1 Yọọn 4:1 - Ñwed Abasi Ke Ikọ Ibibio Ayo Mfịn

¹ Mme ndima ufan, ikiinịm afịd sịbidịd, ado edomo mme sịbidịd se me eto Abasi, sia uwak-uwak brọfed nsu ewuọọñọ edʌk ederimbod.

1 Yọọn 4:1 ပူးပေါင်းရင်းမြစ်များ

Maak 13:21

Ke ini ado awo ndomokeed akpibo ndufo, ‘Se mi, Mesaya aba mi,’ me, ‘Se anye ke ñko,’ ikiinịm ke akpanikọ.

Eti Etob Naña Duk Awet 12:57

“Nso-o ido nọ ndufo mmiikanna ibiire ke idem ndufo se ido akpanikọ?

Eti Etob Naña Duk Awet 21:8

Anye amaabọọrọ, “Ikpeme mbaak edibiaaña ndufo. Sia mme awo eyaedi ke anyịñ mmi, ete, ‘Ami ndo anye’ ye ‘Ini akpere.’ Ikiikeene ammọ.

Utom 17:11

Mme yuu ukañ Beria emaeniehe nti ido ekan ake mbon Tesadonika, sia ammọ emaebọ etop ami ke ata ayọhọ udọñ enyʌñ eduuñọ ñwed Abasi afịd usen adikịt me se Bọọd aketañ akedo akpanikọ.

Utom 20:29

Mmediọọñọ mbo ke mmaakpọñ, mme ndiọi anawịt ekpe eyaedʌk ke atu ndufo, idiinyʌññọ itua atu edọñ mbọm.

1 Kọrint 12:10

awo mfen enọ utịbe adudu, awo mfen enọ utañ brọfesi, awo mfen enọ adiduuñọ mme sịbidịd, awo mfen enọ enọ aditañ ikọ ke nsio-nsio usem, awo mfen esʌk enọ enọ adikappa mme nsio-nsio usem.

1 Kọrint 14:29

Brọfed iba me ita akpena etañ ikọ, ndin mbon ñko ana enekke edomo se ammọ etaña.

1 Tesadonia 5:20

Ikiinyʌñ isịn mme brọfesi ke ndek.

1 Tesadonia 5:21

Idomo afịd ñkpọ ise; inyʌñ imʌm se ifọn ikama.

2 Tesadonia 2:2

ikiisọp iyak ñkpọ itịmede ndufo esịd me adinam ndufo ndịk ato mme usʌk brọfesi, etob me deta e-ebooho ke ito ñnyịn, atañña abo ke usen Abọọñ adidi adisịm ama.

1 Timoti 4:1

Sịbidịd atʌm atañ ate ke ini utịd eyo, mme awo eyaeduọññọ ekpọñ mbuọdidem ekeene mme nsu-nsu sịbidịd ye ukpeebñkpọ ndiọi sịbidịd.

2 Timoti 3:13

Ado ndiọi awo ye mme anam abiaaña, eyaekaka iso ediọi ekan, enyʌñ eka iso ebiaaña awo, mme awo enyʌñ ebiaaña ammọ.

2 Bita 2:1

Ado mme brọfed abiaaña emaebiọññọ ke ufọọd mme awo kpa naña mme andikpeeb abiaaña ediinyʌñ iba ke ufọọd ndufo. Ammọ eyaedat ndịbe-ndịbe nsosobo asen ukpeebñkpọ edi kpa ye adikañ andikọñ ñkan Abọọñ a-akedeppe ammọ, ndin edat nsobo usọp-usọp esọk idem ammọ.

1 Yọọn 2:18

Ndima nditọ, utịd ini ado ami; ndin sia ndufo emekop ke andibiọọññọ Krais asʌk adi, kpa idem idaha ami, uwak-uwak mme andibiọọññọ Krais ewuọọñọ ewọt idem. Ami anam ñnyịn idiọọñọ ke utịd ini ado ami.

1 Yọọn 2:7

Mme ndima ufan, idooho ufa ibed ke ñwet inọ ndufo, ado kpa akaan ibed a-ndufo emadiọdiọọñọ tọọñọ ke editọọñọ.

2 Yọọn 1:7

Uwak mbon abiaaña, ammiinyịmmeke ibo ke Yisọs Krais amaadi ke ederimbod ke abʌkidem, ewuọọñọ edọñọ ke ederimbod. Utọ awo ami edo awo abiaaña ye andibiọọññọ Krais.

3 Yọọn 1:11

Adima ufan, kuukeene udʌk usʌñ idiọọk ado keene se ido eti. Awo a-anamma se ifọn ato Abasi. Anam ndiọi idiọọñọke Abasi.

Adiyaara 2:2

Ami mmediọọñọ mme utom mfo, mme ñwaidem ye ime a-afo anieeghe. Ami mmediọọñọ naña afo uduukanna uyọ mbon ndubịk, ndin afo amedomo mbon e-ebooho ke mmimọ idoñño mme abọsịd ase, ado idoññoke, edo mbon abiaaña.