2 Kọrint 10:4 - Ñwed Abasi Ke Ikọ Ibibio Ayo Mfịn

⁴ Sia ñkpọekọñ i-idatta inwana ekọñ, idooho ñkpọekọñ abʌkidem, ado utọ ñkpọ a-akoppo idem ke anyen Abasi, adiwuud mme ñkpọsọñ ufọkekọñ.

2 Kọrint 10:4 ပူးပေါင်းရင်းမြစ်များ

2 Kọrint 6:7

ke ikọ akpanikọ, ke adudu Abasi; ye ñkpọekọñ adinenido ke ubọk udom ye ufiin,

1 Kọrint 2:5

mbaak mbuọdidem ndufo akụụsịne ke ifiọk awo, ado asịne ke adudu Abasi.

1 Timoti 1:18

Timoti, ayịn mmi, item ami ke unọọ fiin, a-asañake akekem ye mme brọfesi ekenamma ubaña fiin ini keed, nọ atoodo afo umaunam mme item ami, afo ndin akan anwana eti anwan ami,

Ñwed Mbon Rum 13:12

Ayo ayaasieere, ubahausen akpere. Ndin yak ñnyịn ikpọñ mme ndiọiñkpọ akịm, iben afọñ ekọñ ake unwana isịne ke idem.

1 Tesadonia 5:8

Ado sia ñnyịn idooho mbon uweeme, yak inie mfadidem, isịne mbuọdidem ye ima nte ukpeme ikpana esịd ye idodanyen adinyaaña nte itam ukwak.

2 Kọrint 4:7

Ado ñnyịn ikama nsọñudua ñkpọ ami ke abañ mbad adiwọt nte ke andikpon ñkan adudu ami ato Abasi, itooho ñnyịn.

Ñwed Mbon Rum 6:13

Ikuuyaak itie ntekeed ke idem ndufo inọọ idiọọkñkpọ, nte ñkpọutom ibak; utu ke ndo iyaak idem ndufo inọ Abasi, nte mbon e-emaekesio ke ñkpa isịn ke uwem; ke ntodo iyaak afịd idem ndufo inọ anye nte ñkpọutom unenido.

2 Kọrint 3:5

Ami iwuọọñọke ite ke ñnyịn imikeme ke idem ñnyịn adibiooro ñkpọ ake adodo ke adudu idem ñnyịn: Ado ukeme ñnyịn ato Abasi.

Ibru 11:30

Ke mbuọdidem mme ndibene Yeriko emaeduọññọ, ke ubon Abasi emaekesaña ke udịm ikanna ammọ ke usen itiaba.

2 Timoti 2:3

Keene ñnyịn biom ukuud nte eti awo ekọñ Krais Yisọs.

Utom 7:22

Moses amaabọ ukpeebñkpọ ke afịd usʌñ ifiọk nditọ Iyịpt, anyʌñ akappa ado akpọsọñ awo ke ikọ inua ye edu unam ñkpọ.

2 Kọrint 13:10

Ntak ado ami ami ñwette mme ñkpọ ami ke ini ami membaaha ye ndufo; mbaak ke ini ndiidi ndisọñ ido ye ndufo ke ukara mmi, ukara a-Abọọñ akenọọhọ ate ndat nnam ndufo ekọt, idooho adidat isuan ndufo.

1 Kọrint 9:7

Anie awo ikpe idem amọ akʌk inwana ekọñ? Anie awo akeme itọ inwañ ado idiaaha utịp inwañ ado? Anie awo ikpeme ufene ado inwọññọ mmọọñeba ufene ado?

2 Kọrint 10:8

Akpesʌk ado ñkenamma inua mbọhọ mbaña adudu a-ñnyịn inieeghe ado Abọọñ akenọ adudu ado adidat nnam ndufo ekọt, idooho edidat nsobo ndufo, buud idiinamma.