2 Kọrint 7:7 - Ñwed Abasi Ke Ikọ Ibibio Ayo Mfịn

⁷ adidi amọ ikpọọñ, adat idọñesịd a-anye akebọọhọ ke ubọk ndufo isọk ñnyịn ñko. Anye ama idọkkọ ñnyịn abaña udọñ ndufo enieeghe ennọ miin, ye akpọsọñ mfʌghọ ndufo, naña ndufo enekke ekere embaña miin. Ado amaanam idadesịd mmi atọtʌm akpon akan naña akedo.

2 Kọrint 7:7 ပူးပေါင်းရင်းမြစ်များ

Matiu 26:75

Ndin Bita amaatoiyo ikọ a-Yisọs aketañ, “Mbemiso akikọ unen akpọk, afo ayaañkañ miin ñke nta.” Ndin anye awuọ esiin anyʌñ aketua ñkpa-ñkpa.

Matiu 5:4

Afọfọn anọ mbon e-etuaaha ayịd, sia eyaaedọñ ammọ esịd.

Eti Etob Naña Duk Awet 22:44

Ke mbʌññọ esịd, anye amaanekke asịn idem abọñ akam tutu adikpọ awuọọñọ anye ke idem, akappa abit umiana, atọi ke isọñ.

Utom 11:23

Anye amaakediwuọ anyʌñ akịt idiọọñọ se mfọn Abasi akenañña, anye amaanem esịd anyʌñatañ ikọ nsọọñukod anọ afịd ammọ ate emʌm mbuọdidem ammọ ke Abọọñ ekama ke afịd esịd.

Ñwed Mbon Rum 1:12

man ato do ndufo mme ami idoñño keed aken nsọọñọnda ato ke mbuọdidem.

1 Kọrint 5:2

Ado ado ñkpọ ñwọkinua! Nte ikpinaaha efʌhọ ke esịd ndufo enyʌñ ebịne awo a-anamma utọ ñkpọ ami esio ke atu ndufo?

2 Kọrint 1:14

naña ndufo ediọọñọ ñnyịn ubaak-ubaak, eyaenyʌñ edidiọọñọ ñnyịn ayọhọ-ayọhọ ma ato do ndufo ekan ewọk inua ebaña ñnyịn kpa naña ñnyịn idiiwọk inua ibaña ndufo ke usen Abọọñ Yisọs.

2 Kọrint 1:4

i-idọññọ ñnyịn esịd ke afịd mfịna ñnyịn, nọ ato do ñnyịn ikan idọñ mbon e-ebaaha ke mfịna ye idọñesịd ake ñnyịn ke idem ñnyịn ibọọhọ ito Abasi.

2 Kọrint 2:9

Ntak mfen ami ñkiwette ndufo ado ke ñkeyem idiọọñọ me ndufo eyaekan eboiyo udomo enyʌñ enam item ke afịd ñkpọ.

2 Kọrint 5:2

Sia ke ini inaaha ke atayad ami, isʌk ikuun iyem adidʌk nsịne ke itie idʌñ ake Abasi,

2 Kọrint 7:6

Ke afịd ami, Abasi a-adọññọ mbon ukuud esịd amaidọñ ñnyịn esịd ke ini Taitọs adiighe,

2 Kọrint 7:8

Adieke aketooho ke deta mmi ndufo efʌghọ, kpa ye ado, ntuaaha ñkpọfiọk. Ado ñketua ñkpọfiọk ke naña mmaakekịt ke deta ado amaanam ndufo efʌghọ, ke etək ibio-ibio ini.

2 Kọrint 8:16

Ado ekọọm anie Abasi, a-sịnne ke esịd Taitọs ukem akikere ibaña ndufo naña ami nnie.

Fidibai 1:20

Ami ke udọñ esịd nsʌk nse ñnyʌñ nsʌk ndodanyen mbo ke ndiikoppo abuud ke baaba usʌñ ndomokeed, ado ke ñyaasọọñọ nda nte ñkanna ma ato do, idahami ye ke afịd ini, eyaedịppe Krais ke idem mmi, adooho ke uwem mme anyʌñọ ado ke ñkpa.

Kodosi 2:5

Sia ñkọm ami membaaha mme ndufo ke abʌkidem, ami mmeba mme ndufo ke sịbidịd ñnyʌñ nnem esịd edikịt naña ndufo enam ñkpọ esaña ke item mme naña mbuọdidem ndufo ke Krais asọọñọ ada.

1 Tesadonia 3:6

Ado Timoti adisʌk nto ukañ ndufo ndisịm ñnyịn ado ami ndin anye adat eti etob ami adi abaña mbuọdidem ye ima ndufo. Anye atañ inọ ñnyịn abo ke ndufo afịd ini emenie nti ñkpọ se etoiyo ebaña ñnyịn ndin ndufo emeyem adikịt ñnyịn kpa naña ñnyịn ñko iyem ikịt ndufo.

1 Tesadonia 3:8

Idahami ñnyịn iminie ata uwem, sia ndufo etʌmmọ enie iwuuk ke Abọọñ.

Ibru 2:1

Ke ntodo, ana ñnyịn itʌm ikpañ utọñ inọ se ñnyịn ikop mbaak ñnyịn idiyọọn ikpọñ usʌñ.

Yemsi 5:17

Edaiya akedo awo nte ñnyịn. Anye amaabọñ akam ke ayọhọ udọñ esịd abo edịm akuudep, ndin edịm ikideppe ke isọñ ke isua ita mme ubaak.

2 Yọọn 1:4

Mmekop inemesịd eti-eti adikịt usʌk nditọ mfo naña esaña ke akpanikọ ukem-ukem naña Ete akinọọ ñnyịn ewʌhọ.

Ñwed Yud 1:3

Mme adima ufan, akpesʌk ado akembaaha ke ekamba udọñ adiwet ndufo mbaña adinyaaña afịd ñnyịn iwuanake, esịd añnyịk miin ñko adiwet ñkpeiye ndufo mbo isọọñọ ndufo ukod edika iso ñnwanake ntak mbuọdidem a-Abasi akenọọhọ mme ndisana awo.