1 Yọọn 5:9 - Ñwed Abasi Ke Ikọ Ibibio Ayo Mfịn

⁹ Adieke ñnyịn ibọọhọ ntiense awo, ntiense Abasi akpon akan sia ami ado ikọ ntiense Abasi, a-anye atiehe abaña Ayịn amọ.

1 Yọọn 5:9 ပူးပေါင်းရင်းမြစ်များ

Matiu 17:5

Ke ini anye asʌkkọ atañ ntom, nyamma-nyamma ntọñanyọñ adifʌk ammọ akanna; ndin uyo ato ntọñanyọñ ami ate, “Anye ami ado Ayịn mmi a-mmaaha, nnyʌñ nnem esịd ye anye. Ikpañ utọñ inọ anye.”

Yọọn 10:38

Ado akpedo mmenam, akpesʌk ado a-ndufo idiinnịmme miin ke akpanikọ, isʌk ikap inịm mme utịbe utom a-ami nnamma ke akpanikọ, ma ndufo ediọọñọ ma anyʌñ inwaña ke Ete aba ke ami, ami ñko ñnyʌñ mba ke Ete.”

Yọọn 5:39

Ndufo etọọtʌm ekpeeb ikọ Abasi, sia ndufo ekere ebo ke iminie nsi-nsi uwem ito ammọ. Kpa mme ikọ Abasi ami etie ntiense embaña miin,

Utom 17:31

Sia anye anịm usen a-anye adikpe ikpe afịd ekondo ke unen ato ke awo a-anye amaamek anịm nte akpeikpe. Anye akenam anye aset ke ñkpa adiwọt ke anye ado akpeikpe ado.”

Utom 5:32

Ñnyịn ido mme ntiense ibaña mme ñkpọ ami, ntodo ñko ke Adisana Sịbidịd ado, a-Abasi añọọhọ mbon e-ekoppo uyo amọ.”

Ibru 2:4

Abasi akenyʌñ anọ ikọ ntiense abañake adinọ mme idiọọñọ, mme utịbe ñkpọ, mme utom adudu ye mme enọ Adisana Sịbidịd e-ekedeemeke nte asañake akekem ke udọñ amọ.

Ibru 6:18

Abasi akenam ami nọ ato do, ke mme ñkpọ iba e-emmiikemeke adikpəhọ, a-Abasi ñko mmiikemeke adisʌhọ nsu, ñnyịn i-imaiikifeeñe idimʌm idodanyen e-enyanna inọ nte añkọ adimʌm ukpọñ ñnyịn, ma anye asọọñọ ada kwak!

1 Yọọn 5:10

Ake awo anịm Ayịn Abasi ke akpanikọ anie ikọ ntiense ami ke esịd amọ. Awo ake mmiinịmme anye ke akpanikọ, anam Abasi ado asʌhọ nsu, sia anye mmiinịmme ikọ ntiense atooho inua Abasi abaña Ayịn amọ ke akpanikọ.

1 Yọọn 5:8

ado Sịbidịd, mmọọñ ye iyiib, ndin naña ita ami etañ uyo keed.