1 Yọọn 5:6 - Ñwed Abasi Ke Ikọ Ibibio Ayo Mfịn

⁶ Ami ado anye a-akesañake ke mmọọñ ye iyiib adi, kpa Yisọs Krais. Anye ikisañake ye mmọọñ ikpọọñ idi, akesaña ke mmọọñ ye iyiib. Ndin Sịbidịd ado anditie ntiense, sia Sịbidịd ado akpanikọ.

1 Yọọn 5:6 ပူးပေါင်းရင်းမြစ်များ

Matiu 26:28

“Enwọñ ami, afịd ndufo, ami ado iyiib mmi, iyiib edioomo e-eduọkkọ enọ uwak awo nọ edakka do ke mme idiọọkñkpọ.

Matiu 3:16

Ke emaekeduọk Yisọs mmọọñ ema, anye awuọ ke mmọọñ ndin sese ikpaanyọñ abeere, ndin anye akịt naña Sịbidịd Abasi asọiyọ nte ibiom adidoro anye ke idem.

Maak 14:24

Anye abo ammọ “Ami ado iyiib mmi ake ufa edioomo, e-eduọkkọ enọ uwak awo.

Eti Etob Naña Duk Awet 22:20

Ke ukem usʌñ ado, ke emaekeedia ndidia ndubi ima, anye amaaben kọọb, ate ammọ, “Kọọb ami ado ufa edioomo iyiib mmi, e-eduọkkọ inọ ndufo.

Yọọn 14:17

Sịbidịd akpanikọ. Ederimbod idiiyemme anye sia ammọ idiọọñọke inyʌññọ ikịt anye. Ado ndufo emediọọñọ anye, sia anye adʌñ ke idem ndufo, anye adiiba ye ndufo ñko.

Yọọn 14:6

Ndin Yisọs amaabọọrọ: “Ami ndo usʌñ, mme akpanikọ mme uwem. Awo ndomokeed idieghe ibịne Ete ibọhọke anto miin.

Yọọn 15:26

“Adọñ awo esịd amaadi, a-ami ndibọ Ete nnọ isọk ndufo, Sịbidịd akpanikọ a-atooho Ete, anye ayaatie ntiense ambaña miin.

Yọọn 16:13

Ado anye, Sịbidịd akpanikọ amaadi, anye ayaidat ndufo iwọt usʌñ afịd akpanikọ. Anye idiitañña ikọ idem amọ, aditañ se anye akop kpọd, anye ayaidọkkọ ndufo se idiidi ke ini iso.

Yọọn 3:5

Yisọs abọọrọ, “Ke ata akpanikọ ami ntañ inọ ndufo, ibọhọke awo amana ato mmọọñ ye Sịbidịd, anye ikemeke idʌk abio ubọọñ Abasi.

Yọọn 4:10

Yisọs abọọrọ anye ate, “Akpedo amaadiọọñọ enọ Abasi mme awo u-ubịppe fiin mmọọñ ami, afo akpaabịp anye ndin anye akpaunọ fiin mmọọñ uwem.”

Yọọn 4:14

ado awo keed ake adodo añwọññọ mmọọñ a-ami ndiinọ anye, itọñ idiisatta anye aba. Ke akpanikọ mmọọñ a-ami ndiinọ anye ayaakappa idịm ke esịd idem amọ afeghe akesịm uwem nsi-nsi.”

Yọọn 6:55

Sia ikpọkidem mmi ado ata ndidia, iyiib mmi anyʌñ ado ata adinwọñ ñkpọ.

Utom 8:36

Naña ammọ ekesʌkkọ eka ke usʌñ isañ ado, ammọ emaediwuọ itie mmọọñ keed, ndin itọ ado amaabo, “Kap se mmọọñ mi, nso-o ikeme adiñkpan miin adibọ uduọkmmọọñ?”

Ñwed Mbon Rum 3:25

Abasi amaanọ Krais nte uwa a-akpeeghe asio awo ke idiọọkñkpọ ato ke iyiib amọ a-naaha ebo eto mbuọdidem. Anye akenam ami adiwọt ido amọ sia ke adiyọ amọ anye amaafeen mme idiọọk ñkpọ e-ekenamma ke usen edem, inyʌññọ imia ammọ ufen.

Efisọs 1:7

Ke anye ke ñnyịn inie adifak ato iyiib amọ, adifeen mme idiọọkñkpọ, asañake akekem ye mme inie mfọn Abasi

Kodosi 1:4

Sia ñnyịn imikop ibaña mbuọdidem ndufo ke Krais Yisọs ye ima a-ndufo enieeghe enọ afịd mme ndisana ikot Abasi,

1 Timoti 3:16

Eniin akuuba ke atu ndufo abaña ido ukpono Abasi ñnyịn sia ado ekamba utịbe ñkpọ: Ado anye akeyaara idem amọ ke ikpọkidem, anye ado Andinen ke Sịbidịd mme enyere emaekịt anye. Emaekwọrọ anye ke atu mme idịd, emaenịm anye ke akpanikọ ke ederimbod, ndin eben anye edọọk ke ubọọñ.

