1 Yọọn 5:20 - Ñwed Abasi Ke Ikọ Ibibio Ayo Mfịn

²⁰ Imidiọọñọ ñko ke Ayịn Abasi adi anyʌñ inọ ñnyịn ifiọk naña ñnyịn ikeme edidiọọñọ andido akpanikọ. Ndin, ñnyịn idʌñ ke andido akpanikọ, kpa ke Ayịn amọ Yisọs Krais. Anye ado ñkukwere Abasi akpanikọ ye uwem nsi-nsi.

1 Yọọn 5:20 ပူးပေါင်းရင်းမြစ်များ

Matiu 13:11

Anye abọọrọ ammọ, “Inọ ndufo ikpọọñ unen adidiọọñọ ifiọk ndedịbe ñkpọ abio ubọọñ Abasi, idooho mbon mfen.

Eti Etob Naña Duk Awet 21:15

Sia ami nyaitemme ikọ ñnyʌñ inọ aniọñ ake mme asua ndufo mmiidiikanna ifaaña.

Eti Etob Naña Duk Awet 24:45

Ndin anye amaanam ikọ Abasi anwaña ammọ.

Yọọn 1:18

Awo ndomokeed akenam ikịtte Abasi, ado Ayịn Abasi ikpọọñ-ikpọọñ, a-anyʌññọ ado Abasi ke idem amọ, a-atieeghe ke ñkañ Abasi, anam eyaara anye.

Yọọn 10:30

Ami ye Ete mmi ido keed.”

Yọọn 14:20

Ke usen ado ndufo eyaediọọñọ ke ami mba ke Ete, kpa naña ndufo eba ke ami, ami ñko mba ke ndufo.

Yọọn 14:23

Yisọs amaabọọrọ ate, “Awo a-amaaha miin ayaanam ukpeeb ñkpo mmi, ndin Ete mmi ayaama anye ndin ñnyịn iyaidi ibịne anye inyʌñ idʌñ mme anye.

Yọọn 14:6

Ndin Yisọs amaabọọrọ: “Ami ndo usʌñ, mme akpanikọ mme uwem. Awo ndomokeed idieghe ibịne Ete ibọhọke anto miin.

Yọọn 14:9

Yisọs amaabo ate, “Nte ami mmekeme iba ye ndufo afịd anyan ini ami, Fidib, ndin afo usʌkkọ undiọọñọ miin? Awo ake adodo añkịtte miin akịd Ete, ndin ndufo ekeme die adibo, ‘Iwọt ñnyịn Ete’?

Yọọn 15:4

Indʌñ miin ke idem, nte a-ami idʌññọ ndufo ke idem. Ñkọk ndomokeed ikemeke adinwịm mfịd ke idem amọ, ibọhọke anye ayịre ke fain. Ndufo ñko idiikanna inwịm mfịd ibọhọke endʌñ miin ke idem.

Yọọn 17:14

Mmenọ ammọ ikọ mfo, ado anam ederimbod esua ammọ sia ammọ idooho ake ederimbod, kpa nte ami mendooho ake ederimbod.

Yọọn 17:25

“Adinen Ete, ñkọm adooho ederimbod udiọọñọke fiin, ami mmudiọọñọ fiin, ammọ ñko ediọọñọ ke afo akendọñ miin.

Yọọn 17:3

Idahami ami ado nsi-nsi uwem: ma ammọ udiọọñọ fiin, ukweeñe-ukweeñe Abasi akpanikọ, ye Yisọs Krais a-afo akenọọhọ adi.

Yọọn 20:28

Tọmọs amaabo anye, “Abọọñ mmi ye Abasi mmi.”

Yọọn 8:42

Yisọs amaabọọrọ, “Adieke Abasi akpedooho Ete ndufo, ndufo ekpaemma miin, sia ami nto Abasi ndi. Ami ñkedieeghe ke uduak idem mmi, ado anye akennọ ndi.

Utom 20:28

Ikpeme idem ndufo ye afịd atu edọñ a-Adisana Sịbidịd inịmme ndufo nte mme andikpeme, ido mme akpemeedọñ ufọkabasi a-anye akedeppe ke iyiib amọ.

Ñwed Mbon Rum 9:5

Ake ammọ ado mme nsọbom, ndin ato ke ammọ ediọọñọ nte Mesaya aketo adimana nte awo, a-adooho andikara afịd ñkpọ. Yak itooro anie Abasi ke nsi-nsi! Amen.

1 Kọrint 1:30

Ado ato ke anye ke afo aba ke Krais Yisọs, a-amaakekappa ado aniọñ ake atooho Abasi, ado ado, etiido ñnyịn, adisana ye adifakka.

2 Kọrint 4:6

Sia Abasi akenọọhọ uyo ate, “Yak unwana ayama ke akịm,” amaanam unwana amọ ayama ke esịd ñnyịn ma anye anwaña awo anyen adidiọọñọ ubọọñ Abasi ke iso Yisọs Krais.

2 Kọrint 5:17

Ke ntodo, adieke awo abaaha ke Krais, emaebot anye adufa, ñkaan ñkpọ emaeboiyo efep; sese eyekappa edo ndufa.

