1 Yọọn 3:8 - Ñwed Abasi Ke Ikọ Ibibio Ayo Mfịn

⁸ Awo a-anamma idiọọk ado ke setan, sia setan ado anam idiọọk tọọñọ ke editọọñọ. Ayịn Abasi akedi ma adibiad ubọkutom setan.

1 Yọọn 3:8 ပူးပေါင်းရင်းမြစ်များ

Matiu 12:28

Ado adieke ndatta Sịbidịd Abasi mbịn ndiọi sịbidịd nsiooño, abio ubọọñ Abasi adisịm ndufo.

Matiu 13:38

Inwañ ado ederimbod, ndin eti ñkpasi ada anọ nditọ abio ubọọñ. Mbiod ada anọ nditọ andidiọọk,

Matiu 4:3

Ndin andidomo adibịne anye ate, “Adieke afo adooho Ayịn Abasi bo mme itiad ami ekappa uyo.”

Maak 1:24

“Nso-o ke ayem ye ñnyịn, Yisọs Ayịn Nasared? Afo adisobo ñnyịn? Mmediọọñọ se afo ado: Adisana Ayịn Abasi!”

Eti Etob Naña Duk Awet 10:18

Anye ate ammọ, “Mmaakịt Setan naña ato ke ikpaanyọñ adiduọ nte akepkep.

Yọọn 12:31

Ini ubiire ikpe nnọ ederimbod ami akem; idahami eyaebịn akpan abọọñ ederimbod ami esio.

Yọọn 16:11

ñko ke ntak ubiireikpe sia ayịn abọọñ isọñ ami aba ke ubiomikpe.

Yọọn 8:44

Ndufo eto ete ndufo, a-adooho setan, ñko ndufo eyem adinam uduak ete ndufo. Anye akedo awodawo tọọñọ ke editọọñọ, akenam anye itañña akpanikọ, sia mbeñe akpanikọ keed ibaaha anye ke idem. Anye amaasʌhọ nsu, anye ado asaña akekem ke ata uduod amọ, sia anye ado asʌhọ nsu, ado ete akpaimọ nsu.

Ñwed Mbon Rum 16:20

Abasi emem ayaasọp inuak Setan ke idak ukod ndufo. Yak mfọn Abọọñ Yisọs aba mme ndufo.

Efisọs 2:2

a-ndufo ekedụụho ke adikikeene ndʌk mme usʌñ ederimbod ami, ye ake andida ukara ubọọñ ke ikpeghe afịm, sịbidịd a-anamma utom idahami ke esịd mbon e-etreke utọñ.

Kodosi 2:15

Ndin ke amaakebọ mme adudu ye mme ukara, anye anam ammọ ñkpọ ndise anwa-anwa, ndin akan ammọ ke krọs.

1 Timoti 3:16

Eniin akuuba ke atu ndufo abaña ido ukpono Abasi ñnyịn sia ado ekamba utịbe ñkpọ: Ado anye akeyaara idem amọ ke ikpọkidem, anye ado Andinen ke Sịbidịd mme enyere emaekịt anye. Emaekwọrọ anye ke atu mme idịd, emaenịm anye ke akpanikọ ke ederimbod, ndin eben anye edọọk ke ubọọñ.

Ibru 2:14

Sia nditọ enieehe abʌk ye iyiib, anye ñko awuana ke uduod awo, nọ ato ke ñkpa amọ anye abiad anye a-akamake adudu ñkpa, a-adooho, andidiọọk,

Ibru 9:26

Akpedooho ntodo, awuọ Krais akpaakebọ ufen uwak-uwak ini tọọñọ ke ini e-ekebotto ederimbod. Ado idahami anye amaadi ini keed kpọd anọ ukeed awo ke mme utịd ini ami adidiben idiọọkñkpọ mfep ke anye adiwa idem amọ.

2 Bita 2:4

Sia adieke Abasi miikiyakka mme enyere e-ekedueehe ebọkkọ, ado atop ammọ aduọk ke itie ufen, anyʌñ asịn ammọ ke ñkịm-ñkịm ukpe, ate enịm ammọ do tutu ubiire ikpe;

1 Yọọn 1:2

Uwem ado amaawuọ awọd idem; ñnyịn imikịt anye inyʌñ itie ntiense ibaña anye, ñko immunyʌñ itañ inọ ndufo ibaña nsi-nsi uwem, a-akebaaha ye Ete anyʌñ ayaara idem iwọt ñnyịn.

1 Yọọn 3:10

Ami ado usʌñ naña ñnyịn idiọọñọ mme andido nditọ Abasi ye nditọ setan. Awo a-mmiinamma se ifọn idooho ayịn Abasi; awo ammiinyʌññọ ima ayịnete amọ, idooho ake Abasi.

1 Yọọn 3:5

Ado ndufo emediọọñọ ke akedi ma anye adiben mme ndiọiñkpọ ñnyịn afep. Ñko, idiọọk ñkpọ ndomokeed ibaaha anye ke idem.

1 Yọọn 5:19

Ñnyịn imidiọọñọ ke ñnyịn ido nditọ Abasi ñko ke ukeed-ukeed ñkpọ ke iso isọñ asịne ke ukara andidiọọk.

Ñwed Yud 1:6

Mme enyere ñko, emmiikimʌmmọ itie adudu ammọ ikama, ado ekpọñ itie idʌñ ammọ, ke anye akekọp ke nsi-nsi ñkpakọb anịm ke ekịm, abo etie ebet ubiire ikpe ekamba Usen ado.

Adiyaara 20:10

Ndin emaetop Setan a-akebiaañake ammọ esịn ke ibiok ikañ sọọfọ e-emaeketotop idiọọk unam ado mme nsu-nsu brọfed isịn. Eyaetʌkkọ ammọ uweemeayo mme akoneyo ke nsi-nsi nsi-nsi.

Adiyaara 20:15

Awo keed ake adodo a-anyịñ amọ mmiikiwereke ke ñwed uwem, emaetop esịn ke ibiok ikañ ado.