1 Yọọn 3:9 - Ñwed Abasi Ke Ikọ Ibibio Ayo Mfịn

⁹ Awo a-Abasi abonno idiikaaha iso inam idiọọk ñkpọ, sia ñkpasi Abasi mmọdo adʌñ anye ke idem; anye inyʌññọ ikan ikaiso inam idiọọkñkpọ, sia ato ke Abasi, anye a-amana ufa.

1 Yọọn 3:9 ပူးပေါင်းရင်းမြစ်များ

Matiu 7:18

Eti eto ikemeke inwịm idiọọk mfịd, nko idiọọk eto ikemeke inwịm eti mfịd.

Yọọn 1:13

nditọ e-mmiikimanake ito uduod awo, mme udọñ abʌkidem, me uduak ebe, ado amana ato Abasi.

Yọọn 3:3

Ke ibọọrọ Yisọs amaabo anye ate, “Ke ata akpanikọ ami ntañ inọ ndufo, ibọhọke awo amaana amana ufa, anye idiikanna ikịt abio ubọọñ Abasi.”

Utom 4:20

Sia ñnyịn idiikanna itre aditañ mbaña se ñnyịn ikikịt inyʌñ ikop.”

Ñwed Mbon Rum 6:2

Idooho ntodo! Die ke ñnyịn i-imaikikpañña inọ ndiọiñkpọ ñnyịn idi ikaiso isịne kpa ke idiọọkñkpọ ado aba?

Kadesia 5:17

Sia abʌkidem ayem se Sịbidịd miimaaha, ndin Sịbidịd inyʌññọ iwʌrọ se abʌkidem ama. Sịbidịd mme uduod idiọọkñkpọ eba ke ndusuaara, ke ntodo ukanna unam se afo ayem inam.

Taitọs 1:2

mbuọdidem mme ifiọk a-akọñọke ke idodanyen nsi-nsi uwem, ake Abasi, anye a-mmiisʌhọke nsu, a-akeñwọñọke mbemiso aditọọñọ ini,

1 Bita 1:23

Sia ana ndufo emaemana ufa, itieeghe nte ñkpasi a-akpaaha, ado eba ke ubon a-mmiidibiarake, ato ke ikọ Abasi a-aduuho uwem anyʌññọ akpeene ke nsi-nsi.

1 Yọọn 2:29

Adieke ndufo ediọọñọke ke anye ado adinen, ediọọñọ ndin ebo ke anye ado Andibon afịd awo e-enamma se inen.

1 Yọọn 3:6

Awo a-adʌññọ ke anye ikaaha iso inam idiọọk ñkpọ. Awo ake adodo a-akaaha iso anam idiọọkñkpọ ikịtte anye; inyʌññọ idiọọñọ anye.

1 Yọọn 4:7

Mme ndima ufan, yak ñnyịn ima keed aken, sia ima ato Abasi, ndin awo ake adodo a-anieeghe ima ado ayịn Abasi, anye anyʌñ adiọọñọ Abasi.

1 Yọọn 5:1

Afịd awo se inịm ke Yisọs ado Krais, ado se Abasi abon, awo ake adodo a-amaaha ete ama ayịn amọ ñko.

1 Yọọn 5:18

Ñnyịn imidiọọñọ ke awo ake adodo a-Abasi abonno ikemeke adika iso ke idiọọkñkpọ; Ayịn Abasi adooho Ete akebon, ado Andikpeme anye, ndin setan ikemeke adinam anye idiọọkñkpọ.

1 Yọọn 5:4

sia, afịd awo se Abasi abon e-ekan ederimbod. Edikan ami ado se ikan ederimbod, mbuọdidem ñnyịn.

3 Yọọn 1:11

Adima ufan, kuukeene udʌk usʌñ idiọọk ado keene se ido eti. Awo a-anamma se ifọn ato Abasi. Anam ndiọi idiọọñọke Abasi.