1 Yọọn 5:14 - Ñwed Abasi Ke Ikọ Ibibio Ayo Mfịn

¹⁴ Ami ado nsọọñọidem a-ñnyịn inieeghe edisaña ñkpere Abasi: ke adieke ñnyịn ibeeñeke ñkpọ ake adodo anyʌñ akekem ye uduak amọ, anye a-akop.

1 Yọọn 5:14 ပူးပေါင်းရင်းမြစ်များ

Matiu 21:22

Adieke enieeghe mbuọdidem eyaebọ se ndufo ebọñ akam eyem.”

Yọọn 11:42

Mmaadiọọñọ mbo ke afo amesikop uyo mmi afịd ini, ado ñketañ ke ntak ufọn mme atu awo e-ebaññake mi, ma ammọ enịm ke afo akendọñ miin.”

Yọọn 14:13

Se idodo a-ndufo ebeeñeke ke anyịñ mmi ñyaanam, ma Ete abọ itooro ato ke Ayịn.

Yọọn 15:7

Ndufo ekpedʌñ ke ami ndin ikọ mmi isịne ndufo ke idem, ibịp se eyeyem ke eyainọ ndufo.

Yọọn 16:24

Tutu ami, kpaanam ndufo imbịppe ñkpọ ndomokeed ke anyịñ mmi. Ibịp ke eyaebọ, ndin idaara ndufo ayaayọhọ.

Yọọn 9:31

Ñnyịn imidiọọñọ ke Abasi isikpañña utọñ inọ mme anam idiọọkñkpọ. Abasi akpañ utọñ anọ mbon etʌmmọ ekpono anye enyʌñ enam uduak amọ.

Efisọs 3:12

Ke anye, anyʌñ ato ke mbuọdidem ke anye, ñnyịn imikeme adisaña ñkpere Abasi ke ñkpọkñyak ye uko.

Ibru 10:35

Ke ntodo, ikiitoomo nsọọñọnda ndufo iduọọñọ, eyaebọ umiañ-umiañ utịp.

Ibru 3:14

Ñnyịn imidi adiwuana ke Krais adieke ñnyịn idiikan isọñ ubọk imʌm mbuọdidem a-ñnyịn ikinieeghe ke akpa ikama tutu asịm utịd.

Ibru 3:6

Ado Krais anam akpanikọ nte Ayịn ke ufọkabasi. Ndin ñnyịn ido ufọk amọ, adieke ñnyịn imʌmmọ etiido ñnyịn ikama ye idodanyen a-ñnyịn idatta itañ ase.

Yemsi 4:3

Ke ini ndufo ebịppe, ndufo ibọọhọ, sia ndufo ebịp mme idiọọk ntak, nọ ebiad se ndufo enie ke udọñ abʌkidem ndufo.

Yemsi 5:16

Ke ntodo, eyaara idiọọkñkpọ ndufo enọ keed aken enyʌñ ebọñ akam enọ keed aken nọ atoodo ekọk ndufo udọñọ. Akam adinen awo asọñ adudu anyʌñ anam ñkpọ.

1 Yọọn 2:28

Idahami, ndima nditọ, ekaiso edʌñ ke anye, ma ke ini a-anye adiyaara idem amọ, ñnyịn ikan ida ke uko; idiinyʌññọ ikop abuud ke ini anye adidi.