2 Kọrint 4:2 - Ñwed Abasi Ke Ikọ Ibibio Ayo Mfịn

² Utu ke ndo, ñnyịn imisịn mme ndedịbe-ndedịbe ido e-ekamake abuud; isañake ke ñkara, inyʌññọ idat nsu idian ye ikọ Abasi. Ado ke adiwọt se ido akpanikọ anwa-anwa ke inam afịd awo ediọọñọ ke esịd ammọ, ke ñnyịn inaanam se inen ke iso Abasi.

2 Kọrint 4:2 ပူးပေါင်းရင်းမြစ်များ

Ñwed Mbon Rum 1:16

Ami ñkoppo abuud ke ntak eti etob ami, sia anye ado adudu Abasi adatta adinyaaña asọk afịd awo e-enịmme ke akpanikọ: akpa, ado anọ mme Yuu, ndin mme Yentaid.

Ñwed Mbon Rum 6:21

Nso-o ufọn ndin ke ndufo ekeebọọ ke ini ado eto mme ñkpọ i-imʌmmọ ndufo buud idahami? Mme ñkpọ ado edat ekaa ñkpa!

1 Kọrint 4:5

Ke ntak ado, kuubiire ikpe ke abaña ñkpọ ndomokeed; bet tutu Abọọñ adi. Anye ndin ayaadiyaara anwa-anwa se idịbe ke akịm anyʌñ ayaara akikere esịd mme awo. Ke ini ado amaakem, awo keed-e-keed ayaabọ itooro ato Abasi.

2 Kọrint 1:12

Sia nduaak inua a-ñnyịn iduaaha ado ami, ikọ ntiense esịd ñnyịn atañña abo ke ñnyịn ikisañake ke akikere abʌkidem ado ke mfọn Abasi. Ñnyịn inyʌñ inam ntom, itooho ke ndufiọk ederimbod ado ato ke mfọn Abasi.

2 Kọrint 11:3

Ado mmenie ndịk sia naña udʌkikọd akebiaaña Iif ke ñkara, kpa ntodo ke esịd ndufo akeme adiwuọ ñkpọñ akpanikọ ye eti ido ke Krais.

2 Kọrint 11:6

Akpesʌk ado mmembọọhọ ukpeeb nte awo udọọñ ikọ ado mmenie ifiọk. Ñnyịn iminam ami anekke iñwaña ndufo ke afịd-afịd usʌñ.

2 Kọrint 2:17

Ñnyịn ibaaha nte uwak awo e-enyamma ikọ Abasi edia udod. Utu ke ado, ado ke Krais ñnyịn itañ ikọ ke iso Abasi ke esịd akpanikọ, nte mme awo a-Abasi asiooñoke adọñ.

2 Kọrint 5:11

Sia ñnyịn imidiọọñọ se ado adibaak Abọọñ, ñnyịn imidomo adikpe ye awo. Se ñnyịn ido ana inwañ-inwañ ke iso Abasi, iminyʌñ inie idodanyen ite iñwaña ndufo ke esịd akikere ndufo ñko.

2 Kọrint 6:8

ke ini ukpono ye ke ini esuenne, ke idiọọk etop ye ke eti etob; ibat ñnyịn nte mbon abiaaña, ado ñnyịn ido mbon akpanikọ;

2 Kọrint 7:14

Sia adieke ñkebuuroke mbuuro nnọ anye ibaña ndufo ke usʌñ ake adodo, ndiaaha abuud, ado naña afịd se ikitañ ye ndufo adooho akpanikọ, kpa ntodo ñko, afịd mbuuro a-mbuuroke nnọ Taitọs mbaña ndufo awuọ ado akpanikọ.

Efisọs 4:14

Ke ntodo ñnyịn idiidooho nsek nditọ a-adooho afịm anək aka edem anək aka iso, anyʌññọ ado afuud adi mi afuud aka ko, ke afịd afịm ukpeeb ye afịd ñkara ye ndukanna mme awo ke nsu ammọ.

Efisọs 5:12

Sia ado ata ñkpọ abuud idem aditatañ se mbon ntreutọñ esinam ke ndịbe.