1 Yọọn 4:6 - Ñwed Abasi Ke Ikọ Ibibio Ayo Mfịn

⁶ Ñnyịn ido nditọ Abasi, ndin awo a-adiọọñọke Abasi akpañ utọñ inọ ñnyịn; ado awo a-mmiidiọọñọke Abasi ikoppo ikọ ñnyịn. Ami ke ñnyịn idat ami idiọọñọ Sịbidịd akpanikọ ye sịbidịd nsu.

1 Yọọn 4:6 ပူးပေါင်းရင်းမြစ်များ

Eti Etob Naña Duk Awet 10:22

“Ete mmi amaayaak afịd ñkpọ ansịn ke ubọk. Awo ndomokeed idiọọñọke ake awo Ayịn ado, ibọhọke Ete ikpọọñ, awo ñko idiọọñọke se Ete ado, ibọhọke Ayịn ye mbon a-Ayịn amekke adiyaara anye nnọ.”

Yọọn 10:16

Ami mmenie mme edọñ mfen e-mmiisịneke ke atu ami, ndin ana ami mben ammọ ndi ñko. Ammọ ñko eyaekpañ utọñ ekop uyo mmi, ndin atu edọñ keed ye akpemedọñ keed adiiba.

Yọọn 10:27

Mme edọñ mmi ekpañ utọñ ekop uyo mmi; ami mmediọọñọ ammọ, ammọ enyʌñ eñkeene miin.

Yọọn 10:3

Akpeme inuaatob akʌkkọ usʌñ anọ anye adʌk, ndin mme edọñ ekpañ utọñ ekop uyo amọ. Anye akood edọñ amọ ke anyịñ anyʌñ akoono ammọ awuọ esiin.

Yọọn 13:20

Ke ata akpanikọ ami ntañ inọ ndufo, awo ake adodo a-anyịmmeke awo ami ndọññọ añnyịmme miin; awo ake adodo anyʌññọ añnyịmme miin, anyịmme anye a-akendọññọ miin.”

Yọọn 14:17

Sịbidịd akpanikọ. Ederimbod idiiyemme anye sia ammọ idiọọñọke inyʌññọ ikịt anye. Ado ndufo emediọọñọ anye, sia anye adʌñ ke idem ndufo, anye adiiba ye ndufo ñko.

Yọọn 15:26

“Adọñ awo esịd amaadi, a-ami ndibọ Ete nnọ isọk ndufo, Sịbidịd akpanikọ a-atooho Ete, anye ayaatie ntiense ambaña miin.

Yọọn 16:13

Ado anye, Sịbidịd akpanikọ amaadi, anye ayaidat ndufo iwọt usʌñ afịd akpanikọ. Anye idiitañña ikọ idem amọ, aditañ se anye akop kpọd, anye ayaidọkkọ ndufo se idiidi ke ini iso.

Yọọn 18:37

Baided ndin abịp anye, “Ke ntodo, nte afo ado adidem?” Yisọs amaanọ ibọọrọ ate, “Afo abo ke ndo adidem. Ke aditịm ntañ, ntak a-ami ñkemanake ñnyʌñ ndi ke ederimbod ado adinam ekondo ediọọñọ akpanikọ. Afịd awo se ima akpanikọ edo mme andikop uyo mmi.”

Yọọn 20:21

Yisọs amaamaana abo, “Emem aba mme ndufo! Nte Ete akendọññọ miin, ami mmidọñ ndufo.”

Yọọn 8:19

Ndin ammọ emaebịp anye ate, “Ete mfo aba ke uke?” Yisọs amaabọọrọ, “Ndufo indiọọñọke miin, inyʌññọ idiọọñọ Ete mmi, adieke ekpekendiọọñọke miin, ekpaekediọọñọ Ete mmi ñko.”

Yọọn 8:23

Yisọs amaaka iso atañ: “Ndufo eto ke isọñ, ami nto ke anyọñ. Ndufo edoñño ake ederimbod ami, ami ndooho ake ederimbod emi.

Ñwed Mbon Rum 1:1

Bọọd, ayịnufọk Krais Yisọs, ekoodo adido abọsịd enyʌñ esio enịm saña-saña enọ eti etob Abasi,

Ñwed Mbon Rum 11:8

kpa naña ekewet “Abasi amaanọ Sịbidịd ekandịk idap, anyen a-ammikiikanna ikịt ñkpọ ye utọñ a-ammikiikanna ikop ikọ, tutu asịm nte mfịn.”

1 Kọrint 14:37

Adieke awo akereke ate ke imọ ido brọfed me inie enọ sịbidịd, yak anye anyịmme ke se ami ñwet ami ado ewʌhọ Abasi.

2 Kọrint 10:7

Ndufo ese ñkpọ anyọñ-anyọñ. Awo keed ake adodo a-adiọọñọke ate ke imọ ido ake Krais, yak anye atọọñọ ntak akekere ami ke esịd amọ ate, naña imọ ido ake Krais, kpa ntodo ke ñnyịn ido.

2 Tesadonia 1:8

Anye ayaamia mbon a-mmiidiọọñọke Abasi ufen a-mmiinyʌññọ isuuk iwuod inọ Abọọñ ñnyịn Yisọs.

1 Timoti 4:1

Sịbidịd atʌm atañ ate ke ini utịd eyo, mme awo eyaeduọññọ ekpọñ mbuọdidem ekeene mme nsu-nsu sịbidịd ye ukpeebñkpọ ndiọi sịbidịd.

2 Bita 3:2

Ñyem ndufo etoiyo mme ikọ mme ndisana brọfed eketaña ke anyan ini a-akeboiyeke ye ewʌhọ Abọọñ ye Andinyaaña ñnyịn akinọọhọ ato mme abọsịd ndufo.

1 Yọọn 4:1

Mme ndima ufan, ikiinịm afịd sịbidịd, ado edomo mme sịbidịd se me eto Abasi, sia uwak-uwak brọfed nsu ewuọọñọ edʌk ederimbod.

1 Yọọn 4:4

Mme ndima nditọ mmi, ndufo eto Abasi ndin ke ntak ami, ndufo emekan ammọ, sia anye abaaha ke idem ndufo akpon akan anye a-abaaha ke ederimbod.

1 Yọọn 4:8

Awo ake mmiinieeghe ima idiọọñọke Abasi, sia Abasi ado ima.

1 Yọọn 5:19

Ñnyịn imidiọọñọ ke ñnyịn ido nditọ Abasi ñko ke ukeed-ukeed ñkpọ ke iso isọñ asịne ke ukara andidiọọk.

Ñwed Yud 1:17

Ado, mme ufan mmi, ndufo etoiyo ikọ a-mme abọsịd Abọọñ ñnyịn Yisọs Krais eketooho etañ.