1 Yọọn 4:9 - Ñwed Abasi Ke Ikọ Ibibio Ayo Mfịn

⁹ Edat ami eyaara ima a-Abasi anieeghe inọ ñnyịn, ke anye edinọ ikpọọñ Ayịn amọ adi ke isọñ, nọ atoodo ñnyịn inie uwem ito anye.

1 Yọọn 4:9 ပူးပေါင်းရင်းမြစ်များ

Maak 12:6

“Anye amaanie awo keed a-akesʌhọke anye adidọñ, ayịn amọ awodeen, a-anye akemaaha. Anye akeanọ anye aka akpatre, abo ate, ‘Ammọ eyaekpono ayịn mmi.’

Eti Etob Naña Duk Awet 4:18

“Sịbidịd Abọọñ andoro miin ke idem, sia anye amaañyet miin adan anịm, adikwọrọ eti mbʌk nnọ mme uwueene. Anye amaandọñ miin adikwọrọ uwuọufʌn nnọ mbon ñkpọkọb, ye aditịmme ñkịdusʌñ nnọ mme nnan ye ñkpọkñyak nnọ mbon a-mme awo efiighe,

Yọọn 10:10

Inọ adi adiyịp ñkpọ ñnyʌñ ñwot awo ñnyʌñ nsobo, ado ami mmedi nọ ammọ enie uwem, enyʌñ enie anye ayọhọ-ayọhọ.

Yọọn 14:6

Ndin Yisọs amaabọọrọ: “Ami ndo usʌñ, mme akpanikọ mme uwem. Awo ndomokeed idieghe ibịne Ete ibọhọke anto miin.

Yọọn 3:16

“Sia Abasi akeneenekke ama ederimbod asịn anye akenọ ukweeñe Ayịn keed anye anieeghe mbaak awo ake adodo anịmme anye ke akpanikọ akuutak ado anie nsi-nsi uwem.

Yọọn 3:18

Awo ake adodo anịmme anye ke akpanikọ, awo idiibiommo anye ikpe, ado awo ake adodo a-mmiinịmme anye ke akpanikọ, ekap ebobiom anye ikpe, sia anye inịmme ke anyịñ ukweeñe Ayịn keed a-Abasi anieeghe ke akpanikọ.

Yọọn 5:23

ma afịd awo ekpono Ayịn naña ammọ ekpono Ete. Awo ake adodo a-asịnne adikpono Ayịn asịn ñko adikpono Ete a-akendọññọ anye adi.

Yọọn 6:29

Yisọs amaabo ammọ, “Utom Abasi ado ami: adinịm anye a-anye adọññọ ke akpanikọ.”

Yọọn 6:51

Ami ndo uyo uwem aketooho abio ubọọñ Abasi asọiyọ adi. Awo ake adodo a-ataaha uyo ami ayaadu uwem ke nsi-nsi. Uyo ami ado ikpọkidem mmi, a-ami ndiinọ ke ubiọñ uwem ederimbod.”

Yọọn 6:57

Nte ndu-ndu Ete akendọññọ ndin ami ñnyʌñ mbọ uwem nto Ete, ntodo ñko ke awo ake adodo a-ntaaha miin adidu uwem ke ntak mmi.

Yọọn 8:29

Anye a-akendọññọ ndi mmọdo ye ami, anye inyʌññọ insaana miin iyaak ikpọọñ, sia afịd ini ami nsie nam se inem anye esịd.”

Yọọn 8:42

Yisọs amaabọọrọ, “Adieke Abasi akpedooho Ete ndufo, ndufo ekpaemma miin, sia ami nto Abasi ndi. Ami ñkedieeghe ke uduak idem mmi, ado anye akennọ ndi.

Yọọn 9:3

Yisọs amaabọọrọ ate, “Idooho anye, inyʌññọ ido ete mme eka amọ ekenam idiọọkñkpọ; anye akemana nnan nọ ato do utom Abasi ayaara ke idem amọ.

Ñwed Mbon Rum 8:32

Anye a-amiikiyimme Ayịn amọ, ado ayaak anye anọ afịd ñnyịn, die ndin ke anye ñko ukem ye anye akpetre aditat ubọk inọ ñnyịn afịd ñkpọ?

Ibru 1:5

Ake-e ke atu mme enyere ke akenam Abasi abo, “Afo ado Ayịn mmi; mfịn ami mmubon fiin”? Me mfen, “Ami ñyaado Ete amọ, ndin anye ayaado Ayịn mmi”?

1 Yọọn 3:16

Ñnyịn idat ami idiọọñọ ima Abasi: Yisọs Krais amaayaak uwem amọ anọ ke ntak ñnyịn. Ñnyịn ñko, akpena iyaak uwem ñnyịn inọ ke ntak nditọete ñnyịn.

1 Yọọn 4:10

Daña ima aba adodo, itooho sia ñnyịn immima Abasi; ado sia anye amaima ñnyịn, anyʌñ asio Ayịn amọ adọñ ate adido usio isop ndiọiñkpọ ñnyịn.

1 Yọọn 4:16

Ke ami, ñnyịn imidiọọñọ, inyʌñ inie mbuọdidem ke ima a-Abasi anieeghe inọ ñnyịn. Abasi ado ima, Awo ake adodo adʌññọ ke ima adʌñ ke Abasi, Abasi anyʌñ adʌñ ke anye.

1 Yọọn 5:11

Ikọ ntiense ami ado: Abasi inọ ñnyịn nsi-nsi uwem, uwem ami anyʌñ aba ke Ayịn amọ.

1 Yọọn 5:13

Ñwet ami inọ ndufo e-enịmme Ayịn Abasi ke akpanikọ ma ndufo ediọọñọ ke mmimọ iminie nsi-nsi uwem.