1 Yọọn 5:1 - Ñwed Abasi Ke Ikọ Ibibio Ayo Mfịn

¹ Afịd awo se inịm ke Yisọs ado Krais, ado se Abasi abon, awo ake adodo a-amaaha ete ama ayịn amọ ñko.

1 Yọọn 5:1 ပူးပေါင်းရင်းမြစ်များ

Matiu 16:16

Ndin Saimọn Bita asio atañ, “Afo ado Krais, Ayịn ndu-ndu Abasi.”

Eti Etob Naña Duk Awet 7:5

sia anye ama abio ñnyịn; amaanyʌñ abọp sinakọk inọ ñnyịn.”

Yọọn 1:3

Aketo anye afịd ñkpọ adibañña; ibaaha ñkpọ a-mmikitooho anye.

Yọọn 15:23

Awo a-ansuaha miin asua Ete mmi ñko.

Yọọn 3:3

Ke ibọọrọ Yisọs amaabo anye ate, “Ke ata akpanikọ ami ntañ inọ ndufo, ibọhọke awo amaana amana ufa, anye idiikanna ikịt abio ubọọñ Abasi.”

Yọọn 6:69

Ñnyịn imidinịm ke akpanikọ inyʌñ ididiọọñọ ke afo ado Adisana Awo a-atooho Abasi.”

Yọọn 8:42

Yisọs amaabọọrọ, “Adieke Abasi akpedooho Ete ndufo, ndufo ekpaemma miin, sia ami nto Abasi ndi. Ami ñkedieeghe ke uduak idem mmi, ado anye akennọ ndi.

Utom 8:36

Naña ammọ ekesʌkkọ eka ke usʌñ isañ ado, ammọ emaediwuọ itie mmọọñ keed, ndin itọ ado amaabo, “Kap se mmọọñ mi, nso-o ikeme adiñkpan miin adibọ uduọkmmọọñ?”

Utom 8:37

Fidib amaabo anye, “Amekeme, akpedo amenịm ke afịd esịd mfo.” Awo itọ amaabọọrọ ate, “Ami mmenịm ke akpanikọ nte ke Yisọs ado Ayịn Abasi.”

Yemsi 1:18

Anye amaamek adibon ñnyịn ito ke ikọ akpanikọ, nọ ato do ñnyịn ido nte akpa mfịd, ke atu afịd se anye abot.

1 Bita 1:3

Itooro anie Abasi ye Ete Abọọñ ñnyịn Yisọs Krais! Ke akamba mbọm ammọ, annọ ñnyịn ufa emana asịn ke uwem idodanyen ato ke adised Yisọs Krais ke ñkpa;

1 Yọọn 2:10

Awo a-amaaha ayịnete amọ, adʌñ ke unwana, ndin ibaaha ñkpọ ke idem amọ a-adiinam nọ anye atuaha ukod.

1 Yọọn 2:29

Adieke ndufo ediọọñọke ke anye ado adinen, ediọọñọ ndin ebo ke anye ado Andibon afịd awo e-enamma se inen.

1 Yọọn 3:14

Ñnyịn imidiọọñọ ibo ke imiwuọọñọ ke ñkpa, idʌk ke uwem, sia ñnyịn imima nditọete ñnyịn. Awo ake mmiinieeghe ima asʌk aka iso asịne ke ñkpa.

1 Yọọn 3:17

Adieke awo anieeghe inie ndin akịd ayịnete amọ abaaha ke unana, ado ituaaha anye mbọm, ima Abasi anam die aba ke uwem awo ado?

1 Yọọn 3:9

Awo a-Abasi abonno idiikaaha iso inam idiọọk ñkpọ, sia ñkpasi Abasi mmọdo adʌñ anye ke idem; anye inyʌññọ ikan ikaiso inam idiọọkñkpọ, sia ato ke Abasi, anye a-amana ufa.

1 Yọọn 4:2

Ndufo ediidat ami idiọọñọ Sịbidịd a-atooho Abasi: Afịd-afịd sịbidịd a-anyịmmeke abo ke Yisọs Krais adi ke abʌkidem nte awo ato Abasi,

1 Yọọn 4:20

Adieke awo ndomokeed abooho, “Mmema Abasi” ado asua ayịnete amọ, anye ado asʌhọ nsu. Sia awo a-mmiimaaha ayịnete amọ a-anye akịtte ke anyen, ikemeke ima Abasi a-anye mmiikịtte.

1 Yọọn 4:7

Mme ndima ufan, yak ñnyịn ima keed aken, sia ima ato Abasi, ndin awo ake adodo a-anieeghe ima ado ayịn Abasi, anye anyʌñ adiọọñọ Abasi.

1 Yọọn 5:18

Ñnyịn imidiọọñọ ke awo ake adodo a-Abasi abonno ikemeke adika iso ke idiọọkñkpọ; Ayịn Abasi adooho Ete akebon, ado Andikpeme anye, ndin setan ikemeke adinam anye idiọọkñkpọ.

1 Yọọn 5:4

sia, afịd awo se Abasi abon e-ekan ederimbod. Edikan ami ado se ikan ederimbod, mbuọdidem ñnyịn.

1 Yọọn 5:5

Anie ndin ado awo a-akanna ederimbod? Ibọhọke anye a-anịmme ke Yisọs ado Ayịn Abasi?