Adiyaara 11:9 - Ñwed Abasi Ke Ikọ Ibibio Ayo Mfịn

⁹ Ke usen ita mme ibio, afịd ubon awo, aduuk, usem ye idịd eyaekaiso ese akpo ammọ enyʌñ esịn adibuuk.

Adiyaara 11:9 ပူးပေါင်းရင်းမြစ်များ

Matiu 7:2

Sia naña afo abiom awo ikpe, ntodo ke eduubiom fiin ikpe, ñko se adodo ndufo edomoke enọ awo, kpa ado ke ediidomo inọ ndufo.

Adiyaara 10:11

Ndin emaembo ete, “Ana afo amaana atañ brọfesi abaña uwak uduod awo, mme idịd, mme usem ye mme ndidem.”

Adiyaara 11:11

Ado ke usen ita mme ibio emaekeboiyo, inweek uwem amaato Abasi adidʌk ammọ idem, ndin ammọ emaedakka eda ke ukod ammọ, ndin ata ndịk amaamʌm afịd mbon e-ekekịtte ammọ.

Adiyaara 13:7

Emaenyʌñ enọ anye adudu adinwana ekọñ ye mme ndisana ikot Abasi ñnyʌñ ñkan ammọ. Ñko emaenọ anye adudu adikara afịd ubon awo, aduuk, usem mme idịd.

Adiyaara 17:15

Ndin enyere amaambo miin, “Mme akpa mmọọñ a-afo akekịtte nte akpara ado atie edoñño mme awo, atu awo, mme idịd ye mme usem.

Adiyaara 5:8

Ke anye amaakebọ ikpañwed ado, mme aduuwem ñkpọ inaañ ye mme ñyobioawo edịp mme inaañ emaeduọññọ ke iso Ayịn Edọñ. Afịd ammọ keed-e-keed emaekaama ndido mme usan nte kood e-eyọhọke mme insensi e-edoññoke akam inua mme ndisana ikot Abasi.

Adiyaara 5:9

Ndin ammọ emaekwọ ufa ikwọ ete: “Afo amedot adibọ ikpañwed, ñkʌppọ ñwed nyʌñ mbom mme ufiikñkpọ amọ, sia emaekuwowot Fiin ndin Afo amaadat iyiib mfo adep uduod awo asio ke mme aduuk, ubon awo, ye usem, ye idịd ayaak anọ Abasi.