Taitọs 3:5

anye inyaaña ñnyịn, itooho ke nti ñkpọ ake ñnyịn inamma, ado ato ke ntak mbọm amọ. Anye inyaaña ñnyịn ato ke adiyet adufa emana anyʌñ anam ido adufa ato ke Adisana Sịbidịd,

Ibru 10:29

Die ndin ke ediitre adinie unen adinọ awo a-adooho Ayịn Abasi ke idak ukod ufen, akpan-akpan, anye a-anamma iyiib edioomo nte mbad ñkpọ, a-akenamma anye asana, ñko akenyʌññọ asọñ Sịbidịd mfọn anyen?

Ibru 12:24

edi ebịne Yisọs andida ubiọñ ke ufa edioomo, ye ke adisiime iyiib a-atañña ikọ a-afọnnọ akan iyiib ake Ebeed.

Ibru 13:20

Yak Abasi emem, a-aketooho ke ntak iyiib nsi-nsi edioomo akemaana aben Yisọs Krais a-amaakekpa adi, akwa Andikpeme mme edọñ ado,

Ibru 9:14

die ndin ke iyiib Krais, a-akedooho ke ntak Sịbidịd nsi-nsi ayaak idem nte anana ndo uwa anọ Abasi, miidiiyette esịd ñnyịn isiooño mme adinam a-adatta awo aka ñkpa ifep, nọ ñnyịn ikan inam ñkpọ inọ aduuwem Abasi!

Ibru 9:7

Ado akwa aku ikpọọñ akesidʌk esịd ubeed, ndin akesinam ntom akañ keed kpọd ke isua, ndin ikemeke-keme adinam ado ke mmiisañake ye iyiib, a-anye akesinọọhọ ke iwuod amọ, anyʌñ anọ ke ntak nnamndue se mme awo ekesinam ke unana adidiọọñọ.

1 Bita 1:2

mbon a-Abasi Ete amaakemek asaña akekem ke akpa ifiọk Abasi Ete, ato ke adiyet asana utom Sịbidịd, ke ntak nsuukiwuod ammọ nnọ Yisọs Krais nọ anye adat iyiib amọ asịịme ammọ ke idem. Mfọn ye emem aba ye ndufo eduek-eduek.

1 Bita 3:21

mmọọñ ami ada anọ uduọkmmọọñ e-edatta enyaaña ndufo idahami, ado ado uduọkmmọọñ a-mmiidooho uyed mbad ikpọkidem mfep, ado e-edatta enwọñọ adinie etiesịd ke iso Abasi. Anyaaña ndufo ato ke adised Yisọs Krais,

1 Yọọn 1:7

Ado ñnyịn ikpisaña ke unwana, naña anye aba ke unwana, ñnyịn inie ewana ye emọ-emọ awo, ndin iyiib Yisọs, Ayịn amọ, ayet ukeed ndiọiñkpọ ñnyịn afep.

1 Yọọn 4:10

Daña ima aba adodo, itooho sia ñnyịn immima Abasi; ado sia anye amaima ñnyịn, anyʌñ asio Ayịn amọ adọñ ate adido usio isop ndiọiñkpọ ñnyịn.

Adiyaara 1:5

anyʌñ ato Yisọs Krais andinọ ntiense akpanikọ, akpa ke atu mme andised ke ñkpa ye Andikara mme ndidem ederimbod. Ubọọñ mme adudu enie anye i-imaaha ñnyịn, a-anyʌññọ adat iyiib amọ ayet ñnyịn asio ke ndiọiñkpọ,

Adiyaara 5:9

Ndin ammọ emaekwọ ufa ikwọ ete: “Afo amedot adibọ ikpañwed, ñkʌppọ ñwed nyʌñ mbom mme ufiikñkpọ amọ, sia emaekuwowot Fiin ndin Afo amaadat iyiib mfo adep uduod awo asio ke mme aduuk, ubon awo, ye usem, ye idịd ayaak anọ Abasi.

Adiyaara 7:14

Ami mmaabọọrọ nte, “Ete! Afo amediọọñọ.” Ndin anye abo “Mbon ami edoñño mbon e-ewuọọñọke ke ekamba ukuud edi, ammọ emaeyeed mme afọñidem ammọ enyʌñ enam efia ke iyiib Ayịn Edọñ.