enyere inaañ amaafịt adukpəñ amọ, ndin emaetuak ayọhọ ubaak keed ke itie ita utịn, ayọhọ ubaak keed ke itie ita afiọñ mme ayọhọ ubaak keed ke itie ita ntantaafiọñ tutu ayọhọ ita amọ ukeed adido abubịd. Ayọhọ ubaak ita usen ado ikinieeghe unwana, Ayọhọ ubaak keed ke itie ita akoneyo ñko ikinieeghe unwana.

Adiyaara 8:7

Akpa enyere amaafịt adukpəñ amọ ndin edịm itiad a-asañake mme ikañ ye iyiib amaadep, ekenam afịd mme ñkpọ ami aduọkkọ ke ederimbod. Ubaak ederimbod keed ke atu ita amaata ikañ akweeñe, ubaak keed ke atu ita mme eto emaenyʌñ eta ikañ ekweeñe, afịd mme awawa mbid emaenyʌñ esak ekweeñe.

Adiyaara 8:8

Ayọhọ enyere iba amaafịt adukpəñ amọ. Emaetop ñkpọ a-akebaaha nte ata ekamba abod a-adooho asʌk asak ikañ asịn ke inyañ. Ubaak inyañ keed ke atu ita amaakappa ado iyiib.

Adiyaara 8:9

Ubaak keed ke atu mbaak ita ke atu afịd ñkpọ se ikidu uwem ke esịd inyañ emaekpañña, ndin ñko ubaak keed ke atu mbaak ita ubom emaebiaaña ke inyañ.

Adiyaara 9:10

Ammọ emaenieeñe nsịm mme ntoob nte mba-mba, ndin nsịm ammọ emaenieeñe adudu aditʌkkọ mme awo ke afiọñ ition.

Adiyaara 9:19

Adudu mme enañ mbakara ami ekesịne ke inua mme nsịm ammọ; sia mme nsịm ammọ ekebañña nte udʌkikọd e-enieeñeke iwuod ammọ ekamake enọọñọ mme awo unan.