Efisọs 3:18

ekan enie adudu, ediana ye ukeed ndisana awo, nọ se ido ubom ye uniọñ ye ukoñ ye unịme ima Krais atʌm inwaña ndufo,

Fidibai 3:9

ñko enyʌñ eñkịt miin ke anye, nnieeghe nti ido ake mmi a-atooho ke ibed, ado anye a-atooho ke mbuọdidem ke Krais nti ido a-atooho Abasi ado ke mbuọdidem ke Krais.

1 Timoti 3:16

Eniin akuuba ke atu ndufo abaña ido ukpono Abasi ñnyịn sia ado ekamba utịbe ñkpọ: Ado anye akeyaara idem amọ ke ikpọkidem, anye ado Andinen ke Sịbidịd mme enyere emaekịt anye. Emaekwọrọ anye ke atu mme idịd, emaenịm anye ke akpanikọ ke ederimbod, ndin eben anye edọọk ke ubọọñ.

Taitọs 2:13

adaña ini ñnyịn ibette idodanyen adidiọñ uyai adiwuọ ñwọd idem, akwa Abasi ye Andinyaaña, Yisọs Krais,

Ibru 1:8

Ado ke abaña Ayịn anye abo, “Ebekpo mfo, O Abasi, ayaaba ke nsi-nsi, nsi-nsi; esañ unen adido esañ ubọọñ ukara mfo.

1 Yọọn 2:23

Awo a-akañña Ayịn, asịn Ete; awo a-anyịmmeke Ayịn anyʌñ anyịmme Ete.

1 Yọọn 2:24

Yak se ndufo ekekop tọọñọ ke editọọñọ asọọñọ asịnne ke uwem ndufo. Se ekekop tọọñọ ke editọọñọ akpesọọñọ asịnne ke uwem ndufo, ndufo eyaekaiso e-edʌñ ke Ayịn ye ke Ete.

1 Yọọn 2:6

Awo ake adodo adʌññọ ke anye ana adu uwem ukem-ukem nte Yisọs akedu.

1 Yọọn 4:14

Ñnyịn imikịt, iminyʌñ ido ntiense ibo ke Ete akedọñ Ayịn amọ ate adi nte Andinyaaña ederimbod.

1 Yọọn 4:16

Ke ami, ñnyịn imidiọọñọ, inyʌñ inie mbuọdidem ke ima a-Abasi anieeghe inọ ñnyịn. Abasi ado ima, Awo ake adodo adʌññọ ke ima adʌñ ke Abasi, Abasi anyʌñ adʌñ ke anye.

1 Yọọn 4:2

Ndufo ediidat ami idiọọñọ Sịbidịd a-atooho Abasi: Afịd-afịd sịbidịd a-anyịmmeke abo ke Yisọs Krais adi ke abʌkidem nte awo ato Abasi,

1 Yọọn 5:1

Afịd awo se inịm ke Yisọs ado Krais, ado se Abasi abon, awo ake adodo a-amaaha ete ama ayịn amọ ñko.

1 Yọọn 5:15

Ndin adieke ñnyịn idiọọñọke ke anye a-akop mme ebeeñe ñnyịn, se ibebịp, ñnyịn imidiọọñọ ke ñnyịn imibọ se ikibeeñe.

1 Yọọn 5:18

Ñnyịn imidiọọñọ ke awo ake adodo a-Abasi abonno ikemeke adika iso ke idiọọkñkpọ; Ayịn Abasi adooho Ete akebon, ado Andikpeme anye, ndin setan ikemeke adinam anye idiọọkñkpọ.

1 Yọọn 5:5

Anie ndin ado awo a-akanna ederimbod? Ibọhọke anye a-anịmme ke Yisọs ado Ayịn Abasi?

Adiyaara 15:3

enyʌñ ekwọ ikwọ Moses, isʌñutom Abasi, mme ikwọ Ayịn Edọñ, “Mme adinam mfo akpoon anyʌñ adoñño utịbe ñkpọ, Abọọñ Abasi Andikpon Ñkan. Mme usʌñ mfo enen enyʌñ edoñño akpanikọ, Adidem mme idịd.

Adiyaara 19:11

Mmaakịt abio ubọọñ Abasi naña ana inwañ, ke iso mmi afia enañ mbakara ada, ekood andiwad anye Nsọọnọda ye Akpanikọ. Ke unen anye akpe ikpe anyʌñ anwana ekọñ.

Adiyaara 3:14

“Wet nọ enyere ufọkabasi Daodisia: Ami ado mme ikọ andido Amen, andisọọñọ nda mme ntiense akpanikọ, anye a-adooho andikara afịd se Abasi akebot.

Adiyaara 3:7

“Wet nọ enyere ufọkabasi ke Fidadefia: Ami ado mme ikọ anye a-adooho adisana mme akpanikọ, anye a-akamake ukpọhọde Defid. Se anye atat awo ndomokeed ikanna ikọp, se anye anyʌñ akọp awo ndomokeed ikanna itat.

Adiyaara 6:10

Ammọ emaekood ke akpọsọñ uyo ete, “Adikpeene die, Abọọñ Andikara, Adisana mme Akpanikọ, ndin Afo akpe ikpe mme andidʌñ ke ederimbod anyʌñ asio usieene iyiib ñnyịn e-ekeduọkkọ?”