2 Kọrint 5:9 - Ñwed Abasi Ke Ikọ Ibibio Ayo Mfịn

⁹ Ami anyʌñ asịn ñnyịn inwana, me iba ke ufọk ke ikpọkidem, me imikpọñ anye, adinem anye esịd.

2 Kọrint 5:9 ပူးပေါင်းရင်းမြစ်များ

Yọọn 6:27

Ndufo ikiinam utom inọ ndidia adooho ayaabiara, ado inam inọ ndidia a-adiidat ikisịm nsi-nsi uwem, a-Ayịn Awo adinọ ndufo ke idem amọ. Sia Abasi Ete ke idem amọ awuuk idiọọñọ ke imọ imimek anye.”

Utom 10:35

ado anyịmme afịd awo ke afịd idịd e-eteeñeke anye anyen, enyʌñ enam se ifọn.

Ñwed Mbon Rum 14:18

sia awo ake adodo ake anamma ñkpọ anọ Krais ke usʌñ ami enem Abasi esịd ndin mme awo enyʌñ ekpono anye.

Ñwed Mbon Rum 14:8

Sia adieke ñnyịn iduuho uwem, ñnyịn idu uwem inọ Abọọñ, ndin adieke ñnyịn ikpiinyʌñ ikpa, ñnyịn ikpa inọ Abọọñ. Ndin, me ñnyịn idu uwem me ikpa ñkpa, Abọọñ inie ñnyịn

Ñwed Mbon Rum 15:20

Asʌk asido udọñ mmi adikwọrọ eti etob Krais ke itie nte awo mmiikidiọọñọke Krais, mbaak ami ndibọp ke itiad idakisọñ awo mfen.

1 Kọrint 15:58

Ke ntom, ndima nditọete mmi, isọọñọ ida. Ikiiyak ñkpọ ndomokeed inyeeñe ndufo. Afịd-afịd ini, isịn idem ndufo ayọhọ-ayọhọ ke utom Abọọñ, sia emediọọñọ ke ñwaidem ndufo idooho ke utak-utak.

2 Kọrint 5:6

Ke ntom, ñnyịn ikookop isọñesịd afịd ini, inyʌñ idiọọñọ ibo, adaña ini ñnyịn ibaaha ke ikpọkidem, ñnyịn ibaaha ye Abọọñ;

2 Kọrint 5:8

Ñko ñnyịn imitʌm inịm ke akpanikọ, ami mbo, ikpainyʌñ ima adikpọñ ikpọkidem ami ñkeba ke ufọk ye Abọọñ

Efisọs 1:6

ke itooro ye ubọọñ mfọn amọ, a-anye inọọhọ ñnyịn ke mfọn ke anye a-anye amaaha.

Kodosi 1:10

Ndin ñnyịn ibọñ akam ami nọ ato do ndufo edu uwem a-adotto ke Abọọñ anyʌñ anem anye esịd ke afịd usʌñ: enwịm mfịd ke afịd nti utom, ekọọd ke ifiọk Abasi,

Kodosi 1:29

Ke ntak ami ke ami nnam utom, ndutʌkkọ ke afịd adudu, a-anye akamake anam akpọsọñ utom ke idem mmi.

1 Tesadonia 4:1

Ke akpatre nditọete, ñnyịn imikpeeb ndufo naña esaña edu uwem ma anem Abasi esịd, kpa naña ndufo edu idahami. Idahami ñnyịn ibịp ndufo inyʌñ ikpak ndufo idem ke Abọọñ Yisọs ite ekaka iso enam ntom.

1 Tesadonia 4:11

Nam ado udọñ ndufo adidu usʌk-usʌk uwem, ikiisịn anyen ke ñkpọ awo, inyʌñ idat ubọk ndufo inam ñkpọ, kpa naña ñnyịn imaikibo ndufo,

1 Timoti 4:10

Ke ntak ami ke ñnyịn ikpa utom, inyʌñ inwanake adikọọñ idodanyen ñnyịn ke ndu-ndu Abasi, a-adooho Andinyaaña anọ afịd awo, akpan-akpan mme andinịm ke akpanikọ.

Ibru 12:28

Ke ntodo, sia ñnyịn ibọọhọ abio ubọọñ a-ñkpọ miikanna inyeeñe, yak ñnyịn inọ ekọọm inyʌñ ikpono Abasi ke eti usʌñ ke uteñe ye ata ndịk,

Ibru 4:11

Yak ñnyịn, ke ntodo, idomo afịd ukeme adidʌk ke nduọkadudu ado, mbaak awo ndomokeed adiduọ ke adikeene una ñkobitem ammọ.

2 Bita 3:14

Ke ntodo, mme ndima ufan, sia ndufo etieeghe ebet mme ñkpọ ami, esịn afịd ifịk nọ edikịt ndufo naña enana ntọi, enana ndo enyʌñ eba ke emem ye anye.