1 Yọọn 4:12 - Ñwed Abasi Ke Ikọ Ibibio Ayo Mfịn

¹² Awo ndomokeed akenam ikịtte Abasi ke anyen; ado adieke ñnyịn imaaha emọ-emọ awo, Abasi adʌñ ke esịd ñnyịn anyʌñ anam ima Abasi afọn ama ke uwem ñnyịn.

1 Yọọn 4:12 ပူးပေါင်းရင်းမြစ်များ

Yọọn 1:18

Awo ndomokeed akenam ikịtte Abasi, ado Ayịn Abasi ikpọọñ-ikpọọñ, a-anyʌññọ ado Abasi ke idem amọ, a-atieeghe ke ñkañ Abasi, anam eyaara anye.

1 Kọrint 13:13

Ndin idahami ñkpọ ita ami esʌhọ: mbuọdidem, idodanyen ye ima. Ado andikpon ñkan ke atu mme ñkpọ ami ado ima.

1 Timoti 1:17

Yak ukpono ye ubọọñ anie nsi-nsi Adidem a-akarake ke afịd emana, anye a-mmiikpaaha, a-anyen awo mmiikịtte anye, kpa Abasi keed ke nsi-nsi nsi-nsi. Amen.

1 Timoti 6:16

anye ikpọọñ mmiidiikpaaha ñkpa anyʌñ adʌñ ke unwana a-awo mmiikanna adisaña ñkpere, Kpaanam awo ikịtte anye inyʌññọ ikan ikịt. Ubọọñ ye adudu enie anye ke nsi-nsi. Amen.

Ibru 11:27

Ke mbuọdidem, anye amaakpọñ Iyịpt ikereke ibaña ifiobesịd adidem; anye amaasịn ifịk sia anye akese anye a-awo mmiikịtte ke anyen.

1 Yọọn 2:5

Ado adieke awo anịmme ikọ amọ ke akpanikọ, ima Abasi afọn ama ke idem amọ. Ndin ami ado usʌñ a-ñnyịn idiọọñọke ke iminie nsọọñọnda ye anye.

1 Yọọn 3:24

Mbon e-enịmme ewʌhọ Abasi edʌñ ke anye, anye anyʌñ adʌñ ke esịd ñnyịn, ato ke Sịbidịd a-anye akinọọhọ ñnyịn.

1 Yọọn 4:16

Ke ami, ñnyịn imidiọọñọ, inyʌñ inie mbuọdidem ke ima a-Abasi anieeghe inọ ñnyịn. Abasi ado ima, Awo ake adodo adʌññọ ke ima adʌñ ke Abasi, Abasi anyʌñ adʌñ ke anye.

1 Yọọn 4:20

Adieke awo ndomokeed abooho, “Mmema Abasi” ado asua ayịnete amọ, anye ado asʌhọ nsu. Sia awo a-mmiimaaha ayịnete amọ a-anye akịtte ke anyen, ikemeke ima Abasi a-anye mmiikịtte.

1 Yọọn 4:6

Ñnyịn ido nditọ Abasi, ndin awo a-adiọọñọke Abasi akpañ utọñ inọ ñnyịn; ado awo a-mmiidiọọñọke Abasi ikoppo ikọ ñnyịn. Ami ke ñnyịn idat ami idiọọñọ Sịbidịd akpanikọ ye sịbidịd nsu.