2 Kọrint 11:3 - Ñwed Abasi Ke Ikọ Ibibio Ayo Mfịn

³ Ado mmenie ndịk sia naña udʌkikọd akebiaaña Iif ke ñkara, kpa ntodo ke esịd ndufo akeme adiwuọ ñkpọñ akpanikọ ye eti ido ke Krais.

2 Kọrint 11:3 ပူးပေါင်းရင်းမြစ်များ

Matiu 24:24

Uwak nsu-nsu Mesaya ye mme brọfed nsu eyaewọọñọ edi edinañña mme akwa idiọọñọ ye ñkpọntịbe mbaak ebiaaña kpa ye mbio emaekemeemek, akpedo ñkpọ ntodo akeme itịppe.

Yọọn 8:44

Ndufo eto ete ndufo, a-adooho setan, ñko ndufo eyem adinam uduak ete ndufo. Anye akedo awodawo tọọñọ ke editọọñọ, akenam anye itañña akpanikọ, sia mbeñe akpanikọ keed ibaaha anye ke idem. Anye amaasʌhọ nsu, anye ado asaña akekem ke ata uduod amọ, sia anye ado asʌhọ nsu, ado ete akpaimọ nsu.

Ñwed Mbon Rum 12:8

adieke adooho adinọ item, nọ item; adieke adooho adinọ mbon unanna ñkpọ, tat ubọk nọ, adieke adooho adidat usʌñ, dat usʌñ; adieke adooho adiwọt mbọm, nam ado ke inemesịd.

2 Kọrint 1:12

Sia nduaak inua a-ñnyịn iduaaha ado ami, ikọ ntiense esịd ñnyịn atañña abo ke ñnyịn ikisañake ke akikere abʌkidem ado ke mfọn Abasi. Ñnyịn inyʌñ inam ntom, itooho ke ndufiọk ederimbod ado ato ke mfọn Abasi.

2 Kọrint 11:20

Ke akpanikọ, ndufo emeyọ awo ake adodo i-isịnne ndufo ke ufʌn, ye anye a-adiaaha inie ndufo, ye anye a-atañña idem, ye asio idem ñwọt, me andisiak ndufo ufia.

2 Kọrint 11:29

Anie awo ke idem amem, ndin idem atre adimmem miin? Anie ke awo aduọ adʌk idiọọkñkpọ, ndin esịd mmi atre ibara nte ikañ?

2 Kọrint 2:17

Ñnyịn ibaaha nte uwak awo e-enyamma ikọ Abasi edia udod. Utu ke ado, ado ke Krais ñnyịn itañ ikọ ke iso Abasi ke esịd akpanikọ, nte mme awo a-Abasi asiooñoke adọñ.

2 Kọrint 4:2

Utu ke ndo, ñnyịn imisịn mme ndedịbe-ndedịbe ido e-ekamake abuud; isañake ke ñkara, inyʌññọ idat nsu idian ye ikọ Abasi. Ado ke adiwọt se ido akpanikọ anwa-anwa ke inam afịd awo ediọọñọ ke esịd ammọ, ke ñnyịn inaanam se inen ke iso Abasi.

Kadesia 1:6

Añkpa idem eti-eti ke ndufo emesọsọp esịn anye a-akikoodo ndufo ke mfọn Krais ndin ekappa ekpañ utọñ enọ etob mfen,

Kadesia 2:4

Ikọ ami ake adakka ato mme nsu-nsu mbon e-emminịmme ke akpanikọ edʌk atu ñnyịn adiyeb untadñyaak a-ñnyịn inieeghe ke Krais Yisọs nọ atodo isịn ñnyịn ke ifʌn.

Kadesia 3:1

Ndufo mme ndisịme mbon Kadesia! Anie awo ikifʌk ndufo ñkịm? Emaenekke eben Yisọs Krais e-ekọññọ ke eto iwọd ndufo.

Kadesia 4:11

Ndịk annam miin ibaña ndufo, sia adiba nte afịd ufen mmi ke idem ndufo ababaha.

Efisọs 4:14

Ke ntodo ñnyịn idiidooho nsek nditọ a-adooho afịm anək aka edem anək aka iso, anyʌññọ ado afuud adi mi afuud aka ko, ke afịd afịm ukpeeb ye afịd ñkara ye ndukanna mme awo ke nsu ammọ.

Efisọs 4:22

Ekikpeeb ndufo ebaña ñkaan eduuwem ndufo, ekebo esioño ñkaan idem e-emaebiaara ato ke mme ndubio-ndubio udọñ,

Efisọs 6:24

Mfọn aba ye afịd awo e-emaaha Abọọñ ñnyịn Yisọs Krais ye ima a-amiidiikpaaha.

