Adiyaara 1:16 - Ñwed Abasi Ke Ikọ Ibibio Ayo Mfịn

¹⁶ Ke ubọk nnasia amọ anye amaakama ntantaafiọñ itiaba, ndin ke inua amọ anye amaafịbe iso edem iba eduad a-asọppọ tutu. Iso amọ akeyamma nte utịn a-ayamake ata akpọsọñ-akpọsọñ.

Adiyaara 1:16 ပူးပေါင်းရင်းမြစ်များ

Matiu 17:2

Do ke uduod amọ akekpəho. Iso amọ akediyayamma nte utịn, afọñ amọ adifia nte unwana.

Utom 26:13

Ke ufọọd uweemeayo, O Adidem, ke nsʌkkọ nsaña ke usʌñ, mmaakịt unwana a-atooho anyọñ, amaayama akan utịn añkanna miin ye mme nsaña mmi akʌk.

Efisọs 6:17

Ibenne itam adinyaaña iyara, ye akañkañ sịbidịd, a-adooho ikọ Abasi.

Ibru 4:12

Sia ikọ Abasi adodu uwem anyʌñ anam ñkpo, asọp akan afịd anie inua iba keed ake adodo, anye aboboiyo adʌk esịd, tutu abakka ukpọñ ye sịbidịd, ñkikek idem ye ñkpadia akpọ; anye akpe ikpe akikere esịd ye edu unam ñkpọ ke esịd.

Adiyaara 1:20

Ndịbe-ndịbe ñkpọ a-abañake mme ntantaafiọñ itiaba a-afo akekịtte naña ensịne ke eka ubọk udom ye eto kandịd nte kood itiaba edo ami: Mme ntantaafiọñ itiaba edoñño mme enyere ufọkabasi itiaba ndin mme eto kandịd itiaba edoñño mme ufọkabasi itiaba.”

Adiyaara 10:1

Ndin mmaakịd ekamba enyere mfen naña ato abio ubọọñ Abasi asọiyọ adi. Anye akesịne ntọñanyọñ nte afọñidem, me adʌkabasi ke anyọñ iwuod amọ; iso amọ akebit utịn, ndin mme ukod ammọ ekebiod mme abai ikañ.

Adiyaara 12:1

Ekamba mme utịbe idiọọñọ amaawuọ ada ke abio ubọọñ Abasi: awonwaan amaasịne utịn ke idem, nte afọñidem, afiik afiọñ ke idak ñkpad amọ anyʌñ ayara ntinya ntantaafiọñ duob mme iba ke iwuod amọ.

Adiyaara 19:15

Akañkañ a-asọppọ afịbe anye ke inua ma anye adat akpi mme idịd. “Anye ayaakara ammọ ye esañ ukwak.” Anye ado andidioho unuak ukọd iyadesịd ye ifiopesịd Abasi Andikpon Ñkan.

Adiyaara 19:21

Mbon se ikisʌhọ emaewood ye akañkañ a-akewuọọhọ ke inua andikiwat enañ mbakara, ndin afịd mme inuen emaeta eyʌkkọ ke abʌk ammọ.

Adiyaara 2:1

“Wet nọ enyere ufọkabasi ke Efisọs: Ami ado mme ikọ anye a-akamake mme ntantaafiọñ itiaba ke ubọk udom anyʌñ asaña ke ufọọd eto kandịd nte kood itiaba.

Adiyaara 2:12

“Wet ndin nọ enyere ake ufọkabasi Bekamọm: Ami ado mme ikọ anye a-akamake asọp iso iba eduad.

Adiyaara 2:16

Kappa esịd! Mmiidooho ntodo, ñyaadi ubịne fien usọp-usọp, ndin ñyaañwana ye ammọ mme eduad a-ansịneke miin ke inua.

Adiyaara 3:1

“Wet nọ enyere ufọkabasi ke Sadis: Ami ado mme ikọ Andinie Sịbidịd Abasi itiaba mme ntantaafiọñ itiaba. Ami mmediọọñọ mme utom mfo; afo amewuọ etob ke asʌk adu uwem ado amekpa.