2 Kọrint 7:2 - Ñwed Abasi Ke Ikọ Ibibio Ayo Mfịn

² Nam ufañ aba ke esịd ndufo inọ ñnyịn. Ñnyịn idueeghe ba awo keed, inyʌññọ ibiat awo ndomokeed, inyʌññọ itʌk awo ndomokeed.

2 Kọrint 7:2 ပူးပေါင်းရင်းမြစ်များ

Matiu 10:14

Ndin adieke awo mmiidaarake ndufo, mmiinyʌñọ ikpañ utọñ ikop se enie aditañ, emaebo iwuọ ke ufọk me utọ idʌñ ado, ikeñ ntan ikpad ndufo ibono do.

Matiu 10:40

“Awo a-adaarake ndufo, andaara miin, anye a-anyʌññọ andaara miin adaara awo andikindọñ miin.

Eti Etob Naña Duk Awet 10:8

“Ndin ke abio keed ake adodo a-ndufo edʌkkọ, ammọ ekpinyịmme ndufo, ibọ se inọ idia.

Utom 20:33

Ñkesịnne anyen ke sịrifa me kood me afọñ awo ndomokeed.

Ñwed Mbon Rum 16:18

Sia utọ ibon ado inamma ñkpọ inọ Abọọñ Krais, ado enam enọ idọọk itọñ ammọ. Ke ñkara utañ ikọ ye nnem inua ammọ ebiaaña mbon enieghe mfefeere esịd e-mmidiọọñọke.

2 Kọrint 1:12

Sia nduaak inua a-ñnyịn iduaaha ado ami, ikọ ntiense esịd ñnyịn atañña abo ke ñnyịn ikisañake ke akikere abʌkidem ado ke mfọn Abasi. Ñnyịn inyʌñ inam ntom, itooho ke ndufiọk ederimbod ado ato ke mfọn Abasi.

2 Kọrint 11:16

Mmetọọñọ ntak mbo nte, yak ba awo ndomokeed akụụndat miin nte ndisịme. Ado ekpendat nte ndisịme, enyʌñ enyọ nte ndisịme, ma ñkan nduaak inua etək-etək.

2 Kọrint 11:9

Kpa ke ini a-ñkebaaha ye ndufo ñyem unwam, ñkedooho mbiomo nnọ baaba awo ndomokeed, sia nditọete e-eketooho Masidonia emaennọ se ñkeyem. Mmedʌt idem mmi nsio adido mbiomo inọ ndufo ke baaba usʌñ keed, ndiinyʌñ ñkakaiso nnam ntodo.

2 Kọrint 4:2

Utu ke ndo, ñnyịn imisịn mme ndedịbe-ndedịbe ido e-ekamake abuud; isañake ke ñkara, inyʌññọ idat nsu idian ye ikọ Abasi. Ado ke adiwọt se ido akpanikọ anwa-anwa ke inam afịd awo ediọọñọ ke esịd ammọ, ke ñnyịn inaanam se inen ke iso Abasi.

Fidibai 2:29

Edaara anye ke Abọọñ ye akwa idaara, enyʌñ ekpono mme awo nte anye,

Kodosi 4:10

Aristakus, awo ñkpakọb nte ami, adọñ ekọọm anọ ndufo, kpa naña Maak, ayịn ayịneka Banabas. (Ndufo emebọ ukpeebñkpọ ebaña anye; anye akpedi ibịne ndufo, edaara anye.)

1 Tesadonia 2:10

Ndufo edoñño ntiense, ntodo ke Abasi ñko ado ntiense, ke naña ñnyịn isana, naña inen ye naña inana ndo ke atu ndufo e-enịmme ke akpanikọ.

Fidimọn 1:12

Mmenọ anye atịmme ubịne fiin, nte adat anye nte akpedooho ataa esịd mmi.

Fidimọn 1:17

Adieke afo ambatta miin nte awo nsaña utom mfo, nyịmme anye ukem-ukem naña añnyịmme miin.

2 Yọọn 1:10

Adieke awo adieeghe ado isañake ye ukpeebñkpọ ami, kuudat anye udʌk ufọk mfo.