Kodosi 2:18

Ikiiyak awo ndomokeed anam ndufo etre adibọ utịb e-ekpebọọhọ ato ke abiaaña-abiaaña nsuukidem ye adikpono mme enyere. Utọ awo ado awọk inua abaña se anye akịt, ndin unana sịbidịd ke esịd amọ anam anye akịt idem ke mme uyaha akikere.

Kodosi 2:4

Ami ntañ ami inọ ndufo mbaak awo ndomokeed adibiaaña ndufo ke nnem-nnem uyo eniin.

Kodosi 2:8

Ikịt ibo ke awo ndomokeed isịnne ndufo ke ifʌn ato uyaha-uyaha mme abiaaña ndufiọk a-atooho eduuwem awo ke esed ye mme ibed ifiọk ederimbod a-mitooho Krais.

1 Tesadonia 3:5

Ke ntak ami, ke ini mmeñkekanna mme aba, ami mmaadọñ nte ebịp ebaña mbuọdidem ndufo. Ami mmaakop ndịk nte ke akeme ito usʌñ ake adodo andidomo idomo akeme ido amaidomo ndufo ndin afịd idem a-ñnyịn ikisịnne adido utak-utak.

1 Timoti 1:3

Daña ñkekaaha abio Masidonia, mmaukpeiye mbo yak asʌhọ ke Efisọs, ma afo akaiso anọ mme awo ke udo item, ate yak ammọ ekuukpeeb ñkpọ a-adiaññake akpọñ se ñnyịn ikikpeeb

1 Timoti 2:14

Idooho Adam ke ekebiaaña, ado awonwaan ke setan akebiañña, anyʌñ anam anye ado anam idiọọk ñkpọ.

2 Timoti 3:13

Ado ndiọi awo ye mme anam abiaaña, eyaekaka iso ediọi ekan, enyʌñ eka iso ebiaaña awo, mme awo enyʌñ ebiaaña ammọ.

Taitọs 1:10

Sia ebañña mme uwak eniin-eniin, mme ñkaña mbon utaañ ikọ ye mme abiaaña-abiaaña, akpan-akpan mbon ñka e-enịmme mboppo.

Ibru 13:9

Ikiiyak mme nsio-nsio isen ukpeebñkpọ enam ndufo edutịn usʌñ. Ado etiñkpọ esịd ñnyịn adisọọñọ nda ke mfọn, idooho ke mme ndidia usọrọ, e-mmiinieeghe udod inọ mbon e-ediaaha ammọ.

2 Bita 3:17

Ke ntodo, mme ndima ufan, sia ndufo emaekediọdiọọñọ ñkpọ ami, ekpeme mbaak mme abiad ibed ediben ndufo etịn usʌñ enyʌñ enam ndufo eduọọk itie nsọọñọnda ndufo.

2 Bita 3:3

Ke kpa ifed; ana ediọọñọ ebo ke mme akpatre usen, mme anọọ awo ñyọọ eyaedi, enọọ ñyọọ enyʌñ ekeene mme ndiọi udọñ ammọ.

1 Yọọn 2:18

Ndima nditọ, utịd ini ado ami; ndin sia ndufo emekop ke andibiọọññọ Krais asʌk adi, kpa idem idaha ami, uwak-uwak mme andibiọọññọ Krais ewuọọñọ ewọt idem. Ami anam ñnyịn idiọọñọ ke utịd ini ado ami.

1 Yọọn 4:1

Mme ndima ufan, ikiinịm afịd sịbidịd, ado edomo mme sịbidịd se me eto Abasi, sia uwak-uwak brọfed nsu ewuọọñọ edʌk ederimbod.

Ñwed Yud 1:4

Sia ndusʌk awo e-ekenịmme ammọ enọ ubiom ikpe tọọñọ ke esed emaesaña ndịbe-ndịbe edʌk ke ufọọd ndufo. Ammọ idiọọñọke Abasi, enyʌñ ewọññọ mfọn Abasi ñnyịn esịn ke adukpo uwem, enyʌñ ekañ Yisọs Krais a-adooho ukweeñe Andikara ye Abọọñ ñnyịn.

Adiyaara 12:15

Ndin udʌkikọd ado amaatop mmọọñ asio ke inua amọ nte inyañ, ayem adikpuud awonwaan ado mben ke udiọñ mmọọñ ado.

Adiyaara 12:9

Emaetop ekamba drakọn eduọọk ke isọñ, akaan udʌkikọd ado e-ekoodo anye andidiọọk me Setan, anye a-anamma afịd ederimbod ewuọ ekpọñ usʌñ. Emaetop anye eduọọk ke isọñ ye mme enyere amọ.

Adiyaara 20:2

Anye amaamʌm drakọn, akaan udʌkikọd ado, a-adooho andidiọọk, me Setan, anyʌñ akọp anye ke isua tọsịn